Dutoronomi 2:14 - Ạḍinya Iigbia

¹⁴ Kꞌamem mọ yoor ọḍua bọ ẹpe Kades Bania oru osi Ighool ạZered mẹman ịraardi rꞌọphaanya ạsia, bịn oomo awe ẹgham mọ ayoor omuneen sịphe aḍita awe phọ ịdipho Ọmoogh-we phọ aghunya bọ.

Dutoronomi 2:14 Iomraidhean Croise

Ạsuor 106:26

Kụ iḍighi kụ ọdi ạphur bịdi rụru mọ ọno kaḍighi ịdi bịdi komugh ẹpe ẹdala ịisaar phọ,

Ạsuor 90:15

Ụngo iyoor ọḅaal ologhi dị ạmanam ịdipho ọto phọ nạ ụngo bọ iyoor oomo ạsia ịminimiin phọ ayoor.

Ạsuor 90:3

Nạ ạḅeni oye mọ aḅula ịpe ọdi ạrol ghan bọ; nạ akiton nyọdi atene ịisaar,

Ạsuor 90:9

Ophin ologhi ạna masoph ghuḍum ayoor akpere; ạsia phọ ayoor ị́man mun ịyaar ẹkigh onyam-ọḅatan bịn;

Ạsuor 95:11

Kụ ẹghagh ologhi ạmi kụ mị aghunya mọ, ‘Nyina kéḍigh de phọ, sịphe mị mụngo bọ inyina ophooghian.’”

Izikiel 20:15

Kụ iḍighi kụ mị aguanan sịphe ẹdala phọ mọ mị kạ́sighe bịdi ạki de phọ mị mạngo bọ bịdi, de ẹelha rꞌẹnuum, de dị ẹnighe epu oomo arere.

Igbiighi 1:1

Ḍịḅel aḍio omuneniom ịyal ụnwanyu esi ạlha dị emuneniom ịyal dị awe phọ Ịzirel mọḍua bọ ẹpe eelhe phọ Ijipt, ḍịḅel aḍughul-otu ịyal ụnwanyu ạlha phọ, aMozis odi sịphe ẹdala phọ aSainai sịphe Ogbogo Ạdol Ọmoogh-we phọ kụ ọdi ạghaaph ạḅeni nyọdi mọ,

Igbiighi 13:26

Bịdi ọghi ọteeny Mozis, Eeron rꞌoomo aḍita awe phọ Ịzirel, sịphe Ẹdala ạParan, sịphe Kades, kụ bịdi ọghaaph ịpe bịdi ọmiin bọ ọḅeni bịdi rꞌoomo awe phọ, kụ oḍeenaan bịdi iimuma ade phọ.

Igbiighi 32:11

‘Alephiri ạnmuny phọ bụphe ọḍua bọ ẹpe Ijipt omite, emiigh bụlo mọman ịyaldi ạsia kụ ẹghiom ạnyu, rꞌoniin ọnyo ạbidi lọ kasi ẹpe ade phọ mị aghunya bọ ọngo Ebraham rꞌẠizik rꞌạJekob ólho, ịdi eḍighi bọ bịdi ụ́sighe ophooph ologhi kụ rụdapham bọ ịmi.’

1 Bụo ạKorint 10:5

Rꞌịduon phọ ni bịn bịdi uphin ni ologhi Ẹnaan dị ạrumhu ogbogh opol awe epheeghu ni ẹpe ẹdala phọ.

Dutoronomi 1:19

“Kụ yira ọtuugh ịpe Ọmoogh-we Ẹnaan phọ ayira ạto bọ ụḅeni iyira oḍighi kụ oḍighi. Yira ọḍua bọ sịphe Eegum aSainai kụ ọghi eten eboom ẹdala phọ eḍigh bọ ịikia ruugu ẹpe nyina ẹmiin bọ rẹki bọ roogbolom eelhe ạbuo Ạmorait phọ, osi Kades Bania.

Dutoronomi 1:2

(Bịdi orelhe bọ ḍioph rꞌaḍiniin aḍughul-otu, ọḍua Eegum aSainai, okiton ẹpe aroogbolom aIdom ọghi osi Kades Bania.)

Dutoronomi 1:46

“Kụ nyina ẹrol ẹpe Kades ịminighan asiḍughul-otu ebianam.

Dutoronomi 2:13

“Kụ mị ụḅeni ni we phọ mọ iḅerenu ọḍua sịen Ighool ạZered, kụ yoor otenom Ighool ạZered.

Dutoronomi 2:16

“Mem mọ oomo awe ẹgham mọ momuughu bọ omuneen,

Dutoronomi 2:7

“Ịitughian ịdi Ọmoogh-we Ẹnaan phọ anyina mạseph oomo iiḍighi ạraghaagh phọ anyina. Ọdi alegheri ni erelhe phọ anyina sịen eboom mọ ẹdala phọ ẹphen; esi inyadi ạsia phọ Ọmoogh-we Ẹnaan phọ anyina edianaan ni rꞌanyina, ịyaar inyina ki̋ku.

Josua 24:7

Mem dị ạburude phọ anyina omoghiom Ọmoogh-we phọ, kụ Ọmoogh-we phọ ạsighe ufiri isophoghom inyina rꞌawe phọ Ijipt, kụ aḍighi ịdi ọphiiny phọ aḍigh amuza ạminoghom we phọ Ijipt. Kụ nyina ịmiin ni ịpe mị aḍighi bọ we phọ Ijipt. “‘Kụ nyina ẹrol sịphe ẹdala phọ ẹminighan amem.

Josua 5:4

Ịphen kụ iḍighi bọ ịyaar phọ aJosua ạtuan bọ kụ aḍunogh bọ oomo alephiri phọ awe phọ: mem mọ awe phọ Ịzirel ọḍua bọ ẹpe Ijipt omite, oomo alephiri phọ moḍuna yogh ni. Kụ ọlo, mem inyadi ạsia phọ awe phọ Ịzirel orelhe bọ sịphe ẹdala phọ, rꞌoniin olephiri ọony dị oḍun ọ́rol. Ḅịle kẹn, eekuna amem mọ ạmuphe oomo alephiri dị mọman ọki ee ẹgham mem mọ bịdi rọḍua bọ ẹpe Ijipt momugh, loor esi dị bịdi ụ́naghanan ghan Ọmoogh-we phọ. Ịdipho ọdi maghunya bọ, ọdi ómeera bịdi ọmiin de ẹereegh rꞌọninom mọ ạḍiphe ọdi aguanaan bọ bụrude ạburude ạbidi.

Ạḍinya dị aJud ạge 1:5

Nyina melhegheri ni ịphen phọ etene igbaany, kụ mị rạwa ni ọghiom anyina ologhi mọ Ọmoogh-we phọ kụ aako bọ ni weye phọ Ịzirel amitiom eelhe phọ Ijipt, kụ amem ẹḅile bọ ẹman mem ọ́wile ophiemi ạbuphe úmeeraam bọ.