Dutoronomi 18:10 - Ạḍinya Iigbia

¹⁰ Kụ́miin sịphe ogbo phọ anyina oye dị kạsighe mọony mꞌọnyani ọdi kụ ạphighironom ẹkia ạnian, mꞌoḍighi oyil-uḍien, mꞌọlo raako ghan riiḍio, mꞌọlo aaḍikuan rꞌịkaraph aruwaloor,

Dutoronomi 18:10 Iomraidhean Croise

Emiighom 44:5

Ọphon phọ kụ kị́yaar dị ọde-otu phọ ạmi rạpugholom ghan miim? Ọphon phọ kụ kị́yaar dị keḍeenaan ịlo kemite ẹḅeni nyọdi? Ịphen phọ nyina eḍighi bọ ị́nighe.’”

2 Ạbudaam 16:3

Ọdi ạdaph ghan reten ạbudaam mọ Ịzirel; kụ kẹn ọdi aḍighi ịdi ọony ọdi arelhe egu ạnian kụ aten; ạdaph ḅạphanya ạbuo awe areelhe phọ bụphe Ọmoogh-we phọ aphorogh bọ kụ awe phọ Ịzirel ọsighe bọ de phọ ạbidi.

2 Ạbudaam 17:15

Kụ bịdi oghel oomo ịtooghi phọ ọdi rꞌịyo phọ ịpe ạburude phọ ạbidi rꞌọdi oghiran bọ, rꞌareḍeenaan phọ ịpe ọdi aḍeenaan bọ bịdi. Bịdi oofolomi bịn, ụ́maghami ịyaar, ọdaph bụo aruru phọ oko bọ bịdi okitonom bụphe Ọmoogh-we phọ ạtu bọ kụ ạlhogh ologh mọ bịdi kụ́daph ịpe bịdi roḍighi bọ kụ oḍighi aani.

2 Ạbudaam 17:17

Kụ bịdi ọsighe nmụny rꞌạnmanyaan phọ ạbidi oḍighinom yogh rịkia ạnian ọngo ịnon ạrumugh. Bịdi ropuru ghan ḍipuru, rodike ghan idike. Oboola loor phọ ạbidi rꞌoḍighi yogh ghan ịkaraph ghisigh Ọmoogh-we phọ kụ eḍighi ịdi ẹghagh ologhi Ọmoogh-we phọ.

2 Ạbudaam 21:6

Aḍighi kẹn ịdi ọony ọdi arelhe ologhi ạnian aten, aako yogh ghan siḍio, aḍighi yogh ghan ịiḍaany, aḍighan rꞌịkaraph aruwaloor rꞌạruuḅaghama. Ạsipioghom mọ ọdi ịphughan ni risigh Ọmoogh-we phọ, kụ ẹghagh ologhi ọdi.

2 Ạbudaam 23:24

Kụ kẹn, bụphe rodike yogh ghan bọ idike ịkaraph aruwaloor phọ, rꞌạruḅaghama phọ, rꞌịkaaghineen ạrumugh phọ, rꞌoomo ariisi ooseeny aruru phọ rꞌoomo ạsiḅaphanya phọ ọmiin bọ de phọ aJuda rꞌẹpe Jeruselem, aJosaya ạsighiogh aroḅologhi, ạdaph ikpo ọnhu iilogh phọ ịpe ọge bọ sịphe ạḍinya phọ ḍịphe ạHilkaya oyil ạrikia phọ ạmiin bọ sịphe Otu Ịiḅereghi phọ.

1 Krọnikuls 10:13

ẠSol amugh ịdi eḍighi bọ ọdi ạḅitonaan Ọmoogh-we phọ. Ọdi ạḅaar ẹmhu esi ịto Ọmoogh-we phọ kụ ạwa oroma esi aruwaloor iḍim

2 Krọnikuls 28:3

ạsu ghan ịnsens sịphe Eḍiiny aHinom, aḍighinom rịkia nmụny ọdi ạngo ịkaaneen ạrumugh, ạtuughaany eḍighinom ịyaar isa awe phọ Ọmoogh-we phọ maphorogh bọ sịphe ade phọ mem mọ awe phọ Ịzirel rotu bọ.

