Dutoronomi 2:30 - Ạḍinya Iigbia

³⁰ “Kụ ọlo aSihon ọdaam mọ aHesbon ómeera mọ yoor ọḅeeny oten eelhe phọ ọdi. Ọmoogh-we phọ Ẹnaan phọ anyina ạngo nyọdi ọḅaar ẹmhu, ẹrol dị yoor ọkpar opu nyọdi kụ ọsighe de phọ ọdi, ḍịphe yoor odi bọ kꞌarodon.

Dutoronomi 2:30 Iomraidhean Croise

1 Ạbudaam 12:15

Ọdaam mọ ọ́naghanan we phọ, ịdi eḍighi bọ onmia phọ ọphon phọ ạḍua esi Ọmoogh-we phọ kụ aru; ẹrol dị ịpe ọdi ạghaaph bọ eḍighi ekol, ịpe Ọmoogh-we phọ ạghaaph bọ ạḅeni Ahaija oyil ịmiin phọ aSailo ạḅeni Jeroboam ọony phọ aNebat.

2 Krọnikuls 10:15

Iḍighi ni ogbi Ọmoogh-we Ẹnaan phọ omitiom ẹḍogh phọ ọdi ạḅaanaan bọ Jeroboam ọony aNebat esi oyil Ahaija ọlo aSailo. Ịphen kụ iḍighi bọ ịyaar phọ ọdaam mọ ụ́naghanan bọ we phọ.

Ẹḍua 11:10

AMozis rꞌEeron uḍighi yogh ni oomo ịiḍaany phọ ịphen risigh ọdaam eelhe phọ, kụ Ọmoogh-we phọ ạkparami ni ologhi ọdi. Kụ ọdaam eelhe phọ ómeera mọ awe phọ Ịzirel ọḍua sịphe ade phọ Ijipt ogheel.

Ẹḍua 4:21

Ọmoogh-we phọ ạḅeni Mozis mọ, “Nyịidipho nạ raḅula bọ ẹpe Ijipt, ḍighi yogh risigh ọdaam eelhe phọ oomo ịiḍaany phọ ịpe mị ạngo bọ nyịna ịnyaam oḍighi yogh phọ, kụ mị kaḍighi ni ịdi ọdaam eelhe phọ kạḅaar ẹmhu, kụ ọdi kámeera mọ awe phọ ogheel.

Ẹḍua 7:14

Ọmoogh-we phọ ạḅeni Mozis mọ, “Ologhi ọdaam eelhe phọ Ijipt ạgbagara ni, dị ómeera mọ awe phọ ạmi ogheel.

Azaya 48:4

Mị alegheri mọ nyina kẹḅaar ri ẹmhu, ịtol kikiki mụdi okuron ḅịle kéḍoghaan mụdi enaba.

Ịkunuma 3:65

Tonyon bịdi ạḅile aḍighi ịdi iloghi ạbidi keḅonyonu!

Igbiighi 21:23

Kụ aSihon ómeera mọ awe phọ Ịzirel ọḅeeny eelhe phọ ọdi, kụ aakpomoghi oomo awe phọ ọdi, ạghimom Jahaz ẹpe ẹdala phọ, kụ azuom ẹgham we phọ Ịzirel.

Igbiighi 21:33

Kụ awe Ịzirel okiton kụ orelhe eten dị ẹghi Bạsan, kụ Ọdaam Ọg ạBasan ạghi azuom bịdi ẹgham ẹpe Edrei.

Igbiighi 21:34

Ọmoogh-we phọ ạḅeni Mozis mọ, “Kákiilaan nyọdi. Mị mạḅogh nyọdi rꞌoomo awe phọ ọdi rꞌade phọ ọdi ạngo nyịna. Tụugh ịpe nạ aḍighi bọ Sihon ọdaam mọ Ạmorait arugh bọ ẹpe Hesbon aḍighi aani nyọdi.”

Dutoronomi 2:31

“Kụ Ọmoogh-we phọ ụḅeni ịmi mọ, ‘Mịin, mị mamiigh ọngo ạna Sihon rꞌade phọ ọdi edi bọ risigh anyina. Miigh ọmoogh. Nyina kụ kẹmoogh de phọ ọdi.’

Bụo Ịiruen 11:20

ASihon óḍuom ologhi we phọ Ịzirel kụ ọdi ómeera mọ bịdi orelhe oten aani de phọ ọdi kụ aSihon aakpomoghi oomo awe phọ ọdi kụ odoghoḍi rugbogo ẹpe Jahaz, ọghi oruphiom ẹgham we phọ Ịzirel.