Dutoronomi 20:16 - Ạḍinya Iigbia

¹⁶ “Kụ rạmha awe phọ ạbuphe Ọmoogh-we Ẹnaan phọ anyina ịngo bọ inyina mọ ịmoogh phọ, ísugheeny ghan rꞌẹnum ịyaar lọ repooghu.

Dutoronomi 20:16 Iomraidhean Croise

Igbiighi 21:35

Kụ bịdi oghiigh nyọdi, ọze oomo ạnmuny phọ ọdi, rꞌawe phọ ọdi, ósugheeny rꞌoye. Kụ bịdi orugh de phọ ọdi.

Igbiighi 31:17

Esi ịduon phọ, ịze oomo ịbam alephiri ạnmuny phọ rꞌoomo ạnmariir lọ rꞌoye mọrolan ghan esi.

Igbiighi 33:52

iporogh oomo ạbuo ade phọ, bụphe orugh bọ sịphe ade phọ, bịdi ọḍuaghu. Ẹphueghi egbonyon oomo phọ asighiigh phọ ịpe bịdi ọkaaghi bọ ọghighemian siloor, rꞌoomo ịkaaghineen ạrumugh phọ ạbidi, ḅịle rꞌoomo ariisi ooseeny aruru phọ ạbidi.

Dutoronomi 20:15

Ịduon kụ ịdi nyina keḍighi ghan oomo ạramha phọ ịpe ẹkelan bọ rꞌanyina, ịpe ítu bọ ịlo ẹphen.

Dutoronomi 20:17

Ekori ẹze oomo phọ ạbuen mị kạgo bọ ẹmadan: bụo ạHitait phọ, bụo Ạmorait phọ, bụo aKenanait phọ, bụo ạPerezait phọ, bụo aHivait, rꞌạbuo aJebusait, ịdipho Ọmoogh-we Ẹnaan phọ anyina ạto bọ ịḅeni inyina,

Dutoronomi 24:4

pọ ọḅel olhom ạnir phọ ọpo ạḅamanaan bọ ạnir phọ kụ́sighe mun ạnir phọ ọpo phọ úpin, ịdi eḍighi bọ ịphen phọ mẹphue ạnir phọ, ịdi eḍighi bọ mụen phọ ạḅaphanya ni esi Ọmoogh-we phọ. Kéḍighi ghan ịlo nyina kẹpue de phọ ạḍiphe Ọmoogh-we Ẹnaan phọ anyina ịngo bọ inyina ọmoogh.

Dutoronomi 31:5

Ọmoogh-we phọ kịngo ni inyina bịdi. Ịdaph oomo iilogh phọ ịphen mị ạlogh bọ ịngo inyina kụ ẹtuugh eeko bịdi.

Dutoronomi 4:21

Ọmoogh-we phọ ạtuan rụmhu anyina kụ ụghagham ịmi ologhi, kụ aghunya ạḅem mọ mị kạ́ḅeeny Ọphiiny ạJodan apun ạki asi aani ẹpe aḍiiḅi ade phọ ạḍiphe Ọmoogh-we Ẹnaan phọ anyina rịngo bọ inyina mọ ịmoogh phọ.

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Josua 10:20

Mem dị aJosua rꞌawe phọ Ịzirel mọze bịdi ẹziom dị ẹphughan, ọboor bịdi ọmadan. Kụ ịyal-ikpo ạbudi osugha bọ osumughu ogheleghu rạmha dị oghoonyogh.

Josua 10:28

AJosua ạsighe Makeda ḍio phọ ạḍiphe, kụ ạsighe eḍume elhool ẹgham mọ ạziom bịdi rꞌọdaam ẹmha phọ ạbidi. Ọdi ạze oomo awe ẹmha phọ ạmadan rꞌẹnum oye ósugheeny. Ọdi ạtuugh ịpe ọdi aḍighi bọ ọdaam mọ aJeriko aḍighi ọdaam mọ aMakeda.

Josua 10:40

AJosua ạkpar apu oomo ade phọ, emiigh kꞌẹpe aroogbolom mọ rꞌạḍigharaghar ade esoorom mọ esiemi ẹpe eḍiinyaan bọ rꞌẹpe ekpululu bọ; ạze bụdaam ẹmha phọ ạbidi rꞌoomo awe phọ ropooghu bọ ạmadan, rꞌoniin oye ósugheeny, ịdipho Ọmoogh-we Ẹnaan phọ Ịzirel ạto bọ ạḅeni nyọdi.

Josua 11:14

Omuton oomo ạraraar phọ ịpe owum bọ rꞌịnam otu phọ ạbidi bịn kụ ạraraar ịsiphe ẹmha phọ dị Ịzirel ọsighe aani. Bịdi ọsighe eḍume elhool ẹgham ọziom oomo awe ọmadan úsugheeny ọlo rapooghu.

Josua 6:24

Kụ ọsu nịan ẹmha phọ, ọḅaram oomo aruphua ịsiphe ẹmha phọ, omuton silva rꞌagol rꞌạraraar ịpe ọlhemom bọ enaba rꞌịlo arukuron. Bịdi ọsighe ịphen phọ ọghi ọlogh sịphe rooko ghan bọ rạraar sịphe otu phọ Ọmoogh-we phọ.

Josua 8:25

AJosua ọ́kul ḍịghaagh phọ ọdi ḍịphe ọdi ạpham bọ ọsoph phọ tụtu oghiigh tọrobo oye. Oomo awe ạbuo aEai ụze ḍio phọ ạḍiphe ọmadan, ḍioph rꞌịyal ọonir awe, lephiri rꞌạnmariir.

Josua 8:8

Kụ nyina rẹsighe ẹmha phọ, kụ ẹsu nịan. Ịphen ikpo ọnhu dị nyina kẹdaph.”

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.

Josua 9:27

Kụ mem mem mọ ọdi ạsighe bịdi aḍighi rẹbene ọso ghan ịpe ọḅile ọkpaaghinaan ghan ạmuum ookpomoghan awe phọ Ịzirel rꞌịsiphe enmeny ạrikia phọ Ọmoogh-we phọ. Kꞌarodon bịdi odi ghan oḍighi ịphen phọ esi dị Ọmoogh-we phọ ạsaḅar mọ ọrol ghan kụ ọoḅereghi.

Josua 9:7

Kụ awe phọ Ịzirel opuru bịdi mọ, “Esi ika kụ ẹdi yoor rꞌanyina kekiran bọ ịyo? Iini sịen amarugh anyina ọ́kel.”

1 Sạmuel 15:3

Kịa azuom ẹgham we phọ Ạmalek ạphueghi oomo ạraraar lọ bịdi ọmoogh ạmadan. Kásugheeny rꞌeniin ịyaar. Zẹ ni oomo alephiri ạnmuny rꞌạnmariir rꞌịbam ạnmuny rꞌạbulo pụruku ọmar, rꞌạsinam rꞌiyool-ịga, sịkamel rꞌịnam adool phọ ạbidi ạmadan.”