2 Krọnikuls 33:6

Ọdi ạsighe nmụny ọdi ạphighironom ẹkia oguom ạnian sịphe Eḍiiny aHinom. Ọdi ạmaar idike rꞌịiḍaany, ạghi ghan sipuru kꞌariil ịmiin rꞌọḅaanaan aruwaloor. Ọdi ạpioghom ni iboom kụ ẹghagh ologhi Ọmoogh-we phọ.

Ẹḍua 22:17

Eru mạar dị ọde ọnyani phọ úmeera mọ oye phọ aphin, pọ ọdi kạkpe ikpoki ịlo ẹman ẹmhu esina ọnyani ạngo ọde phọ.

Ẹḍua 22:18

“Kémeera ghan ọḅaghama ạrol, ikiigh ghan nyọdi.

Azaya 47:13

Ịikpo nyịna ílho ghạlamo rꞌoomo oroma phọ nạ ạmoogh bọ. Awe phọ ạna ọtuugha bọ ịlo ạraanaan phọ omite oru ọphel nyịna — awe phọ ạbuphe phọ ọtuugha bọ ịlo ạraanaan phọ, bụphe ọkonyon bọ rịikpigh okuaḍio phọ kụ rọḅeni ghan bọ nyịna ụnwanyu atum ụnwanyu ịdi kemitenaan nyịna.

Jerimaya 27:10

Bịdi riikeleghi ni inyina kụ koḍighi ịdi kịsighe inyina ọḍuanam ọki ekpisi dị ẹkelan rere phọ anyina. Mị kiphorogh inyina ạkele kụ iphiemi inyina.

Jerimaya 27:9

Kẹ́naghanan riil phọ anyina rꞌạtorobo oye lọ ạḅem mọ ọno katue ni ạmiin uḍien, mꞌesi ạramalha, mꞌesi ọmagh aruwaloor awe lọ momuughu, mꞌesi ịiḍaany. Oomo ạbidi ịḅeni inyina mọ késooromi siloor ẹngo ọdaam-eelhe phọ ạBabilon.

Jerimaya 32:35

Bịdi mọkaanaan renmeny Baal sịphe Eḍiiny aHinom, oḍighinom ịyaar aghuḍum nmụny rꞌạnmanyaan ạbidi ọngo eru ạMolek. Mị ụ́to ụ́ḅeni mọ oḍighi ịphen, kụ íḍigh kẹn ologhi ạmi mọ bịdi koḍighi ịdi awe aJuda koḍighi ịkaraph dị ẹrol ịduon.”

Jerimaya 7:31

Sịphe Eḍiiny aHinom bịdi mọghi ọkan enmeny dị oghol mọ aTofet, pịdi bịdi ọsighe ghan nmụny rꞌạnmanyaan ạbidi oguom nịan ọpinyonom ghan rịkia sịphe phọ. Mị ụ́to ịphen phọ ụ́ḅeni bịdi — ịphen phọ ítu kẹn roru ologhi ạmi.

Lịvitikos 19:26

“Ị́ba ghan tọrobo ẹnam dị emughom ịḅaal. Ị́tuugha ghan ọmiin ịmiin, ḅịle kẹn, ị́gbe ghan ghạma.

Lịvitikos 19:31

“Kẹ́ki ọwa oroma esi ạbuphe ropuru ghan bọ ruwaloor ạbulo úlho, ị́daph ghan rụḅaghama, ọbo bịdi kịphue ghan bọ inyina. Mị kụ Ọmoogh-we Ẹnaan phọ anyina.

