Dutoronomi 2:23 - Ạḍinya Iigbia

²³ Kụ Avim mọ orughogh bọ ẹpe ạramha phọ ọghi osiemi ẹpe Gaza, bụo aKaftorim ọḍua ẹpe ekpu-ogbo phọ aKrit ọghi ophiemi bịdi, orughogh sịphe esoorom mọ.)

Dutoronomi 2:23 Iomraidhean Croise

Emiighom 10:14

aPatros, Kaslu, rꞌaKrit, ọkuruḅaka awe phọ aFilistia ọḍua bọ kụ omite.

Emiighom 10:19

AKenanait phọ ọkuan ọku rꞌaSaidon dị nạ rạki Gerar etuman Gaza, ḅịle kẹn ọku phọ anyeene Sọdom rꞌaGomora rꞌAdma rꞌaZeboyim etuman Lasa.

1 Ạbudaam 4:24

Ọdi kụ ạtooghi ghan rạraar ạngo oomo areelhe phọ ịpe edi bọ ẹḅeenyom Ọphiiny aYufratis ẹḍua Tifsa ẹghi ẹpe erumuḍio phọ remeel ghan bọ esi Gaza. Kụ ọdi ạmoogh ni mụḅoph esi oomo ạbudaam mọ odi bọ ạga phọ ẹphen Ọphiiny aYufratis, esi ạbuphe orugh bọ okoom nyọdi.

2 Ạbudaam 18:8

Ọdi ạkpar apu bụo aFilistia aphorogh bịdi ẹpe oomo ạrughulukul ade phọ ạbidi, emiigh sịphe otu ạnyu abukoriom mọ ẹsighe esiemi kꞌẹpe Gaza egbogh ẹmha phọ.

1 Krọnikuls 1:12

aPatros, Kaslu, rꞌaKrit (esi phọ awe aFilistia ọḍua bọ kụ omite).

Jerimaya 47:4

Amem mọ mẹteeny ophiemi aFilistia, ọgbatan esi aTaya rꞌaSaidon oomo ọloghonaan ạḍighaagh lọ asugha. Mị Ọmoogh-we phọ kapiemi ni bụo aFilistia phọ, oomo ạbuphe ọḍua bọ oogbom aKrit kụ oru.

Ẹmos 9:7

Ọmoogh-we phọ ạḅem mọ, “Weye Ịzirel, awe phọ ạSudan ọkar ri ọman mạar esi ạmi ịdipho anyina. Ịdipho mị ạsighe bọ we phọ aFilistia ạḍuanam ẹpe aKrit ḅịle rꞌawe phọ ạSiria ẹpe Kir, ịduon kẹn kụ ịdi mị ịsighe bọ inyina amitiom ẹpe Ijipt.

Zẹfanaya 2:4

Rꞌoye kásugha sịphe ẹmha aGaza. Awe Askelon kosumughu ni. Koporogh ni we Ạsdod ọsighiogh oolemi-odi aḍio, kụ oporogh we Ẹkron ọsighe sịphe ẹmha phọ ạbidi.

Zẹkaraya 9:5

Ẹmha phọ Askelon kẹmiin ni ịphen phọ kụ aruugu asiph. Ẹmha phọ aGaza kẹmiin ni ịphen phọ kụ epin loor ạbidi iboom. Ịduon phọ kẹn ni kụ kẹtolonaan Ẹkron, ḅịle kẹn oḍuom ologhi phọ ạbidi kape ni. Ọdaam mọ aGaza kạ́tol mun, ḅịle kẹn oye kạ́tol mun Askelon.

Iiḍighi 17:26

Ọdi kụ aḍighi ịdi oniin ogbogh ọde bịn kụ ạmaraghi bọ bụo oomo areelhe aleenye aḅirini phọ, kụ ạtooghi ịlo amem rꞌamem kụ ạloghoḍi rụuku arere phọ,

Josua 10:41

AJosua amiigh ẹpe Kades Bania kụ ạze bịdi ạghi asiemi ẹpe Gaza rꞌoomo ạramha phọ ẹpe aGosen, asiemi kꞌẹpe Gịbion.

Josua 11:22

Rꞌoniin ọlo Anakim dị osugheeny ẹpe ade phọ awe phọ Ịzirel ọ́rol, omuton ẹpe Gaza, Gạt rꞌẹpe Ạsdod kụ arikpisi dị ẹphurukpu awe osugha.

Josua 13:3

emiigh kꞌaSihor oten bọ kụ ọteeny Ijipt, ẹghi ẹpe ephunom mọ ẹteeny esi ọku Ẹkron, ḍịphe ogbiom bọ ọloghom Kenan; (odi bọ oogh ạbuo ịtooghi ạbuo aFilistia — bụo aGaza, Ạsdod, Askelon, Gạt rꞌẸkron) rꞌareelhe ạbuo Avim;

Josua 15:47

Ạsdod, ọḅaram igbogh rꞌịbam ạramha phọ ọdi; Gaza, ọḅaram igbogh rꞌịbam ạramha phọ ọdi, ẹsighe ẹghi esiemi okol phọ sịphe ọku phọ Ijipt, rꞌỌphiiny aMeditarenian phọ.

Bụo Ịiruen 1:18

Kụ aJuda ạkpar apu Gaza, ạsighenom Askelon rꞌẸkron rꞌịbam ạramha phọ ịpe ekitonom bọ bịdi.