Dutoronomi 17:8 - Ạḍinya Iigbia

⁸ “Eru mạar dị aḍighiton lọ ịkparanaan inyina osoph ọoruen emite: ḍighiton enu, mꞌaḍighiton ịikonoghian, mꞌaḍighiton elebiri, tọrobo ọdo asighiton phọ ịphen kụ emite sịphe ạramha phọ anyina, pọ iḅetenuom ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ,

Dutoronomi 17:8 Iomraidhean Croise

2 Sạmuel 15:2

Ọdi aḅon ghan aḅetenu bịn ạghi ẹpe eten phọ ạmeera sịphe eḍighom ẹmha phọ. Tọrotoro amem lọ oye ạpham ḍighiton arumom ọwa ọdaam mọ mọ ạghaaph, Ạbsalom kạmagh oye phọ kụ apuru mọ oye phọ ạḍua ẹghen kụ aru bọ. Kụ oye phọ roghol ẹmha phọ ọdi ạḍua bọ kụ aru,

1 Krọnikuls 26:29

Sịphe ạnmuny ạnmuny phọ Izhar, useenaan iiḍighi oseeriom ghan ạraraar ọngooghi Kẹnanaya rꞌạnmuny ọdi: ọmaar oseere ịgeeghi ịlo oye rꞌoye, oogboonaan ịiruen we phọ Ịzirel.

Ẹḍua 18:15

AMozis ạḅeni ọyogo phọ ọdi mọ, “Mị ạmoogh oḍighi ịduon phọ loor esi dị awe phọ rotu ghan esi ạmi ọtuugha ịlo Ẹnaan.

Ẹḍua 18:26

Kụ bịdi ọḅemogh ghan sighiton awe phọ oomo amem. Aḍighiton lọ epel bịdi loor bịdi ọsighe ọkiom Mozis, kụ ọlo oomo ịbam asighiton phọ bịdi kụ ụḅem ghan.

Ẹḍua 21:20

“Oye lọ ạsighe ịkpara kụ ạguroghom ẹbene ọdi, mꞌolephiri mꞌạnir, kụ ẹbene phọ amugh esi phọ, ọpo aḍighi bọ kọliom ni.

Ẹḍua 21:22

“Eru mạar dị awe robeeghi kụ oḍighi ịyaar ạnir eghun-aḍien kụ ọkuruḅaka phọ ạḍua kụ úḍighinom ẹnon ịyaar, pọ oye phọ aḍighi bọ kạkpe ni ịikpia tọro ọnhu ikpoki lọ olhom mọ amuul dị ẹmeeraam ịlo bụo ịiruen phọ osoph.

Ẹḍua 21:28

“Eḍighi ịyaar lọ aḍilephiri ạnam kụ akul oye aghiigh, mꞌolephiri mꞌạnir, pọ kotoḅol ikpo nạm mọ ạḍiphe okiigh, iphulupul phọ oye kụ́ba. Uwo ạnam mọ mạar ọ́piom; kọ́liom nyọdi.

Ẹḍua 22:2

Ọḅa phọ kạkpe ni rạraar phọ ọdi ami bọ. Eru mạar dị ọdi ụ́moogh rꞌịyaar, pọ kobool nyọdi, kụ ọkpiom ịyaar phọ ọdi ạmi bọ. Eḍighi ịyaar lọ ẹnam mọ omi bọ, eru nạm, mꞌẹnam adool mꞌoyool-ọga kụ ọmiin dị úmugh ḍịghaagh ọdi, eniin ẹnam ọdi kạkpe ghan ịyal. “Eḍighi ịdi osiphom ọḅa dị rạka kaḍigh otu ḍughul kụ oghiigh, pọ ịḅaal ọdi edi ẹmhu ọdi. Kụ eḍighi ootaany, pọ ologh oghiigh oye ạpam ni nyọdi.

Ẹḍua 22:8

Eru mạar dị ọḅa phọ ụ́teeny, pọ oye phọ ọpo ạpham bọ rạraar phọ kọmagh otuomanaan bụo ịiruen phọ kụ ọdi akunya mọ ọno kụ ómi bọ rạraar phọ.

