Dutoronomi 20:4 - Ạḍinya Iigbia

⁴ ịdi eḍighi bọ Ọmoogh-we Ẹnaan phọ anyina kụ rạki ni eenaan anyina bụmulogh-ḍien phọ anyina, ọphel anyina ọsighe.’

Dutoronomi 20:4 Iomraidhean Croise

1 Krọnikuls 14:15

Mem dị nạ ạnaghan ḍịgum awe dị rogiriph erelhe ẹpe ạnyu ireeny phọ, pọ kịa azuom loor esi dị mị kạpurom ni atelhe aḍiemi ghan ọghi oogulemi awe ẹgham mọ aFilistia phọ.”

2 Krọnikuls 13:12

Ẹnaan rꞌaloor kụ oḍiemiom ayoor kụ ariil ạrikia ọdi odi sịen rꞌaruuḍue, ọnya ophula ọmagham ayoor eenom anyina. Weye Ịzirel, kébeenan Ọmoogh-we Ẹnaan ạburude ạburude ayoor. Nyina kẹ́kpar epu!”

Ẹḍua 14:14

Ịpam oomiigh anyina. Ọmoogh-we phọ kebian ni inyina.”

Bụo aRom 8:37

Eeye. Ọpo ụphomoghian bọ iyira raḍighi ghan ni ịdi yira ọkpar ri ropu kopeleghiom oomo ạraraar phọ ịphen phọ.

Dutoronomi 1:30

Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 11:25

Oye ólho dị katue ạmeera egbodo anyina, ịdi eḍighi bọ Ọmoogh-we Ẹnaan phọ anyina kaḍighi ni ịdi kighiilaan inyina, nyina eḍigh ruugu ẹpe oomo ade phọ, ịdipho dị ịḅeni bọ inyina.

Dutoronomi 3:22

Kékiilaan bịdi loor esi dị Ọmoogh-we Ẹnaan phọ anyina kieenaan ni inyina.’

Dutoronomi 31:6

Ịkparami siloor anyina, ẹmoogh ạkpo ologhi, kékiilaan, kẹ́moogh eepuph, ịdi eḍighi bọ Ọmoogh-we Ẹnaan phọ anyina kụ kiḍiemiom ni inyina. Ọdi inyina kị́wile, inyina kíghel.”

Dutoronomi 32:30

Oniin oye kaḍighi ika kụ atue bọ aporogh oniin ọonir awe? Ịyal awe koḍighi ika kụ otue oporogh ḍioph ọonir awe, omuton dị Aḍighiigh phọ kụ ẹḅitonaan bịdi, dị Ọmoogh-we phọ kụ ạḅogh ạngo bịdi?

Josua 10:11

Kụ Ạmorait phọ oghiilaan Ịzirel rosumughu kụ bịdi rosi emitenom ạBet Horon ọrol ẹpe, Ọmoogh-we phọ ạsighe iboom ạrana aroḅol bịdi asiemi kꞌẹpe Azeka, kụ omuughu. Bụdi omugh bọ ạbuminighan ni loor ẹghologhol ạrana phọ; bụdi omugh bọ opu bụphe Ịzirel ọziom bọ elhool ẹgham mọ.

Josua 10:42

AJosua ạsighe oomo arere phọ ạbidi rꞌạbudaam mọ ạbidi egina amem, ịdi eḍighi bọ Ọmoogh-we Ẹnaan phọ Ịzirel kụ eenaan Ịzirel.

Josua 23:10

Oniin ọnyo anyina bịn kaporogh ni oniin ọonir ạbidi, ịdi eḍighi bọ Ọmoogh-we Ẹnaan phọ anyina reenaan ghan inyina, ịdipho dị iguanaan bọ inyina.

1 Sạmuel 14:23

eenan bịdi ophorogh tụtu ọghi otenom Bẹt Aven. Ọmoogh-we phọ ạphel li Ịzirel ḍio phọ ạḍiphe.