Dutoronomi 15:11 - Ạḍinya Iigbia

¹¹ Ekulom kémuneen sịphe ade phọ kụ iḍighi kụ mị ạlogh bọ ologh phọ ọphon rịngo inyina: ḅạrion rạghaagh ạna esi umor phọ ạna ọpo ụ́moogh bọ rꞌesi uwekulom mọ ọpo odi bọ sịphe ade phọ.

Dutoronomi 15:11 Iomraidhean Croise

Ẹḍua 23:11

Kụ ọlo omuneniom oḍual ạlha phọ ịbile ade phọ ephooghian, ḅịle kébugha tọro ịyaar lọ esi pạ ade phọ. Arukulom ole aani ịpe esi bọ, ḅịle ilhom ịnam ele ịlo esugha. Iḍighi kẹn ni ịduon phọ iizo avain phọ rꞌiizo ọliv phọ anyina.

Asidogh 19:17

Mem dị nạ ạngo rukulom mọ, ẹtol mụdi nạ atene ọmugh Ọmoogh-we phọ, kụ Ọmoogh-we phọ kụ kạkpe nyịna.

Asidogh 22:2

Ọolha phọ rꞌuwekulom mọ ọḅophan eniin ịyaar; Ọmoogh-we phọ kụ ạlhem ịyal ạbidi.

Asidogh 31:20

Ọdi ạngo ẹlo ạmoogh rukulom mọ rꞌạbulo ạsidol ẹkparam.

Izikiel 18:7

Ọdi ránoma ghan mꞌomi ịyaar oye. Ọdi raḅulemi ghan ịpe oliom ọmugh ạngo bọ nyọdi ịlo oseenaan. Ọdi rạngo ghan eḍien bụlo ọkoony rasiph kụ kạngo iinmenan bụo ẹdaḅa phọ.

Matiu 26:11

Nyina rꞌarukulom mọ edianaan ghan ni oomo amem, kụ mị rꞌanyina kẹ́tolan oomo amem.

Matiu 5:42

Oye aru kụ ạlom nyịna ịyaar, pọ ngạani ni nyọdi. Oye lọ aru kꞌạna ạboole, pọ bọole ni nyọdi.”

Elegh ạMak 14:7

Nyina rꞌarukulom mọ edianaan ghan ni oomo amem, kụ mem lọ ologhi anyina aḍigh, nyina ketue ni eḍighi bịdi iiḅi, kụ mị rꞌanyina kẹ́tolan oomo amem.

Elegh aLuk 12:33

Ibologhi oomo ạraraar anyina ẹsighe ikpoki phọ ẹngo rukulom. Ịkologh rukuru ikpoki lọ kéḅu mun. Iseere ẹelha phọ anyina kꞌạke, ẹpe késoorom bọ, ọḅa kámi bọ, ḅịle kẹn ịphelepheel kégbo bọ.

Elegh ạJon 12:8

Nyina rꞌarukulom mọ edianaan ghan ni oomo amem, kụ mị rꞌanyina kẹ́tolan oomo amem.”

Iiḍighi 2:45

Kụ bịdi aalhaghi ghan rạraar rꞌaruphua ạbidi, kụ ọdaph ghan dọl ḍịo oye rꞌoye kụ odiighi ikpoki phọ.

Dutoronomi 15:7

“Eru mạar dị oniin umor ạna aḍighi uwekulom sịphe eniin ẹmha phọ anyina sịphe ade phọ Ọmoogh-we Ẹnaan phọ anyina rịngo bọ inyina, kạ́mooghom nyọdi ọkaraph ologhi; ụ́kul ghan ḍịghaagh ạna esi uwekulom umor phọ ạna.

Dutoronomi 15:8

Poghoghomi rạghaagh ạna esi ọdi, kụ ạngo ghan nyọdi ịlo kẹgbaanyan nyọdi ịpe rẹeḅaghami bọ nyọdi, tọrobo ịlo ẹrol.