Izikiel 44:24

Mem dị ọokonoghian ologh amite, ariil ạrikia phọ kụ kọoḅeghion rạghaaph dị ẹdaphan iilogh phọ ạmi. Bịdi kọpamanam rạyaal iigbia ọdaphan iilogh phọ ạmi rꞌeḍighinom ạraraar phọ ạmi kụ ọḅile oseere ḍio ophooghian phọ dọl iigbia.

Hagai 2:11

Ọdi ạḅem mọ, “Puru bụpinyon rịkia phọ ịlo kọpagharanaan ḍipuru phọ aḍien:

Malakai 2:7

Eḍighi ni oḍighi ariil ạrikia phọ ọtughemi ghan awe ogey olegheri-ịyaar Ẹnaan. Awe ọkpe ghan ọghi ọteeny ạbidi kụ olegheri ogbi phọ ạmi, loor esi dị bịdi kụ abutelhedom Ọmoogh-we Oomo Ịikpo phọ.

Igbiighi 35:11

ịgbatan eseere gem rạmha dị keḍighi rạmha dị koḍigh ghan ḍibuo ọphelaam ẹmhu, ịdi oye lọ ạsighe elegheri kụ aghiighom matuman ọdi kasuma ghan akeel.

Igbiighi 35:16

“Kụ ọlo, eru mạar dị oye ạsighe okuron kụ ạguroghom oye kụ oye phọ amugh, pọ ọdi ọokom-enu, pọ ikiigh nyọdi egina amem.

Dutoronomi 1:17

Íkueni ghan oye mem lọ nyina reegbo ịiruen, ẹnaghanan ghan ịlo ọbam oye rꞌịlo ogbogh oye phọ. Kékiilaan oye, ịdi eḍighi bọ ịiruen ịlo Ẹnaan. Ịpelom inyina ịlo ọghaaph, pọ ịsighe ghan iruom ịmi mị ụkaaph.’

Dutoronomi 12:11

Eniin esi edi ni dị Ọmoogh-we phọ Ẹnaan phọ anyina kạsaḅar kụ nyina eḍighi ịdi aḍien phọ ọdi ketugh sịphe phọ, kụ nyina kẹsighe ghan oomo ạraraar phọ ịpe mị ạlogh bọ ologh ịngo inyina ẹkimom ẹpe phọ: rịkia oguom ạnian phọ anyina, oomo ạrikia phọ anyina, muniin abin esi aḍioph abin phọ, ẹkia oḅio-giph phọ anyina, rꞌoomo ịpe nyina eguanaan bọ Ọmoogh-we phọ.

Dutoronomi 12:14

eḍigh esi phọ ẹpe Ọmoogh-we phọ ạsaḅar bọ sịphe oomo arughunughun phọ anyina. Ịsiphe kụ esi dị nyina kẹpighironaan ghan rịkia oguom ạnian phọ anyina. Ịsiphe kụ esi dị nyina keḍighi oomo ịphen phọ mị ạlogh bọ ologh ịngo inyina.

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 19:17

pọ ịyal phọ ạbidi ọghi ọmeera egbodo Ọmoogh-we phọ risigh ariil ạrikia phọ rꞌabuugboom ịiruen, bụphe odi bọ mem mọ ạmuphe roḍighi ghan iiḍighi phọ ịphen.

Dutoronomi 19:4

Oye lọ ạsighe elegheri kụ aghiigh matuman ọdi, dị útu mụlogh-ḍien ọdi, dị bịdi mạar úgbian, asuma ghan ẹpe phọ ạphela ghuḍum ọdi atene.

Dutoronomi 21:5

Kụ ariil ạrikia phọ, ạnmuny aLivait phọ, ọghi omite ọmeregha, ịdi eḍighi bọ Ọmoogh-we Ẹnaan phọ anyina kụ azua bịdi mọ bịdi oḍighinaan nyịno oḍighi phọ ọdi, ọsighe ghan ḍien phọ Ọmoogh-we phọ ọsephom. Kụ esi ikpo ọnhu phọ ạbidi kụ keḍighi ịdi ọruonu rꞌelebiri kesophoghian.

Dutoronomi 25:1

“Eru mạar dị awe ọmoogh ịikonoghian kụ ọsighe ọghi sịphe otu ịiruen phọ, pọ abuugboom ịiruen phọ ọtuugh elhiom kúsoph ogheelemi nyọpo ụ́pioman bọ, ophume nyọpo ạpioman bọ.