Dutoronomi 2:4 - Ạḍinya Iigbia

⁴ Lọgh ologh ạngo we phọ ạḅeni bịdi orelhe ẹpe ọku ade phọ ạnmuny phọ Ịso abumor phọ anyina, bụphe orugh bọ ẹpe Idom. Bịdi kighiilaan ni inyina, kụ ịmaar ẹphama siloor anyina.

Dutoronomi 2:4 Iomraidhean Croise

Emiighom 25:23

Kụ Ọmoogh-we phọ ạḅeni nyọdi mọ, “Ịyal areelhe kụ edi bọ sịphe ọkuruḅaka phọ ạna. Ịyal phọ areelhe phọ nạ kạmar bọ kodia ni, oniin kụ kạmoogh ịikpo apu nyoniin, okumoor phọ kakumunaan ghan ọbam mọ.”

Emiighom 36:8

Pọ kụ ịyaar phọ Ịso ạghi bọ roogbolom mọ Idom kụ arugh.

Ẹḍua 15:15

Ạraalha phọ Idom kookpeka yogh ni; ạbuo ạrumhu awe ạMoab rokpereghaan ni; oḅio oomo awe aKenan mạpheeph.

Ẹḍua 15:16

Eepuph rꞌokaphian oomiigh kụ odianaan bịdi. Loor ạḍighaagh iphelegbe phọ ạna, bịdi monaghagha yogh ịdipho asighiigh, tụtu awe phọ ạna bụphe nạ Ọmoogh-we phọ ạtagharan bọ dọl ạrebene phọ ogbiriph oten.

Matiu 5:16

Ạḍiḅaal phọ anyina ẹtuugh ịdipho phọ ẹmhu aani ghisigh awe, pịdi bịdi ọmiin iiḅi iiḍighi phọ anyina kụ oboom Ọde phọ anyina odi bọ kꞌạke phọ!”

Elegh aLuk 12:15

Kụ ọdi ạḅeni oomo phọ ạbidi mọ, “Igona loor ẹkporion rạghaagh oomo ạruuphua ikpoki. Aghuḍum oye ólhoonaan ọmoogh ịyaar etum ịyaar.”

Bụo ạEfesos 5:15

Imiigha loor dọl phọ anyina. Kẹ́tol dọl arolologhi, ịtol dọl olegheri ịyaar.

Dutoronomi 2:3

‘Nyina meyeela eeghiraan ghan sịen aroogbolom mọ ịphen ịdi mẹkasian; ikiton esoman ẹpe ephunom mọ.

Dutoronomi 23:7

“Ímutonaan ghan ọlo Idomait, ịdi eḍighi bọ bịdi abumor anyina; ímutonaan ghan ọlo Ijipt, ịdi eḍighi bọ nyina ịrol li iiruen ẹpe ade phọ ạbidi.

Bụo aFilipai 2:15

ọbo nyina eḍighi nmụny phọ Ẹnaan dị ookuan oseleman yogh. Ịtol dọl dị ịyaar inyina kị́biph sịphe ogbo ọkulakula aḅirini ịkaraph awe phọ. Ịmu sịphe ogbo phọ ạbidi ịdipho ạḍiḅaal sịen aḅirini phọ,

Bụo ạKolosi 4:5

Ịtolom bụphe úmeeraam bọ Kraist dọl olegheri ịyaar. Ọony eepoogh lọ nyina ẹmoogh ọghaaph adom mọ Ẹnaan, ị́bile ghan.