Dutoronomi 16:9 - Ạḍinya Iigbia

⁹ “Igbi ghan oḍual ariiḍio ẹphamanam. Imiigh ạal ghan oḍual ariiḍio phọ kꞌaḍio phọ ạḍiphe arepeke resoor bọ ude,

Dutoronomi 16:9 Iomraidhean Croise

2 Krọnikuls 8:13

Ọdi ạphinyon ni rịkia oguom ạnian dị emeeraam Ologh phọ aMozis ịlo ạtorobo aḍio iigbia: riiḍio ophooghian, ạrayaal omoom ụnwanyu, rꞌịraar ạrayaal ạlha etum lhạ phọ: ẹyaal ạbred dị yist ụ́logh, ẹyaal ibugha rꞌẹyaal arubughotu.

Ẹḍua 23:16

“Ile ghan Ẹyaal Ibugha mem lọ nyina emiigh ibugha. “Ile ghan Ẹyaal Arophoghoghoony mem osoor, mem lọ nyina emiigh ọku eemuma esi ịpe nyina ẹzuph bọ.

Ẹḍua 34:22

“Kooko ghan riiḍio ẹyaal ịḅel iimuma phọ rꞌẹyaal ibugha eekuna ạlha phọ.

Iiḍighi 2:1

Kụ rẹteeny ḍịroor ẹyaal ạPentikost phọ, kụ oomo ạbuphe omeeraam bọ ookpomoghan eniin esi.

1 Bụo ạKorint 16:8

Kụ mị kạtol li ẹphen Ẹfesos tụtu ẹteeny ḍio ạPentikost phọ.

Dutoronomi 16:10

kụ eeko ghan ẹyaal ariiḍio phọ Ọmoogh-we Ẹnaan phọ anyina, ẹḅaram ghan rꞌạrikia ịyaar aghuḍum ophooph ologhi phọ ịpe ẹḍua bọ rạghaagh anyina kụ emite kụ ịdi nyina kẹngo, ịpe Ọmoogh-we Ẹnaan phọ anyina ịseph inyina.

Dutoronomi 16:16

“Ịraar amem lhạ oomo alephiri phọ anyina koḍeenaan ghan loor ạbidi egbodo Ọmoogh-we Ẹnaan phọ anyina sịphe esi phọ dị ạsaḅar bọ: mem ẹyaal ạbred phọ úbilha bọ, ẹyaal ariiḍio phọ rꞌẹyaal arubughotu phọ. Bịdi kụ́ḅaph ọgbo bịn kụ ọghi egbodo Ọmoogh-we phọ.

Bụo aHibru 2:1

Ịdipho kụ ịdi ẹkpe bọ ni dị yira kọkuami ọpam igey phọ yira mọnaghan bọ ọkananaam, ọbo yira kọkororo ghan bọ omeel.

Rut 2:23

Kụ iḍighi kụ aRut aḍighi ghan rꞌạbidi tụtu ibugha ịbiakpa phọ rꞌịbiakpa abali phọ emuneen. Kụ ọdi ạrolan ghan ni rꞌonhiin olhom mọ ọdi.