Dutoronomi 20:5 - Ạḍinya Iigbia

⁵ “Kụ bụo ạrumhu ẹgham mọ ọghaaph opuru we phọ mọ, ‘Ạnhian oye kụ odi sịen dị ạlogh omoom otu kụ kọ̋ḅogh ọngo Ẹnaan? Pọ ọdi aḅula agheel kꞌọdi, ọbo ọdi kamugh ghan bọ ẹpe ẹgham mọ, bịn ọnon oye ạsighe otu phọ ọdi ạḅogh ạngo Ẹnaan.

Dutoronomi 20:5 Iomraidhean Croise

Nehemaya 12:27

Mem dị ọḅogh bọ iikpe oghoony phọ aJeruselem ọlogh ḍịghaagh Ẹnaan, ụmagh ni bụo aLivai phọ ọḍua rikpisi lọ bịdi orughogh oru pịdi bịdi ọdaph aani esi arukumuan iboh rꞌạsuor ọsephom Ẹnaan dị ọḅaram ịsagha rꞌạrene.

Ạsuor 30:1

Mị aboom ni nyịna Ọmoogh-we phọ ịdi eḍighi bọ nạ mụphel ịmi ạsighe. Nạ ómeera mọ ạbumulogh-ḍien phọ ạmi oboh.

Igbiighi 31:14

Kụ aMozis ạghagham ologhi bụo ạrumhu ạtorobo ẹku awe ẹgham mọ, bụphe rọtooghi ghan bọ kọngo sụmuunir ạbuo ẹgham mọ, rꞌạbuphe rọtooghi ghan bọ kọngo rukuron ạbuo ẹgham mọ, ọḍua bọ ẹgham mọ origheel.

Igbiighi 31:48

Kụ bụo ạrumhu awe ẹgham bụphe rọtooghi ghan bọ kọngo sịmuunir, rꞌạbuphe rọtooghi ghan bọ kọngo rukuron ạbuo ẹgham mọ, ọghi ọteeny Mozis,

Dutoronomi 1:15

Mị ụtuan bọ ịphen phọ ạsighe bụo ạrumhu ịsiphe arughunughun phọ anyina, we olegheri ịyaar dị rọnaghanan ghan ḍụghum, aḍighi bịdi bụo ạrumhu dị kiphogh ghan inyina: buniin kọtooghi ghan ọngo oniin ọonir awe, buniin kọtooghi ghan ọngo oniin okuron awe, buniin kọtooghi ghan ọngo ooghdi awe, buniin kọtooghi ghan ọngo ḍioph awe rꞌạbudi kopogh ghan rughunughun phọ anyina ọkaaphogh ghan rạraar.

Dutoronomi 16:18

“Ikori ẹmaaghi bụo ịiruen rꞌạbuo ịtooghi sịphe ạramha phọ anyina, ịpe Ọmoogh-we Ẹnaan phọ anyina rịngo bọ inyina, ịdaph rughunughun phọ anyina, kụ bịdi oogboonaan ghan we phọ riliom ịiruen.

Dutoronomi 20:6

Ạnhian oye kụ odi sịen dị aḅeph ozo avain kụ kőlhe ebusi phọ? Pọ ọdi aḅula agheel kꞌọdi, ọbo ọdi kamugh ghan bọ ẹpe ẹgham mọ, bịn ọnon oye ale ozo phọ ọdi.

1 Sạmuel 17:18

Ạsighe ḍioph iiḅoghoḍi onhiir ạmamaam ạnam ạpham ạghiom uwo ẹmhu phọ ạbidi. Mạar ạwa alegheri ịlo abumor phọ ạna odi; kụ nạ ratigheel, pạm ịyaar dị keḍeenaan mọ nạ ụkaraghi ni ạmiin bịdi ḅịle kẹn mọ bịdi omoon ni.