Dutoronomi 18:12 - Ạḍinya Iigbia

¹² Oomo ạbulo roḍighi yogh ghan ịphen phọ ạḅaphanya ni esi Ọmoogh-we phọ. Loor ẹmhu ạsiḅaphanya phọ ịphen kụ ẹdi Ọmoogh-we Ẹnaan phọ anyina ạtu bọ raporogh bịdi kạsighiogh esomanan anyina.

Dutoronomi 18:12 Iomraidhean Croise

2 Ạbudaam 23:24

Kụ kẹn, bụphe rodike yogh ghan bọ idike ịkaraph aruwaloor phọ, rꞌạruḅaghama phọ, rꞌịkaaghineen ạrumugh phọ, rꞌoomo ariisi ooseeny aruru phọ rꞌoomo ạsiḅaphanya phọ ọmiin bọ de phọ aJuda rꞌẹpe Jeruselem, aJosaya ạsighiogh aroḅologhi, ạdaph ikpo ọnhu iilogh phọ ịpe ọge bọ sịphe ạḍinya phọ ḍịphe ạHilkaya oyil ạrikia phọ ạmiin bọ sịphe Otu Ịiḅereghi phọ.

Izikiel 31:11

loor ịduon phọ mị maghel nyọdi kụ ooruen ọdaam kụ kạḅile ạmoogh. Ọdi kạngo oreeny phọ ọpo ịdi ẹkpianaan loor ẹkaraph ẹrolom mọ.

Lịvitikos 18:24

“Ị́ipuan ghan siloor anyina esi oomo ạraraar phọ ịphen. Areelhe phọ nyina rẹki bọ mọopuan siloor ạbidi esi oomo ạraraar phọ ịphen phọ. Kụ iḍighi kụ mị kaporogh bọ bịdi ạwalalami ạsighiogh.

Lịvitikos 18:25

Ade phọ kẹn mẹphuph aani, kụ mị ạtu bọ ạsighe ịkaraph phọ ạḅam ẹmhu ạbidi, kụ ade phọ rꞌaloor mekuḅa bụphe orugh bọ ezuughi.

Lịvitikos 18:27

(loor esi egbi ghan oomo iigbia phọ ịphen kụ ẹdi awe phọ orughogh bọ ẹpe ade phọ edi bọ risigh anyina ọphuphogh bọ)

Dutoronomi 14:27

“Íkel ghan ọto aLivait phọ odi bọ sịphe ạramha phọ anyina, ịdi eḍighi bọ bịdi ụ́moogh aani bọ ẹmoogh ịdipho anyina.

Dutoronomi 22:5

“Ạnir-ephoph kúunmenaan ghan ibura alephiri ạnmuny; ḅịle kẹn, olephiri ọony kúunmenaan ghan ibura ạnir-ephoph. Tọrobo ọlo aanmenaan ịphen phọ ạḅaphanya ni esi Ọmoogh-we Ẹnaan phọ anyina.

Dutoronomi 9:4

“Mem mọ Ọmoogh-we Ẹnaan phọ anyina kaporogh bọ bịdi ạsighe egbodo phọ anyina, kẹ́ḅem ghan sịphe iloghi phọ anyina mọ aruukuan anyina kụ iḍighi bọ ịdi Ọmoogh-we phọ ịsighe bọ inyina ịlo ọmoogh ade phọ ạḍien, kụ ạri ọdi ạtuan sịpioghom ạramha phọ ịpe kụ aphorogh bọ bịdi egbodo anyina.

Dutoronomi 9:5

Ọ́tuan ruukuan anyina rꞌịdi iloghi anyina eseleman kụ nyina rẹki bọ ọmoogh ade phọ ạbidi. Aloor esi ạsipioghom ạramha phọ kụ iḍighi bọ ịdi Ọmoogh-we Ẹnaan phọ anyina raporogh bọ bịdi kạsighe egbodo anyina, ọbo ọdi ạkparami ikpo ọnhu phọ ọdi, ịdipho dị aghunya bọ esi ạburude phọ anyina ạngo Ebraham, Ạizik rꞌạJekob.