Dutoronomi 17:16 - Ạḍinya Iigbia

¹⁶ Ọdi kụ́moogh rụsu dị kẹmaraghi emuzeḍi, kẹn kúḍighi ịdi awe phọ kọḅile oḅula Ijipt ogho ạrusu dị kẹmaraghi emuzeḍi eḍiza. Ọmoogh-we phọ mịḅeni inyina mọ kẹ́ḅile mun eḅula eten phọ ẹpe.

Dutoronomi 17:16 Iomraidhean Croise

2 Sạmuel 8:4

ADevid asiphi ni ḍioph rꞌoḍual okuron awe phọ ọdi dị rokiilom ghan ạsu ḅịle rꞌịyaldi ọonir awe ẹgham mọ ọdi dị rotelhe ghan ude. Ọdi aseerian ni ịbadi ạsu dị ketue ni ẹkasian oghiilom oniin okuron arughuugh-ude kụ ọdi aḅonyon ruwol ịpheri phọ.

1 Ạbudaam 1:5

Kụ Adonaija, onhiin phọ ọdi aHagit, aphoophe loor ọdi kụ ạḅem ghan mọ, “Mị kaḍighi ọdaam.” Kụ ọdi aakolobian loor ọdi rughuugh-ude rꞌawe dị kokiilom ghan rụsu, amitiom ooghdi awe dị kọtol risigh ọdi.

1 Ạbudaam 4:26

ẠSolomon ạmoogh bọ inyadi ọonir aruutu ịlo ạrusu ịnam mọ ọdi rꞌịlo arughuugh-ude phọ ọdi, rꞌiḍioph rꞌịyal ọonir awe dị oghiilom ghan rụsu phọ ọdi.

1 Ạbudaam 5:6

Kụ nyịidipho tom weye ạna, bịdi ulereghinaan ịmi ịsaga phọ edi bọ ẹpe Lẹbanon. Abutelhedom ạmi kotu ọḅaram bụphe ạna, kụ mị kạkpe ni butelhedom mọ ikpoki lọ nạ ạḅem. Sịphe ogbo phọ ayoor awe dị ọmaar olhereghi ireeny ịdipho ạbuo aSaidon úlho.”

2 Krọnikuls 1:16

Abumuul ḍighi ọdaam mọ ụphamaghan ghan ni ḍighi ịnam-ạsu dị ẹḍua ẹpe Musri rꞌaKilisia,

2 Krọnikuls 9:25

ẠSolomon ọdaam mọ ạḅile ni adoghoḍi inya ọonir arophoghoghoony osereghi ghan rughuugh ẹgham rꞌạrusu. Ọdi ạmoogh kẹn ni ḍioph rꞌịyal ọonir ạrusu ẹgham. Iniin ọdi asereghi ẹpe Jeruselem, ịpheri phọ ẹrologhu rạmha kịrokiro.

Ạsuor 20:7

Buniin oḍuom ologhi rughuugh-ude ẹgham ạbidi, buniin oḍuom ologhi rụsu ạbidi; kụ ọlo yira oḍuom ologhi ḍien Ọmoogh-we phọ Ẹnaan phọ ayira.

Ẹḍua 13:17

Mem dị ọdaam eelhe phọ Ijipt ameera mọ awe phọ ogheel, Ẹnaan íkitonom bịdi eten phọ ọgbal ọphiiny kụ esi Filistia, ọbo ẹpe kụ iisulom. Ẹnaan ịitughian, “Mị ụ́wa mọ awe phọ onme iloghi phọ ạbidi mem dị bịdi ozuan ẹgham bịn ọḅile oḅula Ijipt.”

Ẹḍua 13:18

Kpạripe, Ẹnaan ikitonom we phọ eten ẹdala phọ ẹpe rẹki bọ Ọphiiny Igbilha phọ. Awe Ịzirel phọ ụnyaaghian ni ẹgham.

Ẹḍua 14:13

AMozis ạḅeni we Ịzirel mọ, “Kékiilaan, ịpama riḅiom anyina, kụ ẹrol ẹmiin pẹleeny Ọmoogh-we phọ, ịdi ọdi kiḍighinaan inyina rodon. Awe Ijipt phọ ạbuen nyina rẹmiin bọ rodon, nyina bịdi kẹ́miin mun kꞌagee-pọ.

Azaya 2:7

Asilva rꞌagol kụ imuza sịphe ade phọ ạbidi, kụ eekuna ẹelha ạbidi ílho. Ịnam-ạsu kụ imuza sịphe ade phọ ạbidi, kụ eekuna arughuugh-ude ạbidi ílhoonaan.

Jerimaya 42:19

Kụ mị ạḅile ạghaaph, “Ọmoogh-we phọ mịḅeni inyina awe phọ ạbuphe osugha bọ ẹphen Juda mọ kékeel ẹpe Ijipt. Kụ mị rịphur inyina rụru nyịidipho

Izikiel 17:15

Kụ ọlo ọdaam mọ aJuda ạgbagharan ni kụ arom rụukpaany ọdi ọghi Ijipt ịlo ọmoogh ịnam-ạsu rꞌaḍita awe ẹgham. Ọdi kạkpar ri apu ḍụghum? Ạghelhe kạtol li ḍụghum? Ọdi kạ́ka ịge ọḅoph ọnhu phọ kụ akeel dị kọ́liom.”

Hosia 11:5

“Bịdi úmeera úḅula esi ạmi. Kụ iḍighi kụ bịdi koḅula ni ẹpe Ijipt, kụ Asiria kụ kọda bịdi.

Hosia 14:3

Asiria kótue ụphel iyoor kụ ịnam-ạsu ẹgham kétue iikpereghi iyoor. Yoor kọ́ḅeni mun ịkaaghineen ạrumugh mọ bịdi kụ Ẹnaan ayoor. Ọmoogh-we, nạ bịn kụ raḍeenaan ghan ọnma ighirigiir bụnyigo ạnmuny.”

Maika 5:10

Ọmoogh-we phọ ạḅem mọ, “Mem mọ ọpo mị kạsighiogh ni rụsu anyina kụ aagulemi rughuugh-ude anyina.

Dutoronomi 28:68

Ọmoogh-we phọ kịsighe inyina ạsaany oghuugh ạsighe aḅulemi ẹpe Ijipt; erelhe dị ọdi iguanaan inyina kụ ạḅem mọ nyina kételhe mun nyẹen rꞌẹnum. Kụ nyina ẹtol ẹpe phọ kụ ẹsighe siloor phọ anyina ẹwaam ghan esi ạbumulogh-ḍien phọ anyina oye lọ kigho inyina rẹbene, lephiri rꞌạnmariir, kụ oye inyina rígho.”

1 Sạmuel 8:11

“Ịphen kụ ịdi ọdaam mọ anyina kiḍighi inyina. Ọdi kạsighe ni nmụny phọ anyina atene we ẹgham: buniin kokiilom ghan rughuugh ẹgham ọdi dị rekiil ude, buniin koḍiku ghan rụsu kụ ọki ẹgham kụ abuniin okiil ghan oḍiemiom rughuugh-ude phọ.