Dutoronomi 20:1 - Ạḍinya Iigbia

¹ “Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:1 Iomraidhean Croise

Emiighom 26:3

Tugh ni sịen ade phọ ạḍien. Mị kạrolonaan ni nyịna kụ ạseph nyịna. Mị kạngo nyịna rꞌọto ạna oomo ade phọ ạḍien. Mị kamuneni ni ịyo phọ mị rꞌEbraham ọde phọ ạna rꞌạmi oghiran bọ.

2 Krọnikuls 14:10

Ạsa amite ni ạghi eenom, kụ ịyal phọ asita ẹgham ọmeregha riisi ạbidi sịphe Eḍiiny aZefata etuman bọ Maresa.

2 Krọnikuls 14:11

Ạsa ạaḅereghi ni Ọmoogh-we Ẹnaan phọ ọdi mọ, “Ọmoogh-we, nạ katue ni ạpel we ẹgham lọ odugh, ịdipho nạ kạpel bọ bụlo ọkpar. Ụphel iyoor nyịidipho, Ọmoogh-we Ẹnaan phọ ayoor, loor esi dị yoor roḍuom ghan nyịna ologhi, kụ esi aḍien ạna kụ yoor ọtu bọ eenan ḍigbogh aḍita awe ẹgham mọ ẹphen. Ọmoogh-we, nạ kụ Ẹnaan ayoor; oye ólho dị kạmoogh ịitughian ọkpar opu ạna.”

2 Krọnikuls 20:12

Nạ kụ Ẹnaan ayoor! Lịom bịdi, loor esi dị ọloghonaan ạḍighaagh iyoor úlhoonaan esi dị aḍiboom aḍita awe dị oleeny ịduon kụ ruphorogh iyoor. Yoor úlegheri ịlo oḍighi, kụ yoor rophogh nyịna ọmoogh ạpeleeny.”

2 Krọnikuls 20:15

Kụ ạJahaziel ạḅem mọ, “Nạ ogbogh ọde rꞌoomo anyina awe phọ aJuda rꞌaJeruselem, ịnaghan. Ọmoogh-we phọ ạḅem mọ kẹ́moogh ịyal iloghi ḅịle kẹ́moogh oghiilaan eenan aḍiboom aḍita awe ẹgham mọ ạbuen. Ẹgham mọ edi esi Ẹnaan, kési anyina.

Ạsuor 118:6

Ọmoogh-we phọ odianaan rꞌạmi, mị kákiilaan; eeghe ịyaar kụ ẹdi oye kuḍighi ịmi?

Ạsuor 20:7

Buniin oḍuom ologhi rughuugh-ude ẹgham ạbidi, buniin oḍuom ologhi rụsu ạbidi; kụ ọlo yira oḍuom ologhi ḍien Ọmoogh-we phọ Ẹnaan phọ ayira.

Ạsuor 23:4

Ghạlamo mị urelhe ạḅeeny ḍigher ọkikiph ufiri aḍuugh, mị kákiilaan ịkaraph, ịdi eḍighi bọ nạ odi rꞌạmi; ọkolhom mọ ạna rꞌịkpara phọ ạna rịidereghi ghan ịmi.

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ạsuor 46:7

Ọmoogh-we Oomo Ịikpo phọ odianaan ni rꞌayira, Ẹnaan phọ ạJekob kụ aḍibuo dị yoor oḍigh.

Ạsuor 46:8

Itu rẹmiin aani iiḍighi Ọmoogh-we phọ, iikia ạraraar phọ ọdi aḍighi yogh bọ sịen aḅirini phọ.

Ẹḍua 20:2

“Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene.

Azaya 31:1

Moruule bụphe ọghi bọ Ijipt ọwa ọloghonaan ạḍighaagh! Bịdi roḍuom ghan ologhi esi iboom ịikpo ạbuo ẹgham Ijipt — ạrusu, arughuugh-ude, awe ẹgham. Kụ ọlo bịdi úḍuom ologhi Ọmoogh-we Ẹnaan, Iigbia phọ Ịzirel mọ opuru ọdi ọloghonaan ạḍighaagh.

Azaya 41:10

Kẹ́moogh oghiilaan — mị odi ni rꞌanyina! Mị kụ Ẹnaan anyina — rꞌịyaar inyina kị́degh! Mị kaḍighi ịdi nyina kẹmoogh ịikpo kụ ịngo inyina ẹloghonaan! Mị kiiko ni inyina kụ ịphel inyina.

Azaya 43:2

Mem dị nyina rẹḅeeny mụum dị ạkel ude, mị kịrolan ni inyina; ịiḅaghami inyina kị́sighenom. Mem dị nyina eten esi ạnian, inyina kíkoph; ọgbagara ọdegh ophogh phọ katu bọ, inyina mạar káḍighi.

