Dutoronomi 17:11 - Ạḍinya Iigbia

¹¹ Ọoruen phọ ọpo bịdi kịtughemi bọ inyina kụ ẹtuugh esoph ghan. Ị́bile ghan ịpe bịdi kiḍeenaan bọ inyina enme ịnon kụ esoph. Ị́ki ghan elhiom. Ị́ki ghan ekeeny.

Dutoronomi 17:11 Iomraidhean Croise

2 Sạmuel 14:19

Kụ ọdi apuru ạnir phọ mọ, “AJoab kụ arom bọ nyịna dom mọ ạḍien?” Ạnir phọ ạphagharanaan, “Mị akunya rꞌoomo ạraraar iigbia, nạ Ogbogh Ọdaam, ịdi kọbile ọphagharanaan aḍipuru phọ ạna ílho. Ọkaraghi agey oye ịtooghi phọ ạna Joab kụ ụḅeni bọ ịmi ịlo mị kaḍighi rꞌịlo mị kạkaaph.

Asidogh 4:27

Bịleghi ịkaraph, arelhe onyen, kạ́piom eniin ẹda sịphe egey eten phọ.

Lịvitikos 10:11

Kụ ạtughemi we phọ Ịzirel oomo iilogh phọ ịpe Ọmoogh-we phọ adoghoḍi bọ ạḅeni Mozis.”

Dutoronomi 17:10

Ịdaph ịpe bụphe odi bọ esi phọ ịpa Ọmoogh-we phọ ạsaḅar bọ kiḍeenaan bọ inyina. Oomo phọ ịpe bịdi kịḅeni bọ inyina kụ ẹtuugh ịpe phọ kụ eḍighi.

Dutoronomi 17:20

Ọdi kúpoophe loor upuemi bumor ọdi we phọ Ịzirel; ḅịle kẹn, ọdi kụ́gunom iilogh phọ, anme akiton ạghi ḍịghaagh elhiom mꞌạḍighaagh ekeeny, ọbo ọdi ạrol abia sịphe ạgada ọdaam ẹmha phọ, ọdi rꞌạnmuny phọ ọdi sịphe Ịzirel.

Dutoronomi 25:1

“Eru mạar dị awe ọmoogh ịikonoghian kụ ọsighe ọghi sịphe otu ịiruen phọ, pọ abuugboom ịiruen phọ ọtuugh elhiom kúsoph ogheelemi nyọpo ụ́pioman bọ, ophume nyọpo ạpioman bọ.

Dutoronomi 28:14

Ị́bile ghan ịphen mị rịḅeni bọ inyina rodon, ẹgbatanaan ẹghi ḍịghaagh elhiom mꞌạḍighaagh ekeeny, ẹghi ẹeḅereghi, eeseeny ghan ịnon ạrumugh.

Dutoronomi 5:32

“Igona siloor anyina, ẹtuugh ghan ịphen Ọmoogh-we Ẹnaan phọ anyina ạlogh bọ ologh ịngo inyina, kụ ẹtuugh eḍighi ghan. Íighiraan ghan esoman ḍịghaagh elhiom anyina mꞌạḍighaagh ekeeny anyina.

Tạitos 3:1

Kịom ologhi we phọ ạna mọ bịdi osooromi ghan loor esi ạbudaam rꞌạbuo ịtooghi, ọnaghanan ghan bịdi, kụ ọḅile ookolobian ghan oḍighi igey tọrobo areten.

Josua 1:7

Kpạrami loor ạna, ạmoogh oḅiom. Gona loor ạdaph ghan oomo iilogh phọ ịpe aMozis otelhedom mọ ạmi ạlogh bọ ạngo nyịna kụ aḍighi ghan, úkitonu ghan ụ́ki ḍịghaagh elhiom mꞌạḍighaagh ekeeny, ọbo ẹnighenom nyịna tọrobo ekpisi lọ nạ rạki.

Josua 23:6

Kụ iḍighi, ịmaar ẹphama siloor anyina esereghian eeko ghan eḍighi oomo ịpe ọge bọ sịphe ạḍinya Ologh phọ aMozis, ọbo nyina kekitonu ghan bọ ẹki elhiom mꞌekeeny,

2 Pita 2:10

Ịphen phọ ẹkar ẹkpaariom bụphe mọḅitonaan bọ iilogh phọ Ẹnaan kụ rọdaph bọ ịkaraph ạruuphua amuphe phọ ạbidi. Ạbutughemia ọkpe phọ ạbuen phọ ọmoogh oḅom ẹmhu rꞌooka ghan. Rọ́logh ghan eegu bụo aghuḍuul phọ, ọḅile ghụn ni rọopu ghan bịdi.

Ạḍinya dị aJud ạge 1:8

Igina phọ ịduon phọ kẹn kụ edianaan we phọ ạbuen. Bịdi rọmiin ghan uḍien koghol ọphuenaan loor ạbidi, ọḅitonaan iilogh Ọmoogh-we phọ, ọopu bụo aghuḍuul phọ.