Dutoronomi 19:13 - Ạḍinya Iigbia

¹³ Kẹ́nma nyọdi ighirigiir, ọbo nyina egbuurogh elegheri ịḅaal phọ ẹsighe sịphe Ịzirel, ọbo ịnighenom inyina.

Dutoronomi 19:13 Iomraidhean Croise

Emiighom 9:6

Tọrobo oye lọ azu ịḅaal oye, pọ ọnon oye kakiigh aani ni nyọdi, ịdi eḍighi bọ Ẹnaan ịlhem oye ẹghighima loor.

2 Sạmuel 14:7

Kụ nyịidipho, oye phọ, oomo asiya phọ ạmi rụkpaariom ghan ịmi mọ mị ụḅogh ọony phọ ạmi ụngo bụno, pịdi bịdi okiigh nyọdi loor esi dị ọdi maghiigh bọ umor phọ ọdi. Eḍighi ịyaar lọ bịdi oḍighi ịduon phọ, pọ ọony ịmi úsughanaan mun. Bịdi kopiemi erua phọ ọdi, oḍime iighu phọ ịpe esugha bọ; bịn aḍien olhom mọ ạmi epe sịen aḅirini phọ, bịn ịyaar ọgba ogholom kẹ́tol.”

2 Sạmuel 21:1

Mem mọ ọpo aDevid kụ ạda bọ, iboom ịgbakuro ịrol li dị ẹman ịraar ạsia. Kụ aDevid ạtuan ịduon phọ ạghi ḍipuru esi Ọmoogh-we phọ kụ Ọmoogh-we phọ ạḅem, “ẠSol rꞌeghunotu phọ ọdi kụ ụpiom, bịdi ọko enu; ọdi ạze weye ẹmha phọ ạGibion.”

2 Sạmuel 21:14

kụ bịdi oḍi ịḅarara phọ ạSol rꞌạJonatan sịphe oḍi aKis ọde phọ ạSol ẹpe Zela ẹpe eelhe phọ ạBenjamin. Bịdi oḍighi oomo ịpe ọdaam mọ mạto bọ. Kụ ịphen phọ reten, kụ Ẹnaan ẹnaghanan ịiḅereghi phọ bịdi ọoḅereghinaan bọ ẹmha phọ.

1 Ạbudaam 2:31

Kụ ọdaam mọ ạḅeni nyọdi mọ, “Ḍighi nyọdi ịpe ọdi rạwa bọ. Kiigh nyọdi aḍi sịphe phọ, ẹrol dị nạ ạmophoronaan elegheri ịḅaal phọ ịpe aJoab azu bọ, esi ạmi rꞌọto ọde phọ ạmi.

Izikiel 16:5

Oye ọ́nma nyịna ighirigiir dị ẹmanam ịlo oḍighi ạna rꞌeniin ịyaar phọ ẹphen. Mem mọ ọmar bọ nyịna, oye nyịna ọ́phomoghian. Nyịna uroph omitiom esi ophoghoghoony ozo.

Lịvitikos 24:17

“‘Tọrobo oye lọ ạko enu, pọ ikiigh ghan.

Lịvitikos 24:21

Ọlo aghiigh ẹnam, ạsighe ẹnam ạkpiom; tọrobo oye lọ ạko enu, pọ ikiigh ghan.

Igbiighi 35:31

Oghiigh ghan ni ọokom-enu. Erugh aḍuugh phọ rọ́taam ghan ikpoki.

Dutoronomi 13:8

pọ úmeeraam ghan ịpe ọdi rạkaaph bọ, ụ́naghanam ghan nyọdi. Kákiririom nyọdi apogh. Kạ́ngo nyọdi eepoogh, ḅịle kẹn káloghoma nyọdi.

Dutoronomi 19:12

pọ ikumoor awe ịsiphe ẹmha phọ ọdi orom we ọghi osiph nyọdi oruomonaan nyọpo kaḅulemian bọ ịḅaal phọ ẹrol dị ọdi amugh aani.

Dutoronomi 19:21

Kẹ́nma ghan ighirigiir. Aghuḍum arelhian ghuḍum; ekpeḍien erelhian ekpeḍien; ọlaay arelhian ọlaay; ạḍighaagh erelhian ḍịghaagh, owol arelhian owol.

Dutoronomi 21:9

Ịduon kụ ịdi nyina keḍighi kụ kekunughi apum elegheri ịḅaal sịphe ogbo phọ anyina, mem dị nyina eḍighi ịlo eseleman ghisigh Ọmoogh-we phọ.

Dutoronomi 25:12

pọ isoph ḍịghaagh ạnir phọ, kẹ́nma nyọdi ighirigiir.

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Dutoronomi 7:2

mem mọ Ọmoogh-we Ẹnaan phọ anyina kạḅogh bọ bịdi ịngo inyina, ịze bịdi, ephiemi bịdi eegulemi. Bịdi rꞌanyina kékiran ịyo. Ị́nma ghan bịdi ighirigiir.