Dutoronomi 15:10 - Ạḍinya Iigbia

¹⁰ Ngọom ghan nyọdi rꞌophooph ologhi, úgum ghan sịphe ologhi phọ ạna mem lọ nạ rạngo nyọdi; ịdi eḍighi bọ Ọmoogh-we Ẹnaan phọ anyina kạtuan ni ịphen nạ aḍighi bọ kụ ạseph oomo arukumuan phọ ạna rꞌoomo ịpe nạ ạpham bọ raḍighi.

Dutoronomi 15:10 Iomraidhean Croise

Asidogh 22:9

Nmo inmo kụ adian eḍien ạna rꞌarukulom. Nạ kạmoogh ni ḍịseph loor ịpe phọ.

Ọtughemia Phọ 11:1

Sịghe ikpoki ạna amuulom ḍighi rꞌịnon areelhe bịn eniin aḍio nạ kạmoogh ni sụo.

Azaya 32:8

Kụ oye eghuan raḍighi ghan ịdi eru igey kụ kạphamanam ịpe eḍighi bọ elhiom mọ.

Azaya 58:10

eḍighi ịyaar lọ nạ ạngo eḍien oye lọ ọkoony rasiph kụ akiton aphogh bụphe ẹkparam bọ, bịn ufiri phọ akoom bọ nyịna katen ḍịḅaal ogbo ootaany.

Matiu 25:40

Kụ uwo eelhe phọ kạpagharanaan bịdi mọ, ‘Ịdipho nyina eḍighi bọ ẹngo bụbam asiya phọ ạmi ạbuen, pọ nyina iḍighi aani ịngo ịmi.’

Iiḍighi 20:35

Mị miḍeenaan inyina ịbadi areten mọ ẹkpianaan ni okumuan ghan ọloghonaan ạḍighaagh bụphe ịnyaam mọ ílho bọ, rꞌọghiom ghan ologhi ikpo ọnhu Ọmoogh-we phọ ịdipho ọdi rꞌaloor ọdi ạḅem bọ mọ, ‘Iboh kꞌẸnaan edianaan bụphe rọngo bọ epu bụphe rọboor bọ.’”

Bụo aRom 12:8

Eḍighi ọghaaph ọkparamiom iloghi ạbunon, pọ ọghaaph ghan ni ọkparamiom! Eḍighi onmo inmo, pọ kụ́logh ghan ạaku! Eḍighi ịtooghi, pọ ọtooghiom ghan ni rꞌoomo ologhi! Eḍighi ọlogh ghan ạḍighaagh ọngo awe, pọ ọmiloghom ghan ni!

Dutoronomi 14:19

“Oomo ạraraar phọ ịpe ẹmoogh bọ raphaaph kụ rẹpepheghuan bọ ịdipho asuogh-aben, kẹ́ba ghan. Bịdi ụ́ḅaal.

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

Dutoronomi 15:18

Kị́kparanaan nyịna mem mọ nạ kạbile bọ nyọdi mọ agheel ạmoogha loor, ịdi eḍighi bọ arukumuan phọ ọdi akumu bọ nyịna esi odiiny ạsia phọ ẹman ịyal amem ịpe rọkpe ghan bọ oye lọ ophir oḍighinaan oḍighi, kụ Ọmoogh-we Ẹnaan phọ anyina kạseph ni nyịna esi oomo arukumuan phọ ạna.

Dutoronomi 15:4

“Omuton dị uwekulom sịphe kꞌanyina úlho, pọ Ọmoogh-we phọ mịseph inyina iboom sịphe ade phọ ạḍiphe Ọmoogh-we Ẹnaan phọ anyina rịngo bọ inyina bin ẹmoogh ẹlo anyina.

Dutoronomi 23:20

Kụ eru ooruen, pọ lọgh ni ọḅar. Kụ eru umor ạna, pọ kạ́logh ọḅar, ọbo Ọmoogh-we Ẹnaan phọ ạna ạseph nyịna sịphe oomo arukumuan phọ ạna, ẹpe ade phọ nyina rẹki bọ ọmoogh phọ.

Dutoronomi 24:19

“Mem lọ nyina reegbo ịbiakpa sịphe iizo phọ anyina kụ nạ awula ḍịgba ịbiakpa sịphe ozo phọ ạna úḅula ghan ụsighe, bịle dị ẹrolonaan ruuruen phọ, ịnyigo ạnmuny phọ rꞌarukpekele ạnmariir phọ, ọbo Ọmoogh-we Ẹnaan phọ anyina ạseph oomo arukumuan ạraghaagh phọ anyina.

Dutoronomi 28:8

“Ọmoogh-we phọ kạlogh ni ologh ạngo ḍịseph phọ ọdi inyina, rꞌoomo arukue phọ anyina, rꞌoomo arukumuan phọ anyina, kụ dị ịseph inyina ẹpe ade phọ Ọmoogh-we Ẹnaan phọ anyina ịngo bọ inyina.

Bụo aHibru 13:16

Kébulamaam ghan oḍighi iiḅi, ḅịle lọ oniin kạloghonaan ghan nyoniin ḍịghaagh, ịdi eḍighi bọ ịphen kụ ạrikia dị rẹḅaal ghan ologhi Ẹnaan.

1 Pita 4:11

Oye lọ ẹngo ọghaaph, alegheri mọ Ẹnaan kụ ịlogh ni nyịno ọghaaph ghan ikpo ọnhu phọ ọdi! Oye lọ ẹngo ọloghonaan ạḍighaagh bụnon, alegheri mọ ọno ạsighe ni ịnyaam mọ Ẹnaan kụ raḍighinom, pịdi esi oomo ạraraar oghol ghan Jịzos Kraist oboomi Ẹnaan! Igbogh phọ rꞌịikpo phọ ịlo ọdi ni kꞌagee-pọ kꞌagee-pọ! Ẹrol li ịdipho!