Dutoronomi 20:3 - Ạḍinya Iigbia

³ ‘Ịnaghan, nyina Ịzirel, nyina meḍuraan ẹebeeph rodon ee ẹgham rꞌạbumulogh-ḍien phọ anyina, obio anyina kúkaph, kékiilaan, kékpereghaan, kékiilaan bịdi,

Dutoronomi 20:3 Iomraidhean Croise

2 Krọnikuls 32:8

Ịnyaam dị ọdi ạmoogh ẹḍua esi oye bịn; ịlo ayira ẹḍua Ọmoogh-we Ẹnaan phọ ayira dị kabianan ẹgham mọ ayira kụ ụphel iyira.” Ikpo ọnhu ọdaam mọ ịkparami ni iloghi awe phọ.

Job 23:16

Ẹnaan Oomo Ịikpo phọ maphiemi ạkpo ologhi phọ ạmi. Ẹnaan phọ kúfiri kụ eḍighi bọ ịdi aruugu rusiph ịmi — ghạlamo ịduon ufiri maḍighi bọ ịdi mị eten ụ́miin mun.

Ạsuor 3:6

Mị rákiilaan sịmuunir ạbumulogh-ḍien phọ bụphe ukoom bọ ịmi ọlogh ogbo.

Ẹḍua 14:13

AMozis ạḅeni we Ịzirel mọ, “Kékiilaan, ịpama riḅiom anyina, kụ ẹrol ẹmiin pẹleeny Ọmoogh-we phọ, ịdi ọdi kiḍighinaan inyina rodon. Awe Ijipt phọ ạbuen nyina rẹmiin bọ rodon, nyina bịdi kẹ́miin mun kꞌagee-pọ.

Azaya 28:16

Nyịidipho, ịphen kụ ịdi Ẹnaan Oomo Ịikpo Ọmoogh-we phọ ạḅem: “Mị rapighi sịphe Zạyon ephighiom dị emiigh kụ ẹkpar. Mị ragim sịphe ẹko ogbo dị ẹpe ạnyu phọ ọge ikpo ọnhu phọ ịphen, ‘Omeeraam dị ạkpar ạḅaram kẹn ni ọkparam.’

Azaya 7:4

Ḅẹni mọ ọdi agona loor, ạrol oḅoorian kụ kụ́moogh okpereghaan mꞌọoḅaghami. Ọghagh ologhi aRezin ọdaam mọ rꞌawe ạSiria phọ ọdi, rꞌọpo aPeka ọdaam mọ óḍighi mun ọlo oboom oghiilaan omuzaan aḍuugh ópu mụghi ịyal ikulha ịpe dị ạnian reḍim ghan.

Igbiighi 14:9

Ịdi idianaan iyira; yira kụ́moogh ịgbagharan esi Ọmoogh-we phọ. Kẹn, yira kúkiilaan bụo ade phọ, ịdi eḍighi bọ bịdi phọ eḍien ayira. Ẹloghonaan bịdi ílhoonaan mun; mạar bịdi ẹloghonaan phọ ạbidi. Ọmoogh-we phọ odi ni rꞌayira, kékiilaan bịdi.”

Matiu 10:16

“Ịnaghan, nyina ạbuphe mị arom bọ mọ iḍighi oḍighi phọ ạmi kẹkigh ịdipho iyool-ịga dị edi ogbo ilhom ịnam. Ịsu ologhi ịdipho ẹkaraph-ịyaar, ẹmoogh ẹepho ịdipho ọkurughozo.

Matiu 10:28

Kékiilaan bụphe kokiigh bọ ḍizu ạnyu phọ bịn kụ kótue bọ okiighom uwaloor phọ. Ikiilaan ghụn ni Ẹnaan phọ ketue bọ ekiigh ḍizu phọ rꞌuwaloor phọ sịphe ooni ạnian phọ.

Matiu 10:31

Esi ịphen phọ, kẹ́moogh mun oghiilaan. Nyina ẹman mạar epu ịbadi ạsimighor!”

Matiu 8:26

Kụ ọdi ạḅeni bịdi mọ, “Sey, nyina awe dị omeeraam ụ́manam. Eeghe kụ iḍighi kụ nyina reepuph bọ ịduon phọ?” Kụ ọdi aḅetenu, kụ ạḅeni oghim mọ rꞌọphiiny phọ mọ ẹpho, kụ ẹpho bịn nam.

Elegh ạMak 16:18

kopoophe yogh ghan ni iḍigh-eḍum, kụ ọphughol ịyaar lọ ọloghom ọogho, kéḍighi mạar. Bịdi kọzuughi ghan ni bụo ạreezegh oḍume yogh.”

Elegh ạMak 16:6

Kụ ọdi mọ, “Aruugu inyina kísiph. Nyina rẹwa ghan Jịzos ọpo ạNazeret, ọpo ọkan bọ oghiigh. Ọdi maḅetenu, ọdi sịen ólho. Ịmiin esi phọ ọmuneen bọ nyọdi.

Iiḍighi 27:24

Kụ ụḅeni ịmi mọ, ‘Pọl, kákiilaan. Nạ kạmeera ni ghisigh aSiza. Pogh aani, Ẹnaan mẹtuan ẹmhu ạna eḍighi dị rꞌeniin ẹmhu ạbuphe rꞌạna oḍigh bọ oghuugh phọ képe.’

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:2

Mem lọ nyina mẹghi ẹtol repogh ẹgham mọ, kụ oyil ạrikia phọ amite ạghaaph ạḅeni we phọ mọ,

1 Bụo ạTesalonika 5:15

Ọnyo anyina ịkaraph kúḍighi ghan uḅulemian. Oomo amem ịwa ghan oḍighi iiḅi sịphe ogbo phọ anyina rꞌoomo awe.

1 Timoti 6:12

Kpạrami ḍịghaagh aghiil aani eghiil phọ bụphe momeeraam bọ rokiil bọ, pịdi ạmoogh ghuḍum kꞌagee-pọ ạngo loor phọ ạna. Ẹnaan ịtuan ghuḍum mọ ạkuen phọ kụ ẹmagh bọ nyịna, mem mọ nạ amighirom bọ ni ạmeera ghisigh ịbadi awe ạghaaph omeeraam mọ ạna amitiom.

Bụo aHibru 13:6

Kụ esi ịduon phọ yira kọḅem ni rꞌoḍuom ologhi mọ, “Ọmoogh-we phọ kụ rụlhoghonaan ghan ịmi ḍịghaagh. Mị kákiilaan. Oye kuḍighi ịmi eeghe?”

Josua 23:10

Oniin ọnyo anyina bịn kaporogh ni oniin ọonir ạbidi, ịdi eḍighi bọ Ọmoogh-we Ẹnaan phọ anyina reenaan ghan inyina, ịdipho dị iguanaan bọ inyina.

Ogonanami Phọ 2:10

Oomiigh anyina kúkaph ghan ịlo ạraraar phọ kemiteghu bọ. Ịnaghanan. Eru phọ kẹloghoḍi ni buniin anyina ikoli ịlo ọdeghom anyina ophogh. Ịminimiin phọ anyina kẹtol ḍioph aḍughul-otu bịn. Ghạlamo rꞌosoph ni ooko anyina, iseere ologhi anyina esi ạmi kụ mị kizu ni inyina eghoony aghuḍum mọ.

1 Sạmuel 17:32

Kụ aDevid ạḅeni Sọl mọ, “Nạ ogbogh ọdaam, oye kúkiilaan ọlo aFilistia phọ ọphon phọ! Mị kạki ni abianan nyọdi.”