Dutoronomi 16:1 - Ạḍinya Iigbia

¹ “Ịpamanam ụnwanyu Abib ekori ghan elianaan Ọmoogh-we Ẹnaan phọ anyina ẹyaal ọphel otene phọ, ịdi eḍighi bọ ụnwanyu Abib kụ ẹdi Ọmoogh-we Ẹnaan phọ anyina ịsighe bọ inyina ḍughul ạḍuanam ẹpe Ijipt.

Dutoronomi 16:1 Iomraidhean Croise

Ẹḍua 12:51

Ọkaraghi aḍio phọ ạḍiphe kụ ạḍidi Ọmoogh-we phọ ạsighe bọ we phọ Ịzirel amitiom sịphe ade phọ Ijipt.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 13:4

Aḍio phọ arodon ụnwanyu phọ ọphon, ọḅel ụnwanyu phọ Abib, kụ ẹdi nyina rẹḍua kemite Ijipt.

Ẹḍua 23:14

“Ile ghan ịraar ọdo ẹyaal ḍiniin ạlha ighueniom ịmi.

Ẹḍua 23:15

Ụnwanyu Abib, ụnwanyu phọ ọpo nyina ẹḍua bọ Ijipt emite, ile ghan Ẹyaal ạbred phọ yist ụ́logh bọ ịdipho mị ạto bọ ịngo inyina. Kéle ghan ạbred lọ ọlogh yist oḍual phọ aḍio phọ ẹyaal phọ kẹtol bọ. Kẹ́ḅaph ghan ọgbo bịn etu ọoḅereghi ạmi.

Ẹḍua 34:18

“Kooko ghan ẹyaal ạbred dị yist ụ́logh. Mem ụnwanyu Abib esi oḍual aḍughul-otu nạ kale ghan ạbred dị yist ụ́logh ịdipho mị ạḅeni bọ nyịna, ịdi eḍighi bọ ụnwanyu phọ ọpo phọ kụ ẹdi nạ ạḍua bọ ẹpe Ijipt amite.

Lịvitikos 23:5

“Ọḅel ụnwanyu ạlha phọ, ḍioph rꞌinya aḍughul-otu dulhe, ḍio phọ ạḍiphe, pọ aḍio ẹyaal ọphel otene phọ.

Igbiighi 28:16

“Ẹyaal ọphel otene oghueniom Ọmoogh-we phọ kẹtol ghan ḍioph rꞌinya aḍughul-otu ọḅel ụnwanyu ạlha phọ.

Elegh aLuk 2:41

Tọrobo ạlha, ọde rꞌonhiin phọ ạJizos ụghi ghan ni Jeruselem olhe ẹyaal ọphel otene phọ.

Elegh ạJon 2:13

Mẹkar rẹkpul olhe ẹyaal ọphel otene phọ, kụ ạJizos ạghi Jeruselem,

Elegh ạJon 5:1

Ịphen phọ reten, kụ ẹteeny ẹyaal ạbuo aJu phọ, kụ ạJizos ạghi Jeruselem.

Elegh ạJon 6:4

Mẹkar rẹkpul olhe ẹyaal ạbuo aJu phọ dị oghol mọ ẹyaal ọphel otene.

Dutoronomi 16:2

Ịki pạ phọ Ọmoogh-we phọ ạsaḅar bọ aseenaan ḍien phọ ọdi, ẹsighe oyool-ọga mꞌạnam, ẹphighironaan ghan ẹkia ẹyaal ọphel otene phọ ẹngo Ọmoogh-we Ẹnaan phọ anyina.