Dutoronomi 2:9 - Ạḍinya Iigbia

⁹ Kụ Ọmoogh-we phọ ụḅeni ịmi mọ, ‘Kẹ́eḅaghami we phọ ạMoab. Kézuom bịdi ẹgham ịdi eḍighi bọ mị inyina rꞌẹkpigh ade phọ ạbidi rị́ngo mọ ịmoogh, ịdi eḍighi bọ mị mạngo nmụny ạLot Ar mọ bịdi ọmoogh.’”

Dutoronomi 2:9 Iomraidhean Croise

2 Krọnikuls 20:10

“Nyịidipho awe phọ Amon, ạMoab rꞌIdom moru uzuom iyoor ẹgham. Mem mọ ạburude ạburude ayoor omite bọ ẹpe Ijipt, nạ ómeera bịdi oḍigh rere phọ ịpe, kụ ạburude ạburude phọ ayoor ọghi okitonom kụ úpiemi.

Ạsuor 83:8

Bụo Asiria mọdaphan bịdi; bịdi oḍighan agey weye Amon rꞌạMoab, nmụny ạnmuny phọ ạLot.

Azaya 15:1

Ḍịen kụ adom ḍio ạMoab. Rạmha phọ Ar rꞌaKir kopiemi ḍiniin aḍughul, bịn ẹḍogh ạMoab kọ́naghan mun.

Igbiighi 21:15

rꞌariḍiiny phọ ekpululu bọ ẹghi esi ẹmha Ar dị rẹki ọku eelhe ạMoabait.)

Igbiighi 21:28

Amem ịrol dị sịen egbogh ẹmha phọ Hesbon; awe ẹgham aSihon unyeene mụdi ạnian ophiemi ẹmha phọ Ar ẹpe eelhe phọ ạMoab, rꞌikpolom awe phọ ạraaḅaraph phọ Anon.

Igbiighi 22:4

Kụ awe phọ ạMoab ọḅeni ikumoor awe phọ ạMidian mọ, “Nyịidipho awe phọ ạbuen kọlaay oomo ạraraar phọ ikoom bọ iyira, ịdipho aḍilephiri ạnam rạtaal ghan bọ imoom ạrinya eḍum.”

Dutoronomi 2:29

tụtu yoor osi Ọphiiny Jọdan oḍigh de phọ Ọmoogh-we Ẹnaan phọ ayoor ịngo bọ iyoor. Ạnmuny ạnmuny phọ Ịso, bụphe orugh bọ ẹpe Idom, rꞌawe ạMoab, bụphe orugh bọ ẹpe Ar, umeera ni yoor ọḅeeny oten eelhe phọ ạbidi.’

Dutoronomi 2:5

Kézuom bịdi ẹgham. Mị rị́ngo inyina de phọ ạbidi, ghạlamo rꞌẹlo ẹman ẹda owol, ịdi eḍighi bọ mị mạngo Ịso ẹpe ạraaḅaraph aIdom mọ ọdi ạmoogh; ẹpe phọ ẹlo ọdi.

Bụo Ịiruen 11:15

mọ ọḅeni nyọdi mọ, “AJefta ạḅem ịduon mọ: Ọkpe ni ọḅem mọ awe phọ Ịzirel ọsighe de ạMoab rꞌade Amonait phọ.

Bụo Ịiruen 11:17

kụ bịdi orom rụukpaany ọghiom ọdaam mọ Idom kụ ọḅeni nyọdi mọ, ‘Seseeny meera yoor orelhe oten aani de phọ ạna.’ Kụ ọdaam mọ Idom ómeera. Bịdi ọḅile kẹn orom ḍiniin phọ adom mọ ọghiom ọdaam mọ ạMoab, kụ ọdi kẹn ómeera. Esi ịduon phọ bịdi orugh ẹpe Kades.

Bụo Ịiruen 11:18

Íbia bịn bịdi orelhe ẹpe ẹdala phọ kụ okiton oḅula oogo ẹpe ade phọ Idom rꞌade phọ ạMoab, ọghi osi ḍịghaagh phọ ạḍiphe erumuḍio phọ remite ghan bọ, ẹpe de phọ ạMoab, kụ orugh nyọori phọ ạga phọ Anon. Bịdi úḍigh ẹpe ọku phọ ạMoab loor esi dị Anon kụ ọku ạMoab.