Dutoronomi 18:13 - Ạḍinya Iigbia

¹³ Ikori eseleman esi Ọmoogh-we Ẹnaan phọ anyina.”

Dutoronomi 18:13 Iomraidhean Croise

Emiighom 17:1

Mem dị Ebram mạman esughadi rꞌesugha ạsia, kụ Ọmoogh-we phọ amite egaan esi ọdi kụ ạḅeni mọ, “Mị kụ Ẹnaan Oomo Ịikpo phọ. Ụnaghanan ịmi aḍighi oye dị ịḍagha ílho.

Emiighom 6:9

Ọphon ọghaaph aNoa. Ọdi ạmar ịraar alephiri ạnmuny, ạSem, rꞌạHam rꞌaJafet. ANoa ọ́moogh esi ọḍagha ḅịle kẹn ọdi bịn kụ aḍighi ogey oye sịphe oghiil phọ ọdi. Ẹnaan rꞌaNoa uuḍikuan ni.

1 Ạbudaam 8:61

Ịḅam iloghi esi Ọmoogh-we Ẹnaan phọ ayira erelhiom ghan ịtooghi phọ ọdi rꞌooko ghan iilogh phọ ọdi, ịduon nyina edi bọ rodon.”

Job 1:1

Oniin oye ạrol li dị oghol mọ aJob kụ arugh ghan ẹpe ade phọ Ụz. Oye phọ ạaḅereghi ghan Ẹnaan, ạḅile ạmoogh omeeraam esi ọdi. Ọdi aḍighi ni ogey oye, agona ghan loor ọbo ọdi kaḍighi ghan bọ ịkaraph.

Job 1:8

“Nạ mạmiin ni otelhedom mọ ạmi Job?” Ọmoogh-we phọ apuru. “Sịen ade phọ ọnon oye ólho dị ạmoogh omeeraam ạḅile ạnighe ịdipho ọdi. Ọdi ruuseeny ghan ịmi ḅịle kẹn agona loor ọbo ọdi kaḍighi ghan bọ ịkaraph.”

Ạsuor 37:37

Lọgh elegh ogeny oye kụ akiririom oye aruukuan phọ aphogh, oye ẹepho rạmoogh ghan ni ẹemara ẹemara.

Matiu 5:48

Iseleman, ịdipho Ọde phọ anyina odi bọ kꞌạke phọ aseleman bọ.”

Bụo aFilipai 3:12

Mị rạ́ḅem ghan mọ mị mạteeny ịphen phọ, ḅịle kẹn mọ mị maseleman ạman. Mị aḍighi ni rạkiom ghisigh ọmoogh aruunmo phọ, ịdi eḍighi bọ ạJizos Kraist kụ mụmoogh ịmi rꞌaloor.

Bụo aFilipai 3:15

Oomo phọ ayira mophoph bọ esi aruwaloor ọmoogh aani ogina phọ ologhi phọ ọphon! Kụ ọlo, buniin anyina ẹmoogh ologhi dị ạgbatanaan nyọon phọ, Ẹnaan kẹma ni ịpe eḍighi bọ igey phọ iḍeenaan inyina.

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

Ogonanami Phọ 3:2

Ịsuma rạlha phọ eemanam, ẹngo ịnyaam ịlo isughanaan inyina lọ ke̋mugh ẹman. Mị ạwa ạmiin mọ ịpe nyina meḍighi bọ esughanam ni ghisigh Ẹnaan phọ ạmi.