Dutoronomi 15:23 - Ạḍinya Iigbia

²³ Kụ ọlo ị́ḅaram ghan ịḅaal phọ kụ ạa ghan. Ịsighe ghan ịḅaal phọ eeku ghan sịphe ade phọ ịdipho ạmuum.

Dutoronomi 15:23 Iomraidhean Croise

Dutoronomi 12:16

Kẹ́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.

Dutoronomi 12:23

Kụ ọlo imiigha loor, ị́baam ghan ịḅaal phọ, ịdi eḍighi bọ ịḅaal kụ aghuḍum. Kụ iḍighi, ị́ḅaram ghan ghuḍum ịnam mọ kụ ạa.

Lịvitikos 7:26

Kẹn, ị́ba ghan ịḅaal, mꞌịlo ịnun mꞌịlo ẹnam, sịphe asimarugh phọ anyina.

Izikiel 33:25

“Ḅẹni bịdi ịpe mị Ọmoogh-we dị ạmoogh oomo ịikpo phọ rạḅem bọ: nyina ạa ephulupul ẹnam rꞌịḅaal dị edimom. Nyina eeseeny ịkaaghineen ạrumugh. Nyina ẹko enu. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

1 Sạmuel 14:32

kụ iḍighi kụ bịdi oogborion ọsighe rạraar phọ bịdi ạanyi bọ ẹpomoghian phọ; bịdi ọsighe iyool-ịga rꞌạsinam, ọze bịn ạanyi ịnam mọ mem dị ịḅaal phọ ke̋mite ẹman.

Iiḍighi 15:20

Ọge ghụn ḍịnya ọghiom mọ bịdi ọgbatanaan ịipuan ạraraar lọ mọkoom ịko ọngo ruru mọ ạregelenya ạnmariir rꞌalephiri ẹmha kúle ghan, mọ kụ́ba ghan ịlo ọphur orum kụ oghiigh, rꞌịlo emughom ịḅaal.

Emiighom 9:4

Eniin ịyaar dị nyina kẹ́ba, ẹnam dị emughom ịḅaal, mị agbi ni loor esi dị ịḅaal phọ kụ aghuḍum mọ.

Lịvitikos 17:10

“Tọrobo ọnyo Ịzirel rꞌooruen lọ rꞌanyina erughan kụ ạa ẹnam rꞌịḅaal dị edimom, pọ mị kakananaam ni apogh oye phọ ạa bọ ịḅaal phọ. Mị katoph ni nyọdi ogbeph, ạgbatan nyọdi ạsighe esi awe phọ ọdi.

Lịvitikos 19:26

“Ị́ba ghan tọrobo ẹnam dị emughom ịḅaal. Ị́tuugha ghan ọmiin ịmiin, ḅịle kẹn, ị́gbe ghan ghạma.

1 Sạmuel 14:33

Kụ ọghaaph ọḅeni Sọl mọ, “Mịin, awe phọ roḍighi ịkaraph risigh Ọmoogh-we phọ. Bịdi ọḅar ịnam rꞌịḅaal.” Kụ ạSol ạlho mọ, “Nyina mẹpioman. Iikilemi ḍiboom aḍighiigh iruom ịmi rodon.”

Dutoronomi 12:15

“Ịlo eḍighi eḍighi nyina kẹze ghan ni ịnam ẹba sịphe ạramha phọ anyina oomo ịpe rịphu bọ inyina, ịdipho nyina kẹba bọ ni ọnuen rꞌezoogh, oomo ịpe rịphu bọ inyina. Ọdaph ịpe Ọmoogh-we Ẹnaan phọ anyina ịngo bọ inyina, bụlo ọḅaal rꞌạbulo ụ́ḅaal, olhe ni.

Dutoronomi 12:24

Ị́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.