Dutoronomi 14:1 - Ạḍinya Iigbia

¹ “Nyina ạnmuny Ọmoogh-we Ẹnaan phọ anyina. Mem lọ oye amugh, kégbua ghan rẹlem ịdipho ạbunon awe; kéekporonaan ghan rụmhu anyina rꞌiidum ariḍien anyina,

Dutoronomi 14:1 Iomraidhean Croise

Emiighom 6:2

Kụ buniin ạnmuny phọ Ẹnaan ọmiin ẹnighe ạnmanyaan awe ịsien aḅirini phọ kụ bịdi ọsighiogh nmạnyaan bụphe ọḅeeraan bọ bịdi ophinogh.

Emiighom 6:4

Riiḍio phọ ịpe phọ, kụ ọghiom kẹn ni ghisigh, ikakara awe ụrol li sịen ade phọ. Bụen phọ ẹemara ẹemara awe phọ ạnmanyaan awe ọmaraghinaan bọ nmụny phọ Ẹnaan. Bịdi kụ arephelegbe dị ooleghaan geediidi phọ.

1 Ạbudaam 18:28

Kụ bịdi ọlooghi rꞌeboom ẹḍogh ọsighe rolhool rꞌạsileke obenegha siloor ạbidi, ọdaph eḍighinom ịyaar ạbidi, tụtu ịḅaal emiteghu siloor ạbidi.

Azaya 63:16

Nạ kụ ọde ayoor. Ebraham rꞌạJekob ạburude phọ ayoor iyoor ụ́logh elegh, kụ nạ, Ọmoogh-we, kụ ọde ayoor, ọpo oomo amem rụtagharan ghan bọ iyoor.

Jerimaya 16:6

Ạraalha phọ rꞌarukulom mọ komuughu ni sịen ade phọ ạḍien, kụ ọlo oye kámoghi bịdi mụghumo oḍiighi ạbidi. Oye kạ́logha ẹlem loor ọdi mụghumo oghula ẹmhu ọdi esi oḍeenaan ọto.

Jerimaya 3:19

Ọmoogh-we phọ ạḅem mọ, “Ịzirel, mị ụwa ghan ọsighe ạna oḍighi ọony ạmi ḅịle rꞌọngo ạna ịma ade, de dị ẹkaraghi ẹnighe sịen oomo aḅirini phọ. Mị ụwa ghan mọ nạ ụmagh ịmi mọ ọde, ḅịle amem kị́tol mun dị nạ kạḍua ḍịghaagh ạmi.

Jerimaya 31:9

Awe ạmi kotigheel rꞌemoghi kụ ọḅaram ịiḅereghi mem dị mị ạpham bịdi ratighelom. Mị katorori bịdi asiemi sikol ạmuum, sịphe eten dị ịyaar okpetaan kẹ́tol. Mị ạkigh ọde esi Ịzirel kụ Ifraim kụ ọkpana ạmi.”

Jerimaya 41:5

ọphaanyadi awe ụḍua ni Sẹkem, Sailo rꞌaSameria kụ oru osi. Bịdi ughula rẹleem ạbidi, ọphanyi rụsuoma ạbidi, kụ obenegha siloor ạbidi. Bịdi ụsighe ịbiakpa rꞌịnsens kụ rọkimom Otu Ịiḅereghi phọ ịlo ọngo Ẹnaan.

Jerimaya 47:5

Oboom ọto masooraan weye aGaza, kụ awe Askelon oḅoorian. Kꞌạpur amem kụ ẹdi bụeri phọ awe aFilistia kọtol ghan okururu?

Hosia 1:10

Awe phọ Ịzirel koḍiza ịdipho ịisaar ọgbal ọphiiny, dị kótue ogbi ḅịle rꞌọtooghi. Nyịidipho Ẹnaan rẹḅeni ghan bịdi mọ, “Nyina káwe ạmi,” kụ amem retu ni dị ọdi kạḅeni bịdi mọ, “Nyina ạnmuny Ẹnaan phọ edi ghan bọ!”

Lịvitikos 21:5

“Bịdi kúkula rụmhu ạbidi; ḅịle kẹn, kúkula ọleem ạbidi; ḅịle kẹn, kụ́kiripha siloor ạbidi.

