Dutoronomi 17:12 - Ạḍinya Iigbia

¹² Oye iituma phọ ọpo úmeeraam bọ kụ ụ́naghanan bọ oyil ạrikia phọ ọpo odi sịphe egbodo Ọmoogh-we Ẹnaan phọ anyina raḍighi oḍighi phọ mꞌoogboom ịiruen phọ, oye phọ ọpo kamugh ni, ọbo ọdo ịkaraph phọ ịpe phọ ekunughian sịphe Ịzirel,

Dutoronomi 17:12 Iomraidhean Croise

Ẹzra 10:8

esi ịto abuḍiemiom awe phọ. Eru mạar dị oye ạrol dị úmeera útu esi ịraar aḍughul-otu, oomo aruphua ọdi kobum ni ọsighe kụ ọdi katoph ni elhiom ọdi oḍighi ọlo ẹmha phọ.

Ạsuor 19:13

Ụsighe ịmi ạgbole esi ịkaraph dị olegheri ni kụ oḍighi; kámeera bịdi ẹtooghi ịngo ịmi. Pọ kụ amem dị mị kạmaar ạserere, kụ akpetenaan esi ịkaraph.

Asidogh 21:11

Mem lọ ọliom oye ophoophe aloor, ghạlamo oye lọ ịitughian ụ́moogh ạtuugha ni ịyaar. Oye olegheri ịyaar kalegheriom ịyaar esi ịlo ọḅeni nyọdi.

Hosia 4:4

Ọmoogh-we phọ ạḅem mọ, “Oye kụ́kpalham we phọ ḅịle kụ́ḅaam bịdi rꞌẹekpara ẹḍogh — ịḍagha ạmi ịkpaariom inyina ariil ạrikia phọ.

Zẹkaraya 3:7

Ọmoogh-we Oomo Ịikpo phọ mạḅem: “Eḍighi ịyaar lọ nạ ạnaghanan ni iilogh phọ ạmi kụ ạḅile ạtuugh aḍighi iiḍighi lọ mị ạngo nyịna, pọ nạ kaḍiemiom ni ophogh Otu Ịiḅereghi phọ ạmi ạkiom ghisigh, ḅịle kẹn mị kạnaghan ghan ni ịiḅereghi ạna ịdipho mị rạnaghan ghan bọ ịiḅereghi ạruukpaany phọ ạbuphe odi ghan bọ egbodo phọ ạmi.

Igbiighi 15:30

“Tọrobo oye dị ạsighe ologhoma rꞌịpa rꞌiituma kụ aḍighinom tọrobo ịyaar, mꞌọlo ịsien ẹmha phọ mꞌooruen, pọ ọdi rạwa Ọmoogh-we phọ sighiton, pọ moroph nyọdi ogbeph omutonaan nyọdi esi ogbo awe phọ ọdi,

Igbiighi 15:31

ịdi eḍighi bọ dị maafolomi ikpo ọnhu phọ Ọmoogh-we phọ ọ́maghami ịyaar, dị mạka ologh phọ Ọmoogh-we phọ, pọ itoph oye phọ ọpo ogbeph emutonaan. Ịkaraph ọdi, ẹmhu ọdi.”

Matiu 10:14

Kụ tọrobo otu rꞌẹmha dị inyina ị́sighe, ụ́naghanan kẹn ikpo ọnhu phọ anyina, pọ rẹḍua ịikpa ịisaar aruwol phọ anyina eseere.

Elegh aLuk 10:16

Kụ ọdi ạḅeni bụmatuan phọ ọdi mọ, “Oye lọ ịnaghanan inyina, mụnaghanan aani ịmi, kụ oye lọ ighel inyina, mughel aani ịmi, kụ oye lọ ughel ịmi, maghel aani nyọpo urom bọ ịmi.”

Elegh ạJon 12:48

Oye lọ ughel ịmi kụ ụ́sighe ikpo ọnhu phọ ạmi ụmaghami ịyaar pọ ịyaar dị kesophonaan nyọdi ọoruen edi ni: ọghaaph phọ mị mạghaaph bọ kụ kasoph ọoruen ạngo nyọdi ruukuna phọ.

Elegh ạJon 20:23

Oye lọ nyina ẹsar ịkaraph ẹwilenaan, pọ mọsar ri ọbilenaan. Kụ oye lọ ịkaraph nyina ị́sar ịbilenaan, pọ kọ́sar ọwilenaan.”

1 Bụo ạKorint 5:13

Ẹnaan kụ kesophonaan ọoruen bụeri phọ. Ịdipho ạḍinya iigbia phọ ẹḅem bọ mọ, “Iporogh oḍighinom ịkaraph phọ emitiom sịphe ogbo phọ anyina.”

