Dutoronomi 18:2 - Ạḍinya Iigbia

² Bịdi kọ́ḅaran bin rꞌabumor phọ ạbidi. Ọmoogh-we phọ kụ abin ẹmoogh ẹlo ạbidi, ịdipho ọdi ạḅeni bọ bịdi.

Dutoronomi 18:2 Iomraidhean Croise

Emiighom 15:1

Ịphen phọ reten, kụ Ebram ạmiin uḍien kụ ạnaghan dị Ọmoogh-we phọ ạḅeni nyọdi mọ, “Ebram, kákiilaan. Mị kụ ọsuaram ikpo ạna. Aruunmo phọ mị kạngo bọ nyịna kẹbugh ni iboom.”

Ạsuor 119:57

Nạ bịn kụ ẹdi mị rạwa, Ọmoogh-we; mị aguanaan ọnaghanan ghan iilogh phọ ạna.

Ạsuor 16:5

Nạ, Ọmoogh-we, kụ abin erua dị mị alhe. Nạ kụ oomo ịdi mị ạmoogh. Ịpe idianaan bọ ịmi risigh edi rạghaagh ạna.

Ạsuor 84:11

Ọmoogh-we kụ ọsuaram ayoor, ọkpoghoron eegu ayoor dị ụsephom ghan iyoor rꞌọnma ighirigiir rꞌeegu. Ọdi rákel ghan ịyaar lọ ẹnighe esi ạbuphe roḍighi bọ igey.

Azaya 61:6

Kilegheri inyina mọ ariil ạrikia Ọmoogh-we phọ, Abutelhedom Ẹnaan phọ ayira. Nyina kẹkelom ni ẹelha areelhe phọ Kụ ebaga mọ meḍighi ẹlo anyina.

Ịkunuma 3:24

Ọmoogh-we phọ bịn kụ ịyaar dị mị ạmoogh, kụ ịduon phọ mị ạkpasaghi oḍuom ologhi ạmi loor ọdi.

Izikiel 44:28

“Ạbupinyon rịkia phọ ọmoogh oḍighi ọphinyon ghan ạrikia eḍighi bin ạbidi esi ạraraar dị mị mạngo Ịzirel dị kodiom erua oghiil atum oghiil. Bịdi kọ́pam ruphua ẹpe Ịzirel; ogina ạmi bịn kụ oomo ịdi bịdi ọwa.

Igbiighi 18:20

Ọmoogh-we phọ ạḅeni Eeron mọ, “Nạ kále ghan erua sịphe ade phọ ạbidi; ḅịle kẹn, nạ kápin ghan bin sịphe ogbo phọ ạbidi. Mị kụ abin ạna rꞌerua ạna, sịphe ogbo awe phọ Ịzirel.”

Igbiighi 18:7

Kụ nạ rꞌạnmuny phọ ạna, ịmaar ẹpham iiḍighi oyil ạrikia phọ. Oomo ịpe eru bọ ịlo ịsiphe enmeny ạrikia phọ rꞌịlo ịsiphe Ẹphan phọ kụ esi dị nyina keḍighi ghan oḍighi. Mị mạngo nyịna oḍighi oyil ạrikia phọ. Kụ ooruen lọ aḍuraan ạabeeph sịphe phọ pọ ikiigh ghan nyọdi.”

Dutoronomi 10:9

Kụ iḍighi kụ ạbuo aLivai ụ́daph aani bumor phọ ọdi úphin aani bin ẹmoogh phọ. Ọmoogh-we phọ kụ abin ẹmoogh mụo ạbidi, ịdipho Ọmoogh-we Ẹnaan phọ anyina aguanaan bọ bịdi.)

Josua 13:14

Eghun aLivai bịn kụ eghun dị aMozis ụ́ngaani bin ẹmoogh, loor esi dị ạrikia mọ ịpe ọphophoghi bọ ologhi ạnian ọngo Ọmoogh-we phọ Ẹnaan phọ Ịzirel kụ abin ạbidi, ịdipho dị ạḅeni bọ nyọdi.

1 Pita 2:5

Itu ịsighe inyina ịdipho ạroko aghuḍum ọloghom otu ịiḅereghi aruwaloor. Iḍighi bụpinyon rịkia aruukuan, ẹphinyon ghan rịkia aruwaloor dị Ẹnaan kekol Jịzos Kraist kụ ele ghan,

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.