Dutoronomi 16:10 - Ạḍinya Iigbia

¹⁰ kụ eeko ghan ẹyaal ariiḍio phọ Ọmoogh-we Ẹnaan phọ anyina, ẹḅaram ghan rꞌạrikia ịyaar aghuḍum ophooph ologhi phọ ịpe ẹḍua bọ rạghaagh anyina kụ emite kụ ịdi nyina kẹngo, ịpe Ọmoogh-we Ẹnaan phọ anyina ịseph inyina.

Dutoronomi 16:10 Iomraidhean Croise

1 Krọnikuls 29:14

“Ghạlamo rꞌịduon phọ, awe ạmi rꞌạmi kótue ọkaraghi ọngo nyịna ịyaar loor esi dị oomo ạraraar aruunmo kꞌạna, yoor moḅulemi ịpe eḍighi bọ ni ịlo ạna.

2 Krọnikuls 31:14

AKore ọony Imna, ọnyo aLivait dị aḍighi ogbogh okoriom Ọnhu-Aḍibuo ạga emitenom erumuḍio phọ sịphe Otu Ịiḅereghi phọ, kụ ạanyi ghan ạḅile adiighi ruunmo phọ ọngo bọ Ọmoogh-we phọ.

Ẹḍua 35:29

Oomo awe phọ Ịzirel lọ ẹḅeeraan ụsighe ni inmo oruom Ọmoogh-we phọ esi oḍighi phọ ọdi ạto bọ ạngo Mozis mọ oḍighi phọ.

Asidogh 10:22

Ạḍiseph Ọmoogh-we phọ kụ ẹdi rẹngo ghan oye ẹelha; iboom arukumuan kéḍume nyịna iboom.

Joel 2:14

Iini Ọmoogh-we Ẹnaan phọ anyina kanme ni ologhi ọdi kụ ịsephom inyina rꞌiimuma dị ẹmanam. Kụ nyina egbi ọngo ọdi ịbiakpa rꞌamiim.

Lịvitikos 12:8

“Kụ eru mạar dị ạnir phọ kátue ạmoogh oyool-ọga, pọ ọdi ạsighe ghan ịyal aruukumude mụghumo ịyal ịgaami arukurughozo; oniin ọlo ẹkia oguom ạnian, ọphori phọ ọlo ọphighoronom ẹkia ịkaraph. Kụ oyil ạrikia phọ awoph nyọdi aselemi nyọdi dị ạḅaal.”

Lịvitikos 23:15

“Aḍio ophooghian phọ reten rẹḅaal, emiigh ḍio phọ ạḍiphe nyina ẹsighe bọ ḍịgba ịbiakpa ẹghi ẹphighironaan, egbi emuneni ariiḍio.

Lịvitikos 25:26

Eru mạar dị oye phọ ụ́moogh siya dị kọtagharan, kụ ẹḅile ẹnighenom nyọdi kụ ạmoogh ikpoki, pọ ạghi ạtagharan ruphua phọ ọdi.

Lịvitikos 5:7

Kụ eru mạar dị ụ́moogh iyool mꞌạtu-ọga, pọ ọdi ạsighe ịyal aruukumude mꞌịyal arukuru-ghọzo aruom Ọmoogh-we phọ loor ịkaraph phọ ọdi. Ọsighe nyoniin oselemiom loor ọdi, nyọori phọ oḍighinom ịyaar aghuḍum oguom ạnian.

Igbiighi 28:26

“Kẹn, ḍio phọ ạḍiphe ịḅel iimuma phọ nyina kẹsighe bọ imoom iimuma phọ ẹsighe etu ọphighironom ẹkia ịbiakpa phọ ọngo Ọmoogh-we phọ riiḍio ẹyaal phọ anyina, ịmoogh ookpomoghan ooseeny, kékumuan ghan rukumuan.

Igbiighi 31:28

Ịgbatan sịphe abin ạbuo ẹgham mọ osogh ọlo Ọmoogh-we phọ. Bụphe ọghi bọ ẹgham mọ bin kụ kosogh, oniin esi oogh okuron: we, sịnam, ịnam adool, iyool-ịga rꞌạrutu-ịga phọ.

1 Bụo ạKorint 16:2

Tọrobo aḍio ạSondi, oye ye ạtuugh ghan bin dị ạkasian ḍigbo phọ ọdi ạsighe aseere, bịn mị aru asi ogburugburu ịlo osogh kạ́tol!

2 Bụo ạKorint 8:10

Bin ologhi ạmi, mẹkasian dị nyina kẹmadan ịpe nyina emiigh bọ nana phọ ạḍiphe eten bọ. Nyina kụ ạbuḅel dị emiigh bọ ẹḅile eseere ologhi oḍighi ịphen phọ.

2 Bụo ạKorint 8:12

Nyina ephiighaam ni ọngo ghan phọ, Ẹnaan kepogh ni ịdipho ạḍighaagh phọ anyina ẹman bọ, kị́lo nyina ị́moogh, kụ ẹsighe inmo phọ anyina.

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 16:9

“Igbi ghan oḍual ariiḍio ẹphamanam. Imiigh ạal ghan oḍual ariiḍio phọ kꞌaḍio phọ ạḍiphe arepeke resoor bọ ude,