Dutoronomi 1:43

Ịphen kụ ịdi mị ịḅeni bọ inyina, kụ nyina ị́magham ịyaar. Kụ nyina ímeeraam ologh phọ Ọmoogh-we phọ ạlogh bọ, ẹsighe bọ oḅom ẹmhu rꞌologhoma aloor bịn ẹghimom ẹpe eelhe aroogbolom mọ.

Dutoronomi 10:8

Mem mọ ạmuphe Ọmoogh-we phọ ạgbatan ạsighe eghun phọ aLivai ạngo Igbe Ịyo phọ mọ bịdi kụ orool ghan, ọmeera ghan egbodo Ọmoogh-we phọ oḍighi ghan oḍighi phọ ọdi, oghol ḍien phọ ọdi ọsephom ghan we ẹteeny kꞌarodon.

Dutoronomi 13:11

Kụ oomo phọ anyina awe phọ Ịzirel ịnaghan, kẹ́pioghom mun ọdo phọ ịphen sịphe ogbo phọ anyina.

Dutoronomi 13:5

Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 17:13

ọbo oomo aweye phọ ọnaghan oghiilaan ọwile iituma rꞌịgbagharan.

Dutoronomi 17:7

Kụ awe phọ ạbuphe ọmiin bọ kụ ọgba bọ kụ ọphur ọsighe rạghaagh ạbidi ọsighe ikpo oroph oye phọ ọpo kokiigh bọ, kụ aḍita ạbueri phọ awe phọ ogbi ozuom oroḅol aani ikpo. Ịphen kụ keḍighi ịdi ạsipioghom kekunughian ogbo anyina.

Dutoronomi 18:20

Kụ oyil lọ aghol ḍien phọ ạmi kụ ạghaaphom ịlo mị kụ nyọdi ụ́ḅeni mọ ạghaaph; mꞌọlo aghol ḍien ịnon ạrumugh kụ ạghaaph, pọ oyil phọ ọpo phọ kamugh ni.’

Dutoronomi 18:5

ịdi eḍighi bọ Ọmoogh-we Ẹnaan phọ anyina mạsaḅar eghun aLivai ạsighe sịphe oomo arughughun phọ mọ ạnmuny phọ ọdi oḍighi riil kụ ọmeera ghisigh ọno okumu nyịno kꞌagee-pọ.

Dutoronomi 18:7

pọ ọdi ạghi ni sịphe phọ aghol ḍien Ọmoogh-we Ẹnaan phọ ọdi, aḍighi aani oḍighi phọ, ịdipho ạbueri phọ abumor ọdi aLivait phọ ọmeera bọ ghisigh phọ Ọmoogh-we phọ roḍighi bọ.

1 Bụo ạTesalonika 4:2

ịdi eḍighi bọ nyina elegheri ni ịpe yoor ọto bọ ịḅeni inyina esi ịikpo phọ ạJizos Ọmoogh-we phọ.

1 Bụo ạTesalonika 4:8

Esi ịduon phọ, tọrobo ọlo aghel ịphen phọ óghel oye, akel Ẹnaan phọ ịngo bọ inyina Uwaloor Iigbia phọ ọdi.

1 Timoti 5:20

Oomo ạbulo oḍighi ịkaraph ḅạam ghan esi ogbo, pịdi ạbueri phọ ọmoogh oghiilaan.

Josua 1:18

Tọrobo oye lọ ạmoogh ịgbagharan esi iilogh phọ ạna kụ ịlo nạ ạghaaph ụ́naghanan, ịlo nạ ạto ạḅeni nyọdi úmeeraam; pọ oghiigh nyọdi ịnon ílho. Kpạrami loor ạna, ạmoogh oḅiom.”

Bụo Ịiruen 20:13

Nyịidipho imitiom reepheeny phọ ạbuen odi bọ Gibia ịngo iyoor, yoor ọze bịdi, ogbuurogh ịkaraph ọsighe ogbo Ịzirel.” Kụ eghun phọ ạBenjamin ọgunom ikpo ọnhu ạbueri phọ awe phọ Ịzirel.

1 Sạmuel 3:13

Mị mạḅeni ni nyọdi mọ mị kạliom ni ọto kꞌọdi kꞌagee-pọ loor esi dị ạnmuny phọ ọdi mụgilaam ịmi ọpughan. Ọdi alegheri ni ịphen phọ bịdi roḍighi bọ kụ ọdi ọ́ḅaam bịdi.