21 “Kẹ́meremi ghan igbudu Asera, um-ạke phọ, etumeniom enmeny ạrikia Ọmoogh-we Ẹnaan phọ anyina nyẹpe nyina kẹkan bọ.
Ọmoogh-we phọ kaporogh Ịzirel akilom ịdipho ikpu lọ edi ọphiiny. Ọdi katuphuron Ịzirel ạsighe sịphe aḍiiḅi ade phọ ḍịphe ọdi ạngo bọ bụrude phọ ạbidi, kụ ạawalami ẹpe ẹḅeenyom ọphiiny phọ aYufratis, ịdi eḍighi bọ igbudu um-ạke Asera phọ bịdi oḅol bọ rẹkagh ni ologhi Ọmoogh-we phọ.
Kụ Ehab ạkananaan igbudu um-ạke Asera kụ ạḅile aḍighi yogh ipeel dị ẹghagh ologhi Ọmoogh-we Ẹnaan phọ Ịzirel ịdi epu ịpe ạbuḅel ạbudaam mọ Ịzirel.
Kụ bịdi ọwile oomo iilogh Ọmoogh-we Ẹnaan phọ ạbidi. Ọḅologh ịyal igbudu ịbam ilephiri ạsinam, ọsighe oḍighi ẹmugh ạbidi, ọḅol igbudu ọoḅereghi ghan um-ạke Asera rꞌoomo ọdo kịrokiro ạraanaan ọḅile ooseeny Baal.
Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ, adoghoḍinaan Baal renmeny ạrikia, ạḅologh igbudu um-ạke Asera ịdipho Ehab ọdaam mọ Ịzirel ạḅologh bọ kụ ạaḅereghi ghan oomo ọdo kịrokiro ạraanaan, aaseeny ghan bịdi.
Kụ ọdi aseere igbudu um-ạke Asera ạsighe ạmeremi sịphe Otu Ịiḅereghi phọ, esi phọ Ọmoogh-we phọ ẹḅeni bọ Devid rꞌạSolomon ọony phọ ọdi mọ, “Sịen Jeruselem, sịen Otu Ịiḅereghi phọ ọphon, kụ esi dị mị mạsaḅar ạsighe sịphe oomo arughunughun phọ Ịzirel, esi dị kuuseeny ghan ịmi.
Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ. Ọdi aḍighinaan renmeny ooseeny ghan aBaal, ạḅologh igbudu um-ạke Asera, kụ aaseeny rạanaan phọ.
Lereghi renmeny ạrikia phọ ạbidi, aḅomoghi ịkaaghineen ạrumugh phọ ạbidi, kạ́meremi ghan igbudu Asera, um-ạke phọ ạbidi.
“Ị́kaaghi ghan rụmugh eseerian siloor, íbologh ghan igbudu, ígimogh ghan sịghom ạrana ọoḅereghi sịphe ade phọ anyina, ịdi eḍighi bọ mị kụ Ọmoogh-we Ẹnaan phọ anyina.
Ịduon kụ ịdi nyina keḍighi bịdi. Inyuughi oomo phọ arenmeny ạrikia phọ ạbidi elereghi, enyuughi sịghom mọ ạbidi elereghi, eḅomoghi oomo igbudu um-ạke Asera, ẹsighe nịan eguom,
Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.