Dutoronomi 17:18 - Ạḍinya Iigbia

¹⁸ Kụ ọdi ạrolom ạgada ọdaam ẹmha phọ, pọ ọdi ạtuugh iilogh phọ Ẹnaan ịpe ẹḍua bọ esi ariil ạrikia phọ rꞌạbuo aLivait kụ emite ạge loor ạḍinya.

Dutoronomi 17:18 Iomraidhean Croise

1 Ạbudaam 2:3

aako ghan ịtooghi Ọmoogh-we Ẹnaan phọ ạna, ạdaph ghan reten phọ ọdi kụ arelhe ghan; aako ghan ịtooghi phọ ọdi, ẹḍogh phọ ọdi rꞌịiruen phọ ọdi rꞌạraraar ọghiom ologhi phọ ọdi, ịdipho ọge bọ sịphe Ologh phọ aMozis, ọbo edughom ẹrolonaan nyịna esi oomo ịpe nạ kaḍighi bọ rꞌạtorobo ekpisi lọ nạ rạki.

2 Ạbudaam 11:12

Kụ ạJehoyada ạsighe mọony ọdaam mọ amitiom kụ ạsighe eghoony ọdaam ẹmha phọ azu, ạsighe ḍịnya iilogh phọ ạngo. Ọsighe nyọdi oḍighi ọdaam ookuom nyọdi elho, kụ okpoolha rạghaagh ạbidi kụ ọḅem ghan mọ, “Ighiph ẹpham orum ọdaam mọ!”

2 Ạbudaam 22:8

Kụ ạHilkaya uwo ẹmhu oyil ạrikia phọ ạḅeni Safan ọgeeghia ạrinya phọ mọ, “Mị mạmiin ḍịnya Ologh phọ ạḍiphe ephe bọ sịphe Otu Ịiḅereghi phọ.” Kụ ạHilkaya ạsighe ḍịnya phọ ạngo Safan kụ ọdi ạal.

2 Krọnikuls 34:15

Ọdi ạḅeni Safan mọ, “Mị mạmiin ni ḍịnya Ologh phọ sịen Otu Ịiḅereghi phọ.” Ọdi ạngo Safan ḍịnya phọ,

Dutoronomi 31:9

Kụ aMozis ạge ologh phọ ọphon ạngo riil ạbuo aLivait, bụphe ọpham bọ Igbe Ịyo phọ Ọmoogh-we phọ, rꞌoomo ikumoor awe phọ Ịzirel.

Josua 1:8

Ạḍinya Ologh phọ kị́ḍua ghan sịphe ọnhu phọ ạna, ạtuugha ghan ḍughul rꞌootaany, agona loor ạna, ạdaph ghan oomo ịpe ọge bọ sịphe phọ kụ ạtuugh ghan aḍighi, kụ keḍighi ịdi oomo areten phọ ạna kẹmoogh edughom kụ nạ ạmoogh ẹeḍiom.