Dutoronomi 16:6 - Ạḍinya Iigbia

⁶ Esi phọ ịsiphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi, ịpa kụ esi phọ nyina kẹpighironaan ghan bọ rịkia ẹyaal ọphel otene phọ anyina dulhe. Mem dị ẹnam-aḍio remeel ighool, pọ kụ amem mọ nyina ẹḍua bọ ẹpe ade phọ Ijipt.

Dutoronomi 16:6 Iomraidhean Croise

Ẹḍua 20:24

Ịkananaan ịmi enmeny ọogha kụ ạnyu ịsiphe phọ ẹze iyool-ịga, rụtu-ịga anyina, rꞌạsinam anyina, ẹphighironom ghan ẹkia ạnian rꞌẹkia ẹboroph. Tọrobo esi lọ mị amitiom aseere mọ iiseeny ghan ịmi, mị katu ni ịngo inyina ḍịseph.

Igbiighi 9:11

Omuneniom ḍioph rꞌinya aḍio ụnwanyu phọ ọpo dulhe, bịdi ooko ni. Bịdi ole ni ạbred lọ yist ụ́logh rꞌịikiripha lọ rekiḍim.

Igbiighi 9:3

Ḍioph rꞌinya aḍughul-otu ụnwanyu phọ ọphon, mem adulhe, ịtuugh ghan mem mọ ạmuphe ọma bọ ẹdaph oomo eḍighinom ạraraar phọ ịpe ọdi. Oomo ịpe roḍighi ghan bọ kụ ịdi nyina keḍighi ghan.”

Matiu 26:20

Mekpereghian, kụ ạJizos ạtol ude ralian eḍien rꞌiḍioph rꞌịyal ạbumatuan phọ kụ ạḅem mọ,

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 16:5

“Kẹ́pighironaan ghan ẹkia ẹyaal ọphel otene phọ ẹpe ạramha phọ ịpe Ọmoogh-we Ẹnaan phọ anyina rịngo bọ inyina.

Bụo aHibru 9:26

Mọ ịduon, ọbo ọdi mạmiinom ịbadi amem, emiigh kꞌamem mọ ọlhem bọ aḅirini phọ. Ọdi mamite ghụn mem bịn ḅeer ạmadan sịen aḅirini phọ rasi bọ eekuna phọ, ọsighe aloor phọ ọdi ọphighironom ẹkia ophiemiom ịkaraph.