Dutoronomi 15:9 - Ạḍinya Iigbia

⁹ Igona siloor anyina. Kẹ́moogh ẹḍim ologhi, ị́ḅem ghan mọ oḍual phọ ạsia phọ ạlha ọsar ọwilenaan phọ rẹebeeph, bịn ạwiliom riḍien uwekulom umor phọ ạna, bịn nyọdi ịyaar nạ ọ́ngo mun, kụ ọdi ạmagh Ọmoogh-we phọ asueniom nyịna, kụ eḍighi ịkaraph esi ạna.

Dutoronomi 15:9 Iomraidhean Croise

Job 34:28

Bịdi ọkpaariom rukulom mọ omoghi ọmagh Ẹnaan, kụ ọdi ạnaghan ni ḍịmagh ọloghonaan ạḍighaagh phọ ạbidi.

Ạsuor 101:3

kụ kámeeraam ịkaraph. Mị akel iiḍighi ạbuphe ọgbol bọ esi Ẹnaan. Mị kạ́moogh ịyaar oḍighinom ạbidi.

Ạsuor 12:5

Kụ Ọmoogh-we phọ ạḅem, “Mị katu loor esi ịgbiphoghom ạbuo arukulom mọ rꞌịḅiphighu ạbuphe ekuom bọ. Mị kạtagharan bịdi ịdipho bịdi rokori ghan bọ.”

Ạsuor 9:12

Ọdi rạliom ghan weye lọ oḍighi ịkaraph bụnon, ọdi rạatughian ghan bụphe rọmiinom bọ, ówula emoghi phọ ạbidi.

Ẹḍua 22:22

Kẹ́miine ekpukele ạnir ḅịle rꞌọnyigo ọony.

Ẹḍua 22:23

Eḍighi ịyaar lọ oye ạmiine, mị Ọmoogh-we phọ kạnaghan ni mem lọ bịdi umoghiom ịmi ọloghonaan ạḍighaagh.

Ẹḍua 3:7

Kụ Ọmoogh-we phọ ạḅeni nyọdi mọ, “Mị mạkaraghi ạmiin ịminimiin awe phọ ạmi odi bọ ẹpe Ijipt. Mị mạnaghan emoghi phọ ạbidi esi ịpe awe phọ rọmiine bọ bịdi. Mị alegheri ni ịminimiin phọ ạbidi,

Asidogh 14:21

Nạ ạwa ọmoogh ọḅaal ologhi, pọ ḍighi ghan iiḅi we lọ ẹkparam; eḍighi ni ọpioman ọḅitonaan ọnyo ạbidi.

Asidogh 21:13

Eḍighi ịyaar dị nạ úmeera ọnaghanan emoghi arukulom, nạ amoghi ọloghonaan ạḍighaagh oye kạ́naghan.

Asidogh 23:6

Kạ́lian eḍien uwo ịkaraph mụghumo ọmoogh eboom ekpooko olhe ịma eḍien phọ ọdi ạḅam bọ.

Asidogh 24:9

Oomo igbiighi dị uwelologhi ạmoogh, pọ ịkaraph. Awe okel oye dị ịnon rạ́atughian, emuton ọmilogh ạbunon awe.

Asidogh 28:22

Awe eeph ịkaraph roogborion ghan ọmoogh ikpoki dị bịdi kóloghoma mem dị ekulom kẹteeny.

Asidogh 4:23

Gona loor ịpe nạ rạatughian bọ; ịitughian ạna kụ keelemi ghuḍum ạna.

Jerimaya 17:10

Mị Ọmoogh-we phọ kụ rạwaaghi ghan ịitughian phọ kạḅile aphogh iloghi phọ awe. Mị raḍighi ghan kạngo oye ọdaphan dọl phọ ọdi rꞌịpe ọdi raḍighi bọ.”

Jerimaya 34:14

tọrobo amem dị ẹman oḍual ạsia bịdi koseere ghan dọl ẹereegh tọrobo ẹbene ọnyo aHibru dị maḍighinaan rꞌạbidi odiiny ạsia, kụ ạburude ạburude anyina úler rụru ụ́naghanan ịmi ḅịle mꞌọnaghan ịlo mị ạḅem.

Matiu 15:19

Ịsiphe ologhi oye phọ kụ ẹdi ịkaraph ịitughian ẹḍua ghan bọ remite. Ọko enu, olhe ẹmha, olhe ẹmha ạregelenya, imi, ịkaraph ạsiagba, ọopu —

Matiu 20:15

Nạ kámeera mọ mị ulhiom ikpoki phọ ạmi ịlo ịḅeeraan ịmi ḍụghum? Rẹkagh ni ologhi ạna, mọ mị ogey oye ḍụghum?’

Dutoronomi 15:1

“Kụ rẹman oḍual ạsia nyina kẹbilenaan ghan.

Dutoronomi 24:15

Remunughan ḍio phọ ạḍiphe rọkpe ghan bọ nyọdi ikpoki phọ, bịn ạkpe nyọdi ikpoki phọ ọdi; kákori tụtu ẹnam-aḍio emeel ighool, loor esi dị ọdi uwekulom dị aseere ologhi ọdi sịphe, ọbo ọdi kaghol ghan bọ nyịna amoghi asueniom Ọmoogh-we phọ; bịn eḍighi nyịna ịkaraph.

Dutoronomi 31:10

Kụ aMozis ạlogh ologh ạngo bịdi mọ, “Tọrobo amem lọ oḍual phọ ạsia phọ memunughan, eekuna ạlha ọsar ọwilenaan ịmugh phọ, mem mọ ạmuphe ogu bọ, mem mọ oomo phọ anyina Ịzirel ẹki ghan emite egbodo Ọmoogh-we Ẹnaan phọ anyina rele ghan bọ ẹyaal arubughotu phọ, sịphe esi phọ ẹpe Ọmoogh-we phọ ạsaḅar bọ, ịbal ghan ologh phọ ọphon ẹḅeni oomo Ịzirel bịdi ọnaghan.

Jems 4:17

Ilegheri mọ oye lọ alegheri ịpe ẹkpe bọ oḍighi phọ kụ úḍighi, pọ mạpioghom sịpioghom.

Jems 4:5

Kégbiom ghan ologhi mọ ịpe ạḍinya iigbia phọ ẹghaaph bọ ị́man mạar mọ, “Uwaloor Iigbia phọ ọpo Ẹnaan ẹlhogh bọ loor ayira ọ́wa rọwa mọ ẹnon ịyaar rꞌọno oopikian.”

Jems 5:4

Nyina kẹ̋kpeeghi ikpoki ạbuo iiḍighi iizo phọ anyina. Ịnun phọ ạbidi, nyina kẹ̋naghanan. Kụ emoghi ạbuo ibugha phọ meḍigh reḅeri Ẹnaan oomo ịikpo, Ọmoogh-we phọ.

Jems 5:9

Bụo asiya, oniin nyoniin kúgumom ghan, ọbo Ẹnaan kisophonaan ghan bọ inyina ọoruen. Oogboom ịiruen phọ mạkpulan rạnya ghan ọrolom ạgada phọ ọdi.

1 Pita 4:9

Oniin ạlogh ghan nyoniin otu, kụ kúgum ghan!