Dutoronomi 17:1 - Ạḍinya Iigbia

¹ “Ị́sighe ghan ẹnam lọ eḍigh ẹgha, mꞌạnam mꞌoyool-ọga, eḍighinom ịyaar aghuḍum ẹngo ghan Ọmoogh-we Ẹnaan phọ anyina. Ẹpe mẹphuph bọ ạḅaphanya ni esi Ọmoogh-we Ẹnaan phọ anyina.

Dutoronomi 17:1 Iomraidhean Croise

Emiighom 41:19

Íbia bịn oḍual ịnon ịkpolokpolo ạsinam dị ịnyaam ị́moogh ẹsoghoronu sịphe ọphiiny phọ etuman ịḅel phọ; mị kọ̋miin ghan ọdo ịpe phọ sịen ade phọ Ijipt.

Ẹḍua 12:5

Nyina etue ni ẹsaḅar odughuna mꞌekpe lọ ẹman lhạ kụ íḍigh egha.

Asidogh 11:1

Ọmoogh-we phọ akel weye lọ ọtoom ạbidi úmunughan. Igey ịtoom kụ ịngo nyọdi ọḅaal ologhi.

Asidogh 15:8

Ọmoogh-we phọ rạsighe ghan ịiḅereghi abugey awe, kụ akel rịkia lọ ạbukaraph awe ọphinyon ọngo.

Asidogh 20:10

Ọmoogh-we phọ akel we lọ oboolom ịtoom ẹemor rꞌạḍidoony dị íileeny.

Asidogh 6:16

Oḍual ạraraar edi bọ dị Ọmoogh-we phọ aghel kụ kạ́sighe ni: ophoophe aloor, anem ọgba ọkpe, ạraghaagh dị kẹze we dị ịyaar ụ́piom, ologhi dị rạatughian ịkaraph, aruwol dị reegborion oḍighi ịkaraph, oye-ọgbaanaan dị ạgba ọkpe atum ọkpe, ḅịle rꞌoye dị kaḍighi ịdi ạrighiri kọḅaaghi.

Lịvitikos 1:3

Eru mạar dị ịyaar aghuḍum mọ ọdi ratu bọ oḍighi phọ eru ịyaar aghuḍum oguom ạnian, pọ ọdi ạsighe ghan olephiri ạnam dị loor kẹ̋epuan kụ ạpham arumom sịphe ọnhu-aḍibuo Ogbogo Ạdol Ọmoogh-we phọ. Ịdipho kụ ịdi kẹḅeeraan Ọmoogh-we phọ.

Malakai 1:8

Mem dị nyina ẹsighe ẹnam dị ẹmoogh ikpom ariḍien mụghumo ẹdi ímoon mụghumo ẹdi eḍighi ẹgha kụ ẹphighironom ẹkia ịngo ịmi, pọ ịduon phọ nyina regbiom ghan mọ ịiḅaghami ílho ḍụghum? Ịsighe ọdo ẹnam mọ ẹpe ẹngo ọdaam ẹmha phọ ophogh! Kẹḅaal li ologhi ọdi ḍụghum mụghumo oḍighinaan anyina ịyaar lọ nyina ẹlom?”

Igbiighi 29:8

Ẹphighironaan ghan ẹkia oguom ạnian ịdipho ẹpe eeḅi eḍu dị ọphighironaan ọngo Ọmoogh-we phọ: oniin onyugheel aḍilephiri ạnam, oniin odughuna rꞌoḍual alephiri iyool-ịga ịlo mẹman ḍiniin ạlha dị loor kẹ̋epuan.

Dutoronomi 15:21

Kụ eru mạar dị ẹnam meḍigh ẹgha, mꞌẹlo ariḍien meḅomoghian, mꞌẹlo mẹphuph, pọ kẹ́sighe eḍighinom ịyaar aghuḍum ẹngo Ọmoogh-we Ẹnaan phọ anyina,

Dutoronomi 23:18

Kẹ́sighe ghan ikpoki dị ọkpe ọnyo akunakuna, mꞌikpoki lọ oghoom ghoogh, eḍighom sịphe otu iigbia Ọmoogh-we Ẹnaan phọ anyina, ọkpiom ịlo nyina eguanaan. Ịyal phọ ikpoki phọ ịphen ạḅaphanya ni esi Ọmoogh-we Ẹnaan phọ anyina.

Dutoronomi 24:4

pọ ọḅel olhom ạnir phọ ọpo ạḅamanaan bọ ạnir phọ kụ́sighe mun ạnir phọ ọpo phọ úpin, ịdi eḍighi bọ ịphen phọ mẹphue ạnir phọ, ịdi eḍighi bọ mụen phọ ạḅaphanya ni esi Ọmoogh-we phọ. Kéḍighi ghan ịlo nyina kẹpue de phọ ạḍiphe Ọmoogh-we Ẹnaan phọ anyina ịngo bọ inyina ọmoogh.

Dutoronomi 25:16

Oomo ạbuphe roḍighi yogh ghan bọ ọdo kịrokiro phọ ịphen, rꞌạbuo iigbegheḍiom mọ, ạḅaphanya ni esi Ọmoogh-we Ẹnaan phọ anyina.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Bụo aHibru 9:14

kụ ẹghiom ologhi mọ ịḅaal phọ aKraist keḍighi iboom ịdi epu ịphen phọ. Ạtuan Uwaloor kꞌagee-pọ phọ kụ ạsighe bọ loor phọ ọdi ạphighironom ẹkia dị eseleman ạngo Ẹnaan. Ịḅaal phọ ọdi keetolomi ni ịitughian phọ ayira esi eepua iiḍighi phọ, pịdi yira oḍighi oḍighi ọngo Ẹnaan phọ edi ghan bọ.

1 Pita 1:19

Ụsighe ghụn ịḅaal phọ aKraist ẹman bọ ni iboom kụ ịtagharanam bọ inyina. AKraist phọ ạghigh mọony oyool-ọga dị rꞌịyaar ị́biph, ḅịle kẹn ẹgha úḍigh.