Dutoronomi 16:3 - Ạḍinya Iigbia

³ Ị́ḅaram ghan ạbred lọ awila kụ ele, ile ghan ạbred lọ úbilha oḍual aḍughul-otu, ạbred ịminimiin, ịdi eḍighi bọ nyina ịḍua ẹpe ade phọ Ijipt rꞌephirighan. Kụ iḍighi, ịitughian ghan ḍio phọ nyina ẹḍua bọ ẹpe ade phọ Ijipt oomo asuḍughul-otu aghuḍum mọ anyina.

Dutoronomi 16:3 Iomraidhean Croise

1 Ạbudaam 22:27

Kụ ẹḅeni mọ ọdaam mọ ạḅem ịduon mọ ịsighe mạar phọ ẹphen ẹlhogh ikoli, ẹngo ghan nyọdi eḍien ịminimiin rꞌạmuum ịminimiin tụtu mị arigheel rꞌẹepho.”

Ạsuor 102:9

Loor ophin ologhi rꞌọghagh ologhi phọ ạna, ọoru kụ eḍien ạmi, ḅịle izin kụ amiim ạmi. Nạ ụkpaph ịmi aphoophe kụ aroph.

Ạsuor 111:4

Ọmoogh-we phọ ómeera yira owula iiḍighi ịiḍaany phọ ọdi; ọdi oye iiḅi rꞌọnma ighirigiir.

Ạsuor 127:2

Oḍighi oboom oḍighi ọwa ghan ịyaar olhe oopho ni bịn, oḅetenu ghan eḅon ạḍiroor kụ ọmina ghan ogbo aḍughul. Loor esi dị Ọmoogh-we phọ kụ rạngo ghan ịlo bụphe ọdi ạphomoghian bọ rọwa mem dị bịdi rọnaani.

Ẹḍua 12:11

Ile elhom elhom. Ịkparamian rukpe anyina, edoghoḍian rokoro ruwol anyina, ẹpham ịkpara phọ anyina ḍịghaagh ẹnyia ọghi erelhe. Ẹphen phọ ẹyaal ọphel otene ọngo ạmi Ọmoogh-we phọ rughuenian.

Ẹḍua 12:17

Ịpamanam olhe ẹyaal ạbred dị yist ụ́logh, ịdi eḍighi bọ aḍio phọ ạḍiphe phọ kụ ẹdi mị ịsighe bọ inyina sịphe ade phọ Ijipt ạḍuanam. Esi ịduon phọ iiko ghan ḍio phọ ạḍiphe oomo oghiil phọ anyina, eḍighi eḍighinom ịyaar esi anyina kꞌagee-pọ.

Ẹḍua 12:39

Kụ bịdi ọgbaghaḍi iiḅoghoḍi ạbred phọ yist ụ́logh bọ ịdi eḍighi bọ uphorogh bịdi mọ ọḍua Ijipt ekperenom. Bịdi ụḍua rꞌephirighan, úukoroghian rạraar olhe.

Ẹḍua 12:8

Ḍughul phọ ạḍiphe ịpophoghi ni ịnam mọ kụ elhiom ịikiripha eghiḍim, rꞌạbred dị yist ụ́logh.

Ẹḍua 34:18

“Kooko ghan ẹyaal ạbred dị yist ụ́logh. Mem ụnwanyu Abib esi oḍual aḍughul-otu nạ kale ghan ạbred dị yist ụ́logh ịdipho mị ạḅeni bọ nyịna, ịdi eḍighi bọ ụnwanyu phọ ọpo phọ kụ ẹdi nạ ạḍua bọ ẹpe Ijipt amite.

Azaya 52:12

Mem mọ ạmuen nyina kẹ́ḍuanam rꞌephirighan; nyina kẹ́wa reten osuma. Ọmoogh-we Ẹnaan phọ anyina kiḍiemiom ni inyina kụ ạmaar iiko inyina ọman rꞌighisigh.

Lịvitikos 23:6

Emiigh kꞌaḍioph rꞌoogh aḍughul-otu ọḅel phọ ụnwanyu phọ kụ ẹdi nyina kéle ghan brẹd dị ologh yist oḍual aḍughul-otu. Ẹphen kụ ẹyaal ạbred dị yist ụ́logh.

Zẹkaraya 12:10

“Mị kamuzeḍi ni uwaloor ọnma ighirigiir rꞌuwaloor ịiḅereghi siloor ẹemara ẹemara phọ aDevid ḅịle rꞌạbueri phọ awe phọ aJeruselem. Bịdi kopogh ni nyọpo bịdi ọsighe bọ ọsoph phọ oroph oghiigh, kụ bịdi omoghinaan nyọdi ịdipho awe lọ romoghi ogina ọony. Bịdi komoghi ni iboom, ịdipho awe lọ ọkpana ọony ạbidi amugh.

Igbiighi 28:17

Ḍioph rꞌoogh aḍughul-otu ọḅel ụnwanyu ạlha phọ aḍio ẹyaal. Esi oḍual aḍughul-otu kụ ẹdi nyina kele ghan brẹd dị yist ụ́logh.

Igbiighi 9:11

Omuneniom ḍioph rꞌinya aḍio ụnwanyu phọ ọpo dulhe, bịdi ooko ni. Bịdi ole ni ạbred lọ yist ụ́logh rꞌịikiripha lọ rekiḍim.

Elegh aLuk 22:19

Kụ ọdi ạḅile ạsighe ạbred kụ rọngo ḍịseph Ẹnaan, kụ ạparion, kụ ạngo bịdi kụ ạḅeni mọ, “Ọphon kụ aḍizu phọ ạmi [mị aghol bọ ẹmhu phọ anyina kụ rạngo. Iḍighi ghan ịduon ịlo ọotughianam ạmi.”

1 Bụo ạKorint 5:8

Itu ghan nụun olhe ẹyaal phọ. Kúliom ogbaany ayist ịghughian rꞌịkaraph phọ, oliom ghan omoom ạbred igey dị iguegue ụ́ḅaram, nyọpo yist ụ́logh bọ!

Dutoronomi 16:2

Ịki pạ phọ Ọmoogh-we phọ ạsaḅar bọ aseenaan ḍien phọ ọdi, ẹsighe oyool-ọga mꞌạnam, ẹphighironaan ghan ẹkia ẹyaal ọphel otene phọ ẹngo Ọmoogh-we Ẹnaan phọ anyina.

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

1 Bụo ạTesalonika 1:6

Nyina ịtuughaany ni iyoor rꞌỌmoogh-we phọ. Ghạlamo ịdipho nyina ẹmiinom bọ ni iboom, nyina ịsighe ni dom mọ rꞌọḅaal ologhi phọ ọpo ạḍua bọ esi Uwaloor Iigbia phọ kụ aru.

Josua 4:7

Kụ ẹphagharanaan ghan ẹḅeni bịdi mọ ạmuum mọ ạJodan asophaan ni egbodo Igbe Ịyo phọ Ọmoogh-we phọ, mem dị Igbe Ịyo phọ ẹḅeeny Jọdan ephun. Kụ ọsighe ghan sighiigh phọ ịphen ọotughianam ghan kꞌagee-pọ ịpe emitenaan bọ we phọ Ịzirel sịphe phọ.”