Dutoronomi 2:24 - Ạḍinya Iigbia

²⁴ “Mem mọ yoor otenom bọ de ạMoab, Ọmoogh-we phọ ụḅeni iyoor mọ, ‘Iḅetenu emiigh erelhe, ikiton ẹḅeeny Ọphiiny Anon ephun. Mị mạḅogh rịngo inyina Sihon ọlo Ạmorait, ọdaam mọ aHesbon, rꞌade phọ ọdi. Imiigh ọsighe ade phọ ọdi. Izuom nyọdi ẹgham.

Dutoronomi 2:24 Iomraidhean Croise

2 Krọnikuls 36:23

“Ịphen kụ ịto phọ ạSairos ogbogh ọdaam eelhe aPasia. Ọmoogh-we Ẹnaan kꞌạke phọ muḍighi ịmi ọdaam oomo areelhe ịsien aḅirini phọ kụ mụḅogh ịmi ọngo oḍighi ọloghonaan otu ịiḅereghi nyọdi ẹpe Jeruselem ẹpe Juda. Nyịidipho, oomo phọ anyina oḍighi bọ we Ẹnaan, ịki ẹpe, kụ Ẹnaan phọ anyina Ọmoogh-we phọ ịrolan inyina.”

Ẹzra 1:2

“Ịphen kụ ịto phọ ạSairos ogbogh ọdaam mọ aPasia. Ọmoogh-we Ẹnaan kꞌạke phọ, muḍighi ịmi ọdaam oomo areelhe ịsien aḅirini phọ kụ mạḅogh oḍighi ọlogh Otu Ịiḅereghi ọlo ọdi ẹpe Jeruselem ẹpe Juda ụngo ịmi.

Jerimaya 27:5

Esi igbogh ịikpo phọ ạmi rꞌịnyaam ạmi kụ mị ạlhem bọ aḅirini phọ, weye, rꞌịnam dị edi sịphe ade phọ; kụ ẹdi mị ạngo tọrobo oye lọ mị kụ ạsaḅar.

Izikiel 29:20

Mị ạḅogh Ijipt rạngo nyọdi esi ịikpia dị rọkpe nyọdi loor esi dị awe ẹgham ọdi uḍighinaan ghan ịmi oḍighi. Mị Ọmoogh-we dị ạmoogh oomo ịikpo kụ mạḅem.

Dạniel 2:38

Ọdi mạma nyịna ọda oomo awe lọ orugh sịphe ade phọ rꞌọḅile ọda oomo ịnam rꞌịnun. Nạ kụ ẹmhu agol igbudu phọ.

Dạniel 4:17

Ịphen kụ ịdi ạruukpaany kꞌẸnaan phọ ookolobian bọ kụ ogon ghan bọ ọḅem. Loor ịphen phọ, oomo awe tọrobo ekpisi ọmaar olegheri mọ Ọkaraghi Egbogh Ẹnaan phọ kụ ịmoogh ịikpo ẹda reelhe awe kụ ketue ni ẹngo tọrobo oye lọ ọdi ạsaḅar — ghạlamo ọkaraghi oghiil oye.’

Igbiighi 21:12

Ọḍua sịphe kụ ọghi osi Eḍiiny ạZered kụ orugh sịphe.

Dutoronomi 2:36

Emiigh kꞌẹpe Aroer sịphe Eḍiiny Anon, rꞌẹmha phọ edi bọ sịphe ogbo eḍiiny phọ, ẹghi esi ọku ẹpe Gịliad, ẹmha ị́tol dị oghoonyom iikpe dị ụkparanaan iyoor dị yoor útue úḍigh. Ọmoogh-we Ẹnaan phọ ayoor ameera kụ yoor oḍigh ọsighiogh.

Josua 6:16

Ooghironom oḍual amem mọ, mem dị ariil ạrikia phọ rọwa ophula yogh ạrukuodu phọ kụ aJosua ạto ạḅeni we phọ mọ ọyughuron kụ ạḅem mọ, “Ọmoogh-we phọ mịngo inyina ẹmha phọ!