Dutoronomi 15:7 - Ạḍinya Iigbia

⁷ “Eru mạar dị oniin umor ạna aḍighi uwekulom sịphe eniin ẹmha phọ anyina sịphe ade phọ Ọmoogh-we Ẹnaan phọ anyina rịngo bọ inyina, kạ́mooghom nyọdi ọkaraph ologhi; ụ́kul ghan ḍịghaagh ạna esi uwekulom umor phọ ạna.

Dutoronomi 15:7 Iomraidhean Croise

Nehemaya 5:1

Esi ekulha amem kụ ọoloogh awe aJu, nmạriir rꞌalephiri, omiigh ọghaaph ghan ịdi opol awe aJu phọ rọmiine bịdi.

Esta 9:19

Ịphen kụ iḍighi bọ ịyaar phọ ạbuo aJu bụphe orugh bọ ologhi ịbam ạramha phọ rooko ghan bọ ḍio phọ emuneniom bọ ḍiophdi rꞌinya ụnwanyu phọ Adar ịdipho aḍio iboh rꞌophooghian, aḍio amalhe rꞌọngooghi ghan inmo ariiḍien oniin atum nyoniin.

Esta 9:22

Ịphen asiḍughul-otu phọ dị ạbuo aJu phọ ọphela bọ siloor ạbidi esi ạbumulogh-ḍien ạbidi; ọphon phọ ụnwanyu dị mokiton esi amem ọto rꞌamukum ologhi oḍighi esi amem iboh rꞌọḅaal ologhi. Ụḅeni bịdi ooko ariiḍio phọ ịphen rꞌamalhe rꞌarookpomoghan ọḅoph ọnhu, ọngooghi ghan inmo ariiḍien oniin atum nyoniin rꞌarukulom mọ.

Ẹḍua 22:25

“Eru mạar dị nạ ạale ikpoki tọro oye ạmi lọ ụ́moogh, káḍighi mụdi oye-ịboole bịn ạḅeni mọ ạlogh ọḅar.

Asidogh 19:17

Mem dị nạ ạngo rukulom mọ, ẹtol mụdi nạ atene ọmugh Ọmoogh-we phọ, kụ Ọmoogh-we phọ kụ kạkpe nyịna.

Asidogh 21:13

Eḍighi ịyaar dị nạ úmeera ọnaghanan emoghi arukulom, nạ amoghi ọloghonaan ạḍighaagh oye kạ́naghan.

Azaya 58:10

eḍighi ịyaar lọ nạ ạngo eḍien oye lọ ọkoony rasiph kụ akiton aphogh bụphe ẹkparam bọ, bịn ufiri phọ akoom bọ nyịna katen ḍịḅaal ogbo ootaany.

Lịvitikos 25:35

“Eru mạar dị umor ạna ameel ekulom dị kátue ạpama loor ọdi, pọ nạ sịghe nyọdi arughom, ịdipho ooruen.

Matiu 18:30

Kụ ọdi ómeera, kụ ạsighe nyọdi ạlogh ikoli, mọ tụtu ọdi ạkpe ọmugh phọ ạmadan.

Matiu 5:42

Oye aru kụ ạlom nyịna ịyaar, pọ ngạani ni nyọdi. Oye lọ aru kꞌạna ạboole, pọ bọole ni nyọdi.”

Dutoronomi 15:11

Ekulom kémuneen sịphe ade phọ kụ iḍighi kụ mị ạlogh bọ ologh phọ ọphon rịngo inyina: ḅạrion rạghaagh ạna esi umor phọ ạna ọpo ụ́moogh bọ rꞌesi uwekulom mọ ọpo odi bọ sịphe ade phọ.

Dutoronomi 15:9

Igona siloor anyina. Kẹ́moogh ẹḍim ologhi, ị́ḅem ghan mọ oḍual phọ ạsia phọ ạlha ọsar ọwilenaan phọ rẹebeeph, bịn ạwiliom riḍien uwekulom umor phọ ạna, bịn nyọdi ịyaar nạ ọ́ngo mun, kụ ọdi ạmagh Ọmoogh-we phọ asueniom nyịna, kụ eḍighi ịkaraph esi ạna.

Dutoronomi 24:14

“Kạ́kpiloghom ghan uwekulom oye lọ nạ aphir oḍighinaan ạna oḍighi, mọ ọdi umor ạna mꞌooruen lọ odi sịphe ade phọ ạna, sịphe ạramha phọ anyina.