Dutoronomi 2:36 - Ạḍinya Iigbia

³⁶ Emiigh kꞌẹpe Aroer sịphe Eḍiiny Anon, rꞌẹmha phọ edi bọ sịphe ogbo eḍiiny phọ, ẹghi esi ọku ẹpe Gịliad, ẹmha ị́tol dị oghoonyom iikpe dị ụkparanaan iyoor dị yoor útue úḍigh. Ọmoogh-we Ẹnaan phọ ayoor ameera kụ yoor oḍigh ọsighiogh.

Dutoronomi 2:36 Iomraidhean Croise

2 Sạmuel 24:5

Bịdi ọḅeeny Jọdan phọ kụ odoghoḍi rugbogo ạga esoorom Aroer, ẹmha dị ẹrol sịphe ogbo eḍiiny phọ, ẹpe eelhe phọ ạGad. Bịdi ọḍua sịphe kụ ọghi ẹpe ephunom osi ẹpe Jazer.

2 Ạbudaam 10:33

emiigh kꞌạJodan ẹpe erumuḍio phọ remite ghan bọ esiemi oomo ạGiliad: arere ạGad, rꞌaRuben rꞌạManase; emiigh kꞌAroer phọ odi bọ ọgbal Ọphiiny Anon esiemi Gịliad rꞌạBasan.

Ạsuor 44:3

Awe phọ ạna ụ́sighe elhool ẹgham kụ ọmooghom bọ de phọ; ḅịle kẹn, ịnyaam ạbidi kụ bịdi ị́pel bọ; ạḍighaagh elhiom mọ ạna rꞌịnyaam mọ ạna kụ ịphel bọ bịdi ịdi eḍighi bọ bịdi ọḅeeraan nyịna.

Ẹḍua 23:31

Mị kaḍighi ịdi ạruuku ade phọ anyina kemiigh ẹpe Ọphiiny Akaba kụ ẹghi esi Ọphiiny aYufratis, ḅịle emiigh Meditarenian kụ ẹghi ẹteeny ẹdala ịisaar phọ. Mị kịngo ni inyina ịikpo apuemi bụo ade phọ kụ nyina eporogh bịdi ịduon nyina rẹki bọ.

Azaya 17:2

Rạmha phọ ạSiria kọḍuaghu ni kꞌagee-pọ. Bịdi keḍighi riisi dị iyool-ịga rꞌạsinam kẹḅal ghan ịḅal, kụ oye bịdi káporogh.

Jerimaya 48:19

Nyina phọ ạbuphe erugh bọ Aroer, ịmeera ọgbal eten kụ ekori; Ipuru bụphe rokiil bọ kọḍua ipuru bịdi ịyaar phọ emite bọ.

Igbiighi 32:34

Awe eghun phọ ạGad ọḅile odoghoḍi rạmha ẹkpar phọ ịphen: Dibon, Atarot, Aroer,

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Dutoronomi 3:12

“Kụ ade phọ yoor ọmoogh bọ mem mọ ạmuphe phọ, emiigh ẹpe ạga ephunom ẹmha phọ Aroer etuman bọ ẹpe Ọphiiny Anon, rꞌạpakiri ạḍighaagh ẹpe aroogbolom ạGiliad, rꞌạramha phọ ẹrol bọ ẹpe kụ ịdi mị ạngo bọ eghun aRuben rꞌeghun ạGad.

Dutoronomi 4:48

Ade phọ imiigh kꞌẹmha Aroer ọogaany Ọphiiny Anon kꞌẹpe ephunom mọ kụ esi Eegum aSirion phọ oghol aani bọ mọ ạHermon.

Josua 1:5

Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 12:2

Bịdi ụka ni Sihon ọdaam mọ Ạmorait arugh bọ ẹpe Hesbon. Ọdi kụ ạda emiigh Aroer edi bọ ẹpe eekuna okol phọ Eḍiiny Anon, emiigh sịphe ogbo ọphiiny phọ rꞌạpakiri ạGiliad, ẹghi esiemi ẹpe Ọphiiny ạJabok kụ ọku ade Amonait.

Josua 13:16

Ọku ạbidi amiigh ẹpe Aroer ẹpe oogbom Eḍiiny Anon rꞌẹmha phọ ẹpe edi bọ sịphe ogbo ọphiiny phọ, rꞌịsiphe oomo arukpu-ogbo phọ etuman bọ Medeba.

Josua 13:9

Emiigh Aroer ḍịphe edi bọ oogbom Eḍiiny Anon, rꞌẹmha phọ ẹpe edi bọ sịphe ogbo ọphiiny phọ, rꞌoomo ẹpe ẹyaghagha bọ ẹpe Medeba ẹghi esiemi Dibon.

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Bụo Ịiruen 11:22

Kụ bịdi ọsighe oomo areelhe phọ Ạmorait ọmoogh bọ emiigh kꞌAnon ẹpe esoorom mọ ẹghi esi Jạbok ẹpe ephunom mọ ẹḍua ẹpe ẹdala phọ ẹpe erumuḍio phọ remite ghan bọ, ẹghi esi Jọdan ẹpe erumuḍio phọ remeel ghan bọ.

Bụo Ịiruen 11:26

Ịraar okuron ạsia kụ ẹdi Ịzirel morugh bọ ẹpe Hesbon rꞌịbam ạramha phọ ạbidi, rꞌẹpe Aroer rꞌịbam ạramha phọ ạbidi, rꞌoomo ạramha phọ ịpe etuman bọ Anon, eeghe kụ iḍighi kụ kꞌaḍio phọ nạ éenan bọ ọsighe?