Elegh ạJon 1:12

Kụ buniin ụsighe ni nyọdi ọloghoma, ọḅile omeeraam ḍien phọ ọdi. Bụen phọ kụ ẹdi ọdi ạngo bọ ịikpo mọ oḍighi nmụny phọ Ẹnaan.

Elegh ạJon 11:52

kạ́buo aJu phọ bịn, kạḅaram aani ni nmụny phọ Ẹnaan ọwalala bọ kụ aakpomoghi ạtolomi ḍiniin ạdol.)

Bụo aRom 8:16

Uwaloor phọ Ẹnaan aḍighan aani ruwaloor phọ ayira ọghaaph ghan omitiom mọ yira kụ ạnmuny phọ Ẹnaan.

Bụo aRom 9:26

Ọkaraghi esi phọ ịsiphe ọḅeni bọ bịdi mọ ‘Nyina káwe ạmi,’ kụ ẹdi kokol bịdi mọ ạnmuny Ẹnaan phọ edi ghan bọ.”

Bụo aRom 9:4

Bịdi kụ awe phọ Ẹnaan ẹsaḅar bọ. Ọdi aḍighi bịdi nmụny ọdi. Bịdi uphin aani ni bin eegu phọ ọdi. Ọdi rꞌạbidi ughiran ni ịyo. Ọdi ạngo ni bịdi Ologh phọ, aḍeenaan ịdi kooseeny ghan nyọdi. Bịdi mọmoogh ni rạraar phọ Ẹnaan eguanaan bọ.

Bụo aRom 9:8

Ịphen phọ emeeraam mọ ạnmuny phọ ạbuphe ọmar bọ oopho ẹmaram mọ kụ kạ́nmuny phọ Ẹnaan; bụphe ghụn ọmar bọ omuneniom oguan phọ Ẹnaan kụ ọkaraghi ạbuo ẹemara phọ Ebraham.

2 Bụo ạKorint 6:18

Mị kaḍighi ni ọde anyina, nyina eḍighi nmụny rꞌạnmanyaan ạmi.”

Bụo aGaletia 3:26

Mọtuan omeeraam oomo phọ anyina bịn nyina ẹḅophoghan rꞌạJizos Kraist eḍighi nmụny Ẹnaan.

Dutoronomi 13:18

eru mạar dị nyina kẹnaghanan ghan ẹḍogh Ọmoogh-we Ẹnaan phọ anyina kụ eeko ghan oomo iilogh phọ ọdi ịpe mị ạlogh bọ rịngo inyina rodon kụ reḍighi ghan ịpe eseleman bọ, eru bọ ịne riḍien Ọmoogh-we Ẹnaan phọ anyina.

Dutoronomi 32:6

Ịduon kụ ịdi nyina keḍighi Ọmoogh-we phọ, nyina ạbuo elologhi, we dị ologhi úsu? Ọdi kọ́de phọ anyina, ọpo ịlhem bọ inyina? Ọdi kụ iikpomoghi inyina aḍighi we eniin eelhe.

1 Bụo ạTesalonika 4:13

Bụo asiya, ịḅeeraan iyoor dị nyina kelegheri aani ịlo ạdol ạbuphe momuughu bọ, ọbo nyina kemeelom ghan bọ ọto ịdipho ạbuphe ụ́moogh bọ oḍuom ologhi phọ.

Bụo aHibru 2:10

Ịkpianaan bịn dị Ẹnaan phọ rẹlem ghan bọ oomo ạraraar phọ kesereghi, keḍighi dị ạJizos kạtuan ịminimiin kụ aakuan aseleman, pịdi ọdi adi bin igbogh phọ ọdi ạloghom aani ịbadi ạnmuny, loor esi dị ạJizos bịn kụ rạkonyon ghan reten ạpeleeny kạngo bịdi.

1 Jọn 3:10

Ịduon kụ ịdi kọmiin ọgbaranaan dị odi esi ạnmuny phọ Ẹnaan rꞌạnmuny phọ Eru: oomo ạnmuny phọ Ẹnaan roḍighi ghan ịpe ẹkpianaan bọ, ḅịle kẹn rọpomoghian ghan bụo asiya ạbidi. Ạnmuny phọ Eru úlho ghan dọl phọ ạḍien.

1 Jọn 5:2

Ọphomoghian Ẹnaan rꞌooko ghan iilogh phọ ọdi kụ ịdi yira kolegheriom mọ yira ọpomoghian ni nmụny phọ ọdi.