Dutoronomi 20:10 - Ạḍinya Iigbia

¹⁰ “Mem lọ nyina ẹrol repogh ẹmha phọ ẹpe nyina rꞌạbidi kobe bọ ẹgham mọ, isu ghan ọghor edughom.

Dutoronomi 20:10 Iomraidhean Croise

Azaya 57:19

Mị kạngo ni ẹepho oomo awe, bụlo okpekian rꞌạbulo ọkelan! Mị kaakonom ni we phọ ạmi.

Zẹkaraya 9:10

Ọmoogh-we phọ ạḅem mọ, “Mị kạsighiogh rughuugh ẹgham ude sịen Ịzirel ạḅile ạsighiogh rụsu phọ sịen Jeruselem; Ạsikumugh phọ rọkimom ghan bọ ẹgham mọ kebunughian ni. Ọdaam-ẹmha phọ anyina rꞌịpheri phọ areelhe phọ kọtol li rꞌẹepho; Ọdi kạda ni emiigh otu-ḅualhe kụ ẹghi ẹteeny otu-ḅualhe, emiigh ẹpe Ọphiiny aYufratis kụ ẹghi esi ruukuna ade phọ.”

Iiḍighi 10:36

Nyina elegheri ni dom mọ Ẹnaan erom bọ we phọ Ịzirel, mọ ạJizos Kraist Ọmoogh-we aḅirini phọ mạsighe ẹepho atuomonaan bịdi.

2 Bụo ạKorint 5:18

Ẹnaan phọ ẹtuan bọ aKraist kụ ịphomoghi bọ iyira ẹḅile bọ ịngoom iyoor oḍighi ọsighe ghan ạbunon ọphomoghiom ọdi phọ, kụ iḍighi yogh bọ ni oomo ịphen phọ.

Bụo ạEfesos 2:17

Kụ aKraist aru bọ ạghaaph ooḅi ọghaaph ẹepho phọ ạḅeni oomo awe — rꞌanyina aruuruen phọ ẹkelan bọ ni Ẹnaan, rꞌạbuo aJu phọ otuman bọ ni nyọdi.

Dutoronomi 2:26

“Ẹpe ẹdala phọ aKedemot kụ ẹdi mị arom bọ dom ạghiomonaan Sihon ọdaam mọ aHesbon ọghaaph ịlo ẹepho mọ,

Dutoronomi 20:11

Kụ eru mạar dị ịphagharanaan inyina mọ edughom kụ ịrolonaan inyina, pọ oomo awe phọ ạbuphe odi bọ sịphe ẹmha phọ kiḍighinaan ghan inyina ọokpara oḍighi, ikumu ghan inyina.

Dutoronomi 20:9

Kụ mem dị bụo ạrumhu ẹgham mọ mọghaaph ọmadan, ọḅeni we phọ mọ bịdi ọmaaghi bụo ịtooghi lọ koḍiemiom bọ we ẹgham mọ.

Bụo Ịiruen 11:12

AJefta arom ni rụukpaany ạghiom ọdaam mọ Amon mọ ọḅeni nyọdi mọ, “Mịna rꞌạna ígbian eeghe? Uḍighi ika kụ nạ mazuom bọ de phọ ạmi elephiri?”

Bụo Ịiruen 21:13

Kụ aḍita ookpomoghan phọ orom we mọ ọghi ọghaaphan rꞌawe ạBenjamin bụphe orugh bọ ẹpe Aḍighiigh ạRimon, kụ oguanaan okureri ẹgham mọ.