Dutoronomi 14:2 - Ạḍinya Iigbia

² loor esi dị nyina awe iigbia kꞌỌmoogh-we Ẹnaan phọ anyina. Ọmoogh-we phọ mịsaḅar inyina aḍighi we phọ ọdi sịphe ogbo oomo areelhe phọ ọdi bọ sịen aḅirini phọ.

Dutoronomi 14:2 Iomraidhean Croise

Ẹzra 9:2

Awe aJu phọ uphinogh ruuruen ạnmariir, kụ esi ịduon phọ awe aruukuan phọ Ẹnaan mọphu. Abuḍiemiom mọ rꞌạbuo ịtooghi phọ kụ ụkaraghi bọ ọpioman.

Azaya 41:9

Mị ịsighe ni inyina kꞌẹpe aruukuna aḅirini phọ kụ aru; mị ịmagh inyina kꞌạreekela ạrughulukul kụ ịḅeni inyina mọ, ‘Nyina abutelhedom ạmi.’ Mị inyina íghel, kụ ịsaḅar inyina.

Azaya 6:13

Ghạlamo oniin oye esi aḍioph asugha ni sịphe ade phọ, nyọdi kẹn kopiemi ni; ọdi kạkigh ịdipho egisi ạḍiogh dị mobenogh olher.” (Egisi phọ ẹmeera esi emoom emiighom ẹlo awe phọ Ẹnaan.)

Azaya 62:12

Kighol inyina mọ “Awe Iigbia Phọ Ẹnaan,” “Awe Phọ Ọmoogh-we Phọ Mạphel Bọ.” Kokol Jeruselem mọ, “Ẹmha Dị Ẹnaan Ẹphomoghian,” “Ẹmha Dị Ẹnaan Íkinom.”

Jerimaya 2:3

Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”

Izikiel 21:2

Ọdi ạḅem mọ, “Oye dị kamugh ni, tuphughiom Jeruselem. Tuphughiom riisi phọ awe rooseeny ghan bọ. Pụr rụru de phọ Ịzirel

Dạniel 12:7

Ọokpaany kꞌạke phọ aphoophe ni ịyal ạraghaagh aphoghomi okuaḍio kụ aguanaan rꞌiikunya aḍien Ẹnaan phọ edi ghan bọ kꞌagee-pọ phọ. Mị ụnaghan dị ọdi ạḅem mọ, “Kẹtol ịraar ạsia rꞌạpakiri. Mem dị ọgbiphoghom awe phọ Ẹnaan masi eekuna, pọ oomo ạraraar phọ ịphen memiteghu ni.”

Dạniel 8:24

Ọdi kạmoogh ni ịnyaam — kụ ọlo kési ẹkpar ọdi. Ophiemi dị ọdi kạsighe atumom kẹbugh ni iboom ḅịle ọdi katue ni aḍighi tọrobo ịyaar lọ ọdi ạwa. Ọdi kaagulemi ni we dị ọmoogh ni ịikpo ḅịle kẹn rꞌawe phọ Ẹnaan.

Lịvitikos 11:45

Mị kụ Ọmoogh-we phọ ịsighe bọ inyina emitiom ẹpe ade phọ Ijipt. Mị Ẹnaan anyina. Kụ iḍighi ịmaar ẹphama siloor anyina eseere dọl iigbia ịdi eḍighi bọ mị Ẹnaan iigbia.

Lịvitikos 19:2

“Kạaph ạḅeni oomo ookpomoghan phọ ạnmuny Ịzirel mọ ịtol dọl iigbia, ịdi eḍighi bọ mị Ọmoogh-we Ẹnaan phọ anyina oye iigbia.

Lịvitikos 20:24

Kụ mị rịḅeni bọ inyina mọ ade phọ ạḍiphe ạḍio anyina. Mị mịngaani inyina mọ ịmoogh de phọ; de ẹetool rꞌọninom. Mị kụ Ọmoogh-we Ẹnaan phọ anyina, ọpo mịgbatan bọ inyina esi awe phọ.

Lịvitikos 20:26

Nyina iḍighi we aghuḍuul esi ạmi, ịdi eḍighi bọ mị kụ Ọmoogh-we phọ, mị kụ Ẹnaan aruukuan. Kụ iḍighi, kụ mị mịgbatan inyina ạsighe esi ạbueri phọ awe phọ, ọbo nyina eḍighi bụo ạmi.

Bụo aRom 12:1

Bụo asiya, loor iboom ighirigiir phọ ịphen Ẹnaan rịnma ghan bọ iyira, mị rạlom ni mọ ịḅogh loor phọ anyina imoom eḍighinom ịyaar aghuḍum aruukuan dị Ẹnaan kẹsighe, ẹngo nyọdi. Ẹkpianaan ooseeny ghan ọdi ịduon phọ bịn.

Dutoronomi 14:21

“Tọrobo ịyaar lọ ogina ọdi apu bịn amugh, ị́ba ghan. Ịsighe ẹngaani ruuruen awe lọ ituman inyina bịdi ạa; kẹn ịsighe aalha we lọ ituman inyina, ịdi eḍighi bọ nyina awe iigbia kꞌỌmoogh-we Ẹnaan phọ anyina. “Ị́sighe ghan nmụny ọga emiim mạmaam onhiin phọ ạbidi ẹsaam.

Dutoronomi 28:9

“Ọmoogh-we phọ kimitiom ni inyina agananami nyina eḍighi we iigbia phọ ọdi, ịdipho dị aghunya bọ ịngo inyina, dị nyina eeko ni iilogh Ọmoogh-we Ẹnaan phọ anyina kụ ẹdaph reten phọ ọdi kụ retelhe.

Dutoronomi 33:3

Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 4:20

kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.

Dutoronomi 7:6

ịdi eḍighi bọ nyina awe iigbia esi Ọmoogh-we Ẹnaan phọ anyina. Mị mịsaḅar inyina ạsighe esi oomo awe phọ ạbuen odi bọ sịen aḅirini phọ aḍighi kịro ọdo awe esi ọdi.

Dutoronomi 7:7

“Ọmoogh-we phọ ọ́tuan ịdi nyina kụ ẹbugh epu bụnon awe kụ ịphomoghian bọ inyina, ịsaḅar inyina ạsighe: nyina kụ ighom epu oomo awe.

Tạitos 2:14

Ọdi ạsighe loor ọdi aḍighinom ịyaar aghuḍum ọtagharanam ayira esi oomo ịkaraph, rꞌowophom ayira ọḅaalami, mọ oḍighi bụo ọno bịn, ọmoogh oophugh oḍighinom ghan iiḅi iiḍighi.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.