Dutoronomi 18:11 - Ạḍinya Iigbia

¹¹ mꞌọlo idike, mꞌọoḅaghama, mꞌọlo rạkaaph ghan ịlo ạbulo úlho.

Dutoronomi 18:11 Iomraidhean Croise

Ẹḍua 22:18

“Kémeera ghan ọḅaghama ạrol, ikiigh ghan nyọdi.

Azaya 8:19

Kụ awe kịḅeni ni inyina mọ ịki idike kꞌạbuo ịmiin dị rọopioph ghan kọomo. Bịdi kọḅem ni mọ, “Ẹkpe ni dị awe kokol ẹmhu ạbulo odi kụ kopuru ghan ruwaloor phọ rꞌạbulo úlho ịlo ạdol phọ ḍụghum?”

Lịvitikos 19:26

“Ị́ba ghan tọrobo ẹnam dị emughom ịḅaal. Ị́tuugha ghan ọmiin ịmiin, ḅịle kẹn, ị́gbe ghan ghạma.

Lịvitikos 19:31

“Kẹ́ki ọwa oroma esi ạbuphe ropuru ghan bọ ruwaloor ạbulo úlho, ị́daph ghan rụḅaghama, ọbo bịdi kịphue ghan bọ inyina. Mị kụ Ọmoogh-we Ẹnaan phọ anyina.

Lịvitikos 20:27

Kꞌạnir, kꞌolephiri dị aru uwaloor ịmiin mụghumo ọḅaghama, pọ itoḅol nyọdi ikpo dị amugh; ịḅaal ọdi edi ẹmhu ọdi.

Lịvitikos 20:6

“Tọrobo oye lọ aḍigh oghuugh ịmiin, ịiḍaany rꞌạghama kụ raḍighi yogh ọdorodo, pọ mị kakiririom ni oye phọ ọpo apogh. Mị atoph nyọdi ogbeph, ạgbatan nyọdi ạsighe, amutonaan nyọdi esi awe phọ ọdi.

Iiḍighi 16:16

Eniin aḍio yoor oten rọki esi ịiḅereghi phọ, kụ oniin ẹbene-ọnyani dị eru eghola uzuan iyoor. Ọdi ạmiin ghan ịmiin kụ agboomi iboom bụrude-otu ọdi.

1 Sạmuel 28:8

Kụ ạSol anmia loor ọdi; ọdi ạkpologhian kịro ọdo iinmenan kụ, mem dị meghul, ọdi ạpham ịyal awe ọdi kụ ạghimom ọmiin ạnir phọ. Kụ ọdi ạḅeni ạnir phọ mọ, “Upurunaan ruwaloor phọ kụ ụḅeni ịmi ịlo kemite. Mạgh ghan amitiom ọlo mị aghol.”