Dutoronomi 14:3 - Ạḍinya Iigbia

³ “Tọrobo ịyaar lọ eḍighi ḅạphanya, íle ghan.

Dutoronomi 14:3 Iomraidhean Croise

Emiighom 7:2

Kịa ạsighe oḍual ạtorotoro ọdo ẹnam dị eseleman, ẹya rꞌelephiri, ạḅile ạsighe ịyal ọdo ẹnam lọ íseleman, ẹya rꞌelephiri,

Azaya 65:4

Ḍughul bịdi ọghiighi ghan ropogh asighiigh rꞌiiḍi awe ọḅaanaan aruwaloor iḍim. Bịdi ạa ghan ẹnam ophoropo kụ ọmophoghi mooboph ịnam dị mọphinyonom rịkia aruru ạbidi.

Izikiel 4:14

Kụ mị ạphagharanaan mọ, “Kị́dipho, Ọmoogh-we dị ạmoogh oomo ịikpo. Mị kọ̋opu ghan loor ạmi. Emiigh kꞌẹghoroghor kụ ẹghi mị kạ́ang ghan ẹnam lọ ogina ọdi kụ emugh ḅịle mꞌẹlo ilhom ịnam kụ eghiigh. Mị kőlhe ghan tọro eḍien lọ ogbiighi mọ ị́ḅaal.”

Lịvitikos 11:2

mọ ọḅeni we phọ Ịzirel mọ, “Esi oomo phọ ịnam mọ edi bọ sịen aḅirini phọ, ịnam mọ ịphen kụ ịdi nyina kẹba ghan.

Lịvitikos 11:43

Ị́sighe ghan siloor phọ anyina íseere dọl dị ẹrol dịadi nyina ílegheri mọ oomo phọ ạraraar phọ ịpe retelhiom bọ ọkuruḅaka kụ rekuura bọ sịen ade phọ eḍighi ḅạphanya anyina. Kétuman bịdi ọbo nyina kẹepuan ghan bọ siloor anyina.

Lịvitikos 20:25

Kụ iḍighi, nyina ịlogh ọku ịnam mọ ịpe ẹḅaal bọ rꞌịpe ị́ḅaal bọ, rꞌịnun phọ ịpe ẹḅaal bọ rꞌịpe ị́ḅaal bọ. Ị́sighe ghan siloor anyina ẹ́kuom ḅạphanya. Ị́sighe ghan ruwaloor anyina eḍighi ḅạphanya ịnam rꞌịnun rꞌesi ạtorobo oomo ạraraar phọ rekuura bọ sịen ade phọ, ịpe mị mạlhogh bọ ọku esi ạbidi rꞌanyina.

Bụo aRom 14:14

Ịdipho mị mạḅophoghan bọ Jịzos Ọmoogh-we phọ, mị alegheri ni akuphom owol mọ rꞌịyaar iigbia ílho ghan. Eḍighi mạar dị oye ameeraam mọ ịyaar iigbia edi ghan ni, pọ ọdi bịn kụ ạsighe ni ologhi ọdi agbiighiom mọ ẹpe phọ ạḅaphanya ọno.

1 Bụo ạKorint 10:28

Kụ eḍighi ịyaar dị oye arophaan ọnhu mọ, “Ẹphen eḍien dị ọphighironom ẹkia ọngo ruru,” pọ ịtuan nyọdi ẹsighe ologhi ẹwilenom eḍien phọ.

Tạitos 1:15

Oomo ạraraar ẹserere ni ghisigh ạbuphe ọserere bọ. Ịyaar lọ rẹserere ghan esi ạbuphe mọopuan bọ rꞌạbuo emeeraam mọ ílho, ịdi eḍighi bọ iloghi phọ rꞌịitughian phọ ạbidi mẹepuan yogh.