Azaya 7:14

Ọmoogh-we phọ rꞌaloor kạngo nyịna eḍeenaan: esina ọnyani dị odi rꞌeghun kạmar olephiri kụ kokol nyọdi mọ Emanuel.

Jerimaya 16:14

Ọmoogh-we phọ rạḅem ghan, “Amem retu ni dị awe kókunya ghan mun esi aḍien phọ ạmi Ẹnaan phọ ẹpe edi ghan bọ bịn, ọpo ạsighe bọ nmụny Ịzirel amitiom ẹpe ade phọ Ijipt.

Zẹkaraya 10:5

Awe phọ aJuda kọmoogh ni ọkpar opu ịdipho awe ẹgham dị ọozeghi ẹpomoghian phọ ạbidi ọloghoḍi ọposo sịphe areten phọ. Bịdi kobe ni loor esi dị Ọmoogh-we phọ odi ni rꞌạbidi, kụ bịdi kọkpar ri opu ghạlamo ẹpomoghian phọ ạbuphe oḍiku bọ ạsu phọ.

Igbiighi 10:9

Tọrobo amem lọ nyina ẹdi sịphe ade phọ anyina kụ ạbumulogh-ḍien moru ozuom anyina ẹgham, nyina kepulaam ghan rụkuodu phọ rꞌịnyaam. Pọ kụ amem dị Ọmoogh-we Ẹnaan phọ anyina kịitughian inyina, ịphel inyina ạsighe esi ạbumulogh-ḍien phọ anyina.

Igbiighi 23:21

Mị ạnuun ni ạmiin mọ ịpe aghisigh phọ Ịzirel kétuom ẹkaraph elhor mꞌịiḅaghami Ọmoogh-we phọ Ẹnaan phọ ạbidi odianaan ni rꞌạbidi; Bịdi ogbeelom mọ ọdi kụ ọdaam ạbuno.

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Dutoronomi 1:29

“Kụ mị ịḅeni bọ inyina mọ, ‘Kékpereghaan, kékiilaan bịdi.

Dutoronomi 2:7

“Ịitughian ịdi Ọmoogh-we Ẹnaan phọ anyina mạseph oomo iiḍighi ạraghaagh phọ anyina. Ọdi alegheri ni erelhe phọ anyina sịen eboom mọ ẹdala phọ ẹphen; esi inyadi ạsia phọ Ọmoogh-we Ẹnaan phọ anyina edianaan ni rꞌanyina, ịyaar inyina ki̋ku.

Dutoronomi 20:2

Mem lọ nyina mẹghi ẹtol repogh ẹgham mọ, kụ oyil ạrikia phọ amite ạghaaph ạḅeni we phọ mọ,

Dutoronomi 20:3

‘Ịnaghan, nyina Ịzirel, nyina meḍuraan ẹebeeph rodon ee ẹgham rꞌạbumulogh-ḍien phọ anyina, obio anyina kúkaph, kékiilaan, kékpereghaan, kékiilaan bịdi,

Dutoronomi 31:6

Ịkparami siloor anyina, ẹmoogh ạkpo ologhi, kékiilaan, kẹ́moogh eepuph, ịdi eḍighi bọ Ọmoogh-we Ẹnaan phọ anyina kụ kiḍiemiom ni inyina. Ọdi inyina kị́wile, inyina kíghel.”

Dutoronomi 31:8

Ọmoogh-we phọ kụ kaḍiemiom nyịna. Ọdi kạrolonaan ni nyịna. Ọdi nyịna kạ́wile, nyịna kámutonaan. Kákiilaan, ḅịle kạ́moogh eepuph.”

Dutoronomi 7:1

“Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Dutoronomi 7:18

pọ kékiilaan bịdi, ịitughian ghan ịpe Ọmoogh-we Ẹnaan phọ anyina eḍighi bọ ọdaam eelhe phọ rꞌoomo awe phọ Ijipt:

Dutoronomi 7:21

Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 1:5

Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 11:9

AJosua ạtuugh ịpe Ọmoogh-we phọ ạḅeni bọ nyọdi aḍighi bịdi, aḅonyon ruukum ạrusu phọ ạbidi kụ ạsighe rughuugh-ude phọ ạbidi aguom nịan.

Bụo Ịiruen 6:12

Kụ ọokpaany phọ Ọmoogh-we phọ amite egaan esi ọdi kụ ạḅeni mọ, “Ọmoogh-we phọ odi rꞌạna, nạ oye ịikpo, nạ ophelegbe.”

Bụo Ịiruen 6:16

Kụ Ọmoogh-we phọ ạḅeni nyọdi, “Mị kạrolonaan ni nyịna, kụ nạ ạze oomo ạMidian phọ dịadi oniin oye.”

1 Sạmuel 17:32

Kụ aDevid ạḅeni Sọl mọ, “Nạ ogbogh ọdaam, oye kúkiilaan ọlo aFilistia phọ ọphon phọ! Mị kạki ni abianan nyọdi.”