Lịvitikos 20:6

“Tọrobo oye lọ aḍigh oghuugh ịmiin, ịiḍaany rꞌạghama kụ raḍighi yogh ọdorodo, pọ mị kakiririom ni oye phọ ọpo apogh. Mị atoph nyọdi ogbeph, ạgbatan nyọdi ạsighe, amutonaan nyọdi esi awe phọ ọdi.

Maika 5:12

Mị kạpueghi rụgba ịiḍaany phọ nyina reḍighinom ghan bọ kụ rꞌoniin oyil ịmiin inyina kísughanaan.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

Iiḍighi 19:19

Kụ ịbadi ạbudi ọtuugha ghan bọ ịiḍaany phọ ọsighe yogh rịnya phọ ạbidi oru ọsuughi nịan pạ ogbo aḍita awe phọ. Ogbi bọ ikpoki dị oghoom rịnya phọ ịman oogh ọonir ipoḍi asilva.

Iiḍighi 8:9

Kụ oniin ọḅaghama, dị oghol mọ aSaimon, ạrol li pạ ẹmha phọ. Ọdi ạpheremiom ghan ni we aSameria ire phọ ọdi, ạḅem ghan mọ ọno oboom oye ni.

Bụo aGaletia 5:20

ọoḅereghi aruru, ạghama, ạmulogh-ḍien, ịruonu, ẹḍim, ophin ologhi, ịkaagh, ịgbagharan, ọkaraph otul,

Dutoronomi 12:31

Íḍighi ghan ịphen phọ egbodo Ọmoogh-we Ẹnaan phọ anyina. Oomo ịpe eḍighi bọ ḅạphanya risigh Ọmoogh-we phọ, ịpe ekia bọ nyọdi, kụ ịdi bịdi roḍighi ghan kọngo rụmugh phọ ạbidi. Nmụny ạbidi rꞌạnmanyaan ạbidi kụ ịdi bịdi rọsighe ghan koguom nịan ọngo rụmugh phọ ạbidi.

1 Sạmuel 15:23

Oruphiom ọdi ẹgham abeeph ni ịdipho ọgbe-ạghama, kụ ophoophe aloor aḍighi ni ịkaraph ịdipho ọka ịyaar ọoḅereghi. Loor esi dị nạ maghel bọ ịto Ọmoogh-we phọ, ọdi kẹn maghel nyịna oḍighi ọdaam.”

1 Sạmuel 28:3

ẠSamuel mamugh, kụ oomo awe phọ Ịzirel mokughuḍi nyọdi, ọsighe oḍi ẹpe Rama ẹmha phọ ọdi. Kụ ạSol maphorogh oomo ạbuo-idike rꞌariil okuru phọ osumughu ọḍua sịphe ade phọ.

1 Sạmuel 28:7

Kụ ạSol ạto ạḅeni butelhedom mọ ọdi mọ, “Ịki ịwaanaan ịmi oyil-ạnir lọ rạmiin ghan uḍien. Mị kạki esi ọdi idike.” Kụ bịdi ọḅeni nyọdi mọ, “Oyil-ạnir aḍien odi ni ẹpe En Dor.”

1 Sạmuel 28:8

Kụ ạSol anmia loor ọdi; ọdi ạkpologhian kịro ọdo iinmenan kụ, mem dị meghul, ọdi ạpham ịyal awe ọdi kụ ạghimom ọmiin ạnir phọ. Kụ ọdi ạḅeni ạnir phọ mọ, “Upurunaan ruwaloor phọ kụ ụḅeni ịmi ịlo kemite. Mạgh ghan amitiom ọlo mị aghol.”

1 Sạmuel 28:9

Kụ ạnir phọ ạḅeni nyọdi mọ, “Tọ nạ alegheri ni ịpe ạSol maḍighi bọ: ịpe ọdi aphorogh bọ riil ịmiin phọ rꞌạbuo-idike phọ mọ ọḍuaghu sịphe ade phọ. Eeghe kụ iḍighi kụ nạ ạtu bọ rạwa ọkpaminaan ạmi ḍiphil okori oghiigh ạmi phọ?”