Dutoronomi 18:1 - Ạḍinya Iigbia

¹ “Ariil ạrikia phọ, bụo eghun phọ aLivai, kụ́ḅaran bin ẹmoogh rꞌawe Ịzirel, erua kúle. Bịdi kole ghan rạraar aghuḍum oguom nịan phọ ịpe rọpighiron ghan bọ kọngo Ọmoogh-we phọ.

Dutoronomi 18:1 Iomraidhean Croise

Jerimaya 33:18

ḅịle mọ oomo amem ariil ạrikia kọtol li dị komite sịphe eghun phọ aLivai kụ kukumu ịmi. Ọdi kụ kạpinyon rịkia oguom ạnian rꞌạrikia ịbiakpa rꞌịnon ọdo ạrikia.”

Izikiel 44:28

“Ạbupinyon rịkia phọ ọmoogh oḍighi ọphinyon ghan ạrikia eḍighi bin ạbidi esi ạraraar dị mị mạngo Ịzirel dị kodiom erua oghiil atum oghiil. Bịdi kọ́pam ruphua ẹpe Ịzirel; ogina ạmi bịn kụ oomo ịdi bịdi ọwa.

Igbiighi 18:20

Ọmoogh-we phọ ạḅeni Eeron mọ, “Nạ kále ghan erua sịphe ade phọ ạbidi; ḅịle kẹn, nạ kápin ghan bin sịphe ogbo phọ ạbidi. Mị kụ abin ạna rꞌerua ạna, sịphe ogbo awe phọ Ịzirel.”

Igbiighi 26:62

Ogbi bọ bịdi ọman bọ 23,000 awe, omiigh tọrobo olephiri ọony lọ mạman oniin ụnwanyu kụ ọghiom risigh. Ụ́ḅaram bịdi úgbiom aani rꞌawe phọ Ịzirel, ịdi eḍighi bọ ụ́ngaani bịdi bin ẹmoogh sịphe awe phọ Ịzirel.

Dutoronomi 10:9

Kụ iḍighi kụ ạbuo aLivai ụ́daph aani bumor phọ ọdi úphin aani bin ẹmoogh phọ. Ọmoogh-we phọ kụ abin ẹmoogh mụo ạbidi, ịdipho Ọmoogh-we Ẹnaan phọ anyina aguanaan bọ bịdi.)

Dutoronomi 12:19

Igona siloor anyina, íkel ghan bụo aLivait phọ, oomo asuḍughul-otu phọ ịpe nyina kẹtol bọ sịen aḅirini phọ.

Josua 13:14

Eghun aLivai bịn kụ eghun dị aMozis ụ́ngaani bin ẹmoogh, loor esi dị ạrikia mọ ịpe ọphophoghi bọ ologhi ạnian ọngo Ọmoogh-we phọ Ẹnaan phọ Ịzirel kụ abin ạbidi, ịdipho dị ạḅeni bọ nyọdi.

Josua 13:33

Kụ eghun nyẹpe kꞌaLivai aMozis ọ́ngo bịdi bin ẹmoogh. Ọmoogh-we phọ Ẹnaan phọ Ịzirel kụ abin ẹmoogh ẹlo ạbidi, ịdipho dị ạḅeni bọ bịdi.

Josua 18:7

Eghun aLivai ụ́ḅaran bin rꞌanyina loor esi dị oḍighi ọphinyon ghan ạrikia Ọmoogh-we phọ kụ abin mụo ạbidi. Eghun ạGad, eghun aRuben rꞌọphori phọ opol eghun ạManase mọmoogh bin mụo ạbidi ẹpe ẹḅeenyom ạJodan ẹpe erumuḍio phọ remite ghan bọ, ẹpe aMozis otelhedom Ọmoogh-we phọ ạngo bọ bịdi.”