Dutoronomi 17:3 - Ạḍinya Iigbia

³ Eru mạar dị ọdi ạghi raaseeny ghan ịnon ạrumugh kụ rạaḅereghi ghan bịdi: mꞌerumuḍio mꞌụnwanyu mꞌoomo ịpe edi bọ ẹpe okuaḍio phọ, ịpe mị ụ́ḅem bọ,

Dutoronomi 17:3 Iomraidhean Croise

Emiighom 2:1

Ịduon kụ ẹdi ọlhem aḅirini phọ aru amuneen.

2 Ạbudaam 21:3

Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ, adoghoḍinaan Baal renmeny ạrikia, ạḅologh igbudu um-ạke Asera ịdipho Ehab ọdaam mọ Ịzirel ạḅologh bọ kụ ạaḅereghi ghan oomo ọdo kịrokiro ạraanaan, aaseeny ghan bịdi.

Ẹḍua 22:20

“Oye lọ ạphighironaan ẹkia kụ ạngo ẹnon emugh dị ítu Ọmoogh-we phọ, itoph oye phọ ọpo ogbeph emutonaan nyọdi.

Jerimaya 19:5

ḅịle kẹn bịdi mọkananaan renmeny Baal pịdi bịdi ọsighe ghan nmụny ạbidi oguom nịan ọpinyonom rịkia. Mị ụ́to ịphen phọ ụ́ḅeni bịdi; ítu kẹn roru ologhi ạmi.

Jerimaya 32:35

Bịdi mọkaanaan renmeny Baal sịphe Eḍiiny aHinom, oḍighinom ịyaar aghuḍum nmụny rꞌạnmanyaan ạbidi ọngo eru ạMolek. Mị ụ́to ụ́ḅeni mọ oḍighi ịphen, kụ íḍigh kẹn ologhi ạmi mọ bịdi koḍighi ịdi awe aJuda koḍighi ịkaraph dị ẹrol ịduon.”

Jerimaya 7:31

Sịphe Eḍiiny aHinom bịdi mọghi ọkan enmeny dị oghol mọ aTofet, pịdi bịdi ọsighe ghan nmụny rꞌạnmanyaan ạbidi oguom nịan ọpinyonom ghan rịkia sịphe phọ. Mị ụ́to ịphen phọ ụ́ḅeni bịdi — ịphen phọ ítu kẹn roru ologhi ạmi.

Jerimaya 8:2

Kpạripe rꞌookpomoghi oḍi, ịḅarara phọ ạbidi kẹtol ạnyu ade phọ ẹngo ẹnuum de phọ. Kọotarion esi lọ erumuḍio phọ kesoorom rꞌụnwanyu phọ rꞌạraanaan phọ kụ ịdi ịpe awe phọ ạbuen phọ ọphomoghian ghan bọ ọḅile okumu, ọḅile kẹn ọoḅereghi ghan ọḅile ọghi ghan ḍipuru.

Izikiel 8:16

Kụ ọdi ụsighe ịmi ạghi ogiga ologhi Otu Ịiḅereghi phọ. Sịphe etuman bọ eḍighom Ạdol Iigbia phọ, ịbaay enmeny phọ rꞌeten orelhe phọ, ụrol ḍita dị ịghiom ni ịyaldi rꞌoogh awe. Bịdi mọgumom rạman ạbidi sịphe Ạdol Iigbia phọ kụ rokpuḍian kosoorom ọghiom ẹpe erumuḍio phọ remite ghan bọ, rooseeny ghan erumuḍio phọ remite bọ.

Dutoronomi 11:16

Igona siloor anyina, ologhi anyina inyina kíbi, ọbo nyina kekiton ghan bọ eeseeny ịnon ạrumugh ẹeḅereghi bịdi.

Dutoronomi 17:4

kụ ọḅeni nyịna kụ nạ ạnaghan, pọ miigha loor ạwa alegheri mụghumo igey ni; kụ eru ni ịdi oḍighi ni ḅạphanya phọ ạmuen sịphe Ịzirel,

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Josua 23:16

Eru mạar dị nyina ẹphioman kụ ẹepu ịyo phọ ịpe Ọmoogh-we Ẹnaan phọ anyina eghiran bọ kụ ạlogh ologh ịngo inyina, kụ nyina ẹghi kụ reeseeny ịnon ạrumugh ekpuḍian ẹeḅereghi ịnon ạrumugh, pọ Ọmoogh-we phọ kịghagham ni inyina ọghagh ologhi dị kạbugh ni iboom bịn iigulemi inyina apiemi sịphe aḍiiḅi ade phọ dị ịngo bọ inyina.”