Dutoronomi 13:5 - Ạḍinya Iigbia

⁵ Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 13:5 Iomraidhean Croise

1 Ạbudaam 13:19

Kụ oyil ọlo aJuda phọ ạdaph okumoor oyil phọ ạghi asi otu, alhe eḍien phọ, ạphughol mụum.

1 Ạbudaam 18:40

Kụ Ilaija ạḅeni bịdi mọ, “Isiphi oomo ariil phọ aBaal. Kémeera rꞌoniin ikpetenaan inyina.” Kụ bịdi osiphi riil phọ. Kụ Ilaija ạsighe bịdi ạpham ạghi asiom ẹpe okol ạmuum mọ ạKison, kụ ạze bịdi.

2 Krọnikuls 34:31

Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ.

Jerimaya 14:15

Mị Ọmoogh-we phọ rạḅeni ghan nyịna ịpe mị kaḍighi bọ riil phọ ạbuphe mị útom bọ kụ rọkaaph ghan bọ esi aḍien phọ ạmi kọḅem mọ ẹgham rꞌịgbakuro kẹ́tol sịen ade phọ ạḍien — mị kạze bịdi esi ẹgham rꞌịgbakuro.

Jerimaya 50:6

“Awe ạmi ọkigh iyool-ịga dị abukoriom mọ mọwile kụ ophe ẹpe aruugum mọ. Bịdi moyeela ịdipho iyool-ịga dị ẹḍua eegum ẹgba eegum, kụ mewula esi ạdol phọ ạbidi.

Jerimaya 7:23

Kụ ọlo mị ụto ni ạḅeni bịdi mọ ụnaghanan ghan ịmi, pịdi mị aḍighi Ẹnaan ạbidi ḅịle kẹn bịdi oḍighi weye ạmi. Ḅịle kẹn mị ụḅeni ni bịdi mọ bịdi ọtuugh ọrol pịdi ạraraar ẹnighenaan bịdi.

Zẹkaraya 13:3

Kụ eḍighi ịyaar dị oye ạkananaam mọ ọno kạmiin ịmiin, pọ ọde phọ rꞌonhiin phọ ọdi kọḅeni ni nyọdi mọ kokiigh ni nyọdi, loor esi dị ọdi maghophora rạḅem ghan mọ ọno rạkaaph ghan ikpo ọnhu Ọmoogh-we phọ, kụ ạri ọdi rạgba ghan ọkpe. Mem dị ọdi ạmiin ịmiin, ọde phọ rꞌonhiin phọ ọdi kọsighe ni ọsoph otoph nyọdi okiigh.

Iiḍighi 13:8

Kụ ọḅaghama phọ, dị oghol ọnhu aGris mọ Ẹlimas, eenan mọ uwo ẹmha phọ kụ́naghanan ooḅi ọghaaph phọ.

1 Bụo ạKorint 5:13

Ẹnaan kụ kesophonaan ọoruen bụeri phọ. Ịdipho ạḍinya iigbia phọ ẹḅem bọ mọ, “Iporogh oḍighinom ịkaraph phọ emitiom sịphe ogbo phọ anyina.”

Dutoronomi 13:10

Ịsighe sighiigh eroḅol nyọdi dị amugh, ịdi eḍighi bọ ọdi riikeleghi ghan inyina mọ ịbile Ọmoogh-we Ẹnaan phọ anyina, ọpo ịsighe bọ inyina ẹpe ade phọ Ijipt ạḍuanam esi ạdol ạrebene.

Dutoronomi 13:15

pọ ikori ẹsighe elhool ẹgham ephiemiom we phọ ạbuphe ọmoogh bọ ẹmha phọ ẹpe, oomo awe ịsiphe ẹmha phọ; ịsighe ẹdume elhool ẹgham ephiemiom bịdi rꞌạsinam mọ ạbidi.

Dutoronomi 13:9

Kiigh nyọdi. Ạḍighaagh ạna kụ ẹphur emeelom nyọdi, kụ ạraghaagh oomo ạbueri phọ awe phọ egbi osoroghuom ọdi.

Dutoronomi 17:5

pọ ịsighe oye phọ ọpo mꞌolephiri mꞌạnir phọ ạpioghom bọ sịpioghom mọ ịphen emitiom sịphe eḍighom ẹmha phọ, ẹsighe ikpo eroḅol nyọdi tụtu dị amugh.

Dutoronomi 17:7

Kụ awe phọ ạbuphe ọmiin bọ kụ ọgba bọ kụ ọphur ọsighe rạghaagh ạbidi ọsighe ikpo oroph oye phọ ọpo kokiigh bọ, kụ aḍita ạbueri phọ awe phọ ogbi ozuom oroḅol aani ikpo. Ịphen kụ keḍighi ịdi ạsipioghom kekunughian ogbo anyina.

Dutoronomi 18:20

Kụ oyil lọ aghol ḍien phọ ạmi kụ ạghaaphom ịlo mị kụ nyọdi ụ́ḅeni mọ ạghaaph; mꞌọlo aghol ḍien ịnon ạrumugh kụ ạghaaph, pọ oyil phọ ọpo phọ kamugh ni.’

Dutoronomi 19:19

Pọ ịtuugh ịpe ọdi agbiighiom bọ mọ oḍighi umor phọ ọdi, eḍighi nyọdi. Iḍighi ghan ịduon ọbo ịkaraph ekunughian sịphe ogbo phọ anyina.

Dutoronomi 22:21

pọ bịdi ọsighe ọnyani phọ omitiom, ọsighe ọghi sịphe esomanan otu ọde ọnyani phọ awe ẹmha phọ oroḅol nyọdi ikpo oghiigh, ịdi eḍighi bọ ọdi mạphue Ịzirel, ạtol kꞌọde ọdi ale ẹmha. Iḍighi ghan ịduon ọbo ịkaraph ekunughian sịphe ogbo phọ anyina.

Dutoronomi 22:24

pọ isiph ịyal phọ ạbidi ẹpham ẹsighe ẹghi ẹpe eḍighom ẹmha phọ eroḅol bịdi ikpo eghiigh, loor esi dị ọnyani phọ ọ́lhooghi pạ ẹmha phọ, oye phọ maafolomi ạnir amatuman ọdi, ọbo nyina ekori ekunughi ịkaraph sịphe ogbo anyina.

Dutoronomi 24:7

“Eru mạar dị nyina esiph oye dị ami oniin umor ọdi sịphe awe phọ Ịzirel kụ rạkpiloghom dịadi ẹbene, mụghumo ạsighe kụ aal, pọ ikiigh ọḅa phọ ọpo.

Dutoronomi 26:14

Mị kọ̋ḅaram ghan muniin abin mọ ạmuphe esi aḍioph asibin phọ óliom, mem lọ mị odi esi ọto. Mị kọ̋sighe ghan kẹn muniin abin mem lọ mị ụ́ḅaal, mị kọ̋sighe ghan kẹn muniin abin ạphighoronaan ạngo bụlo úlho. Mị ạnaghanan ni ẹḍogh Ọmoogh-we Ẹnaan phọ ayoor, kụ mị ạdaph ni oomo iilogh phọ ịpe ọdi ạlogh bọ ụngo iyoor kụ raḍighi ghan.

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Dutoronomi 6:13

Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Dutoronomi 7:4

ịdi eḍighi bọ keḍighi ni ịdi ọony phọ ạna kạgbatanaan ạbile ọdaph ạmi, aaseeny ghan ịnon ạrumugh, bịn eḍighi ịdi Ọmoogh-we phọ kịghagham inyina ọghagh ologhi dị ạbugh bịn iphiemi inyina egina amem.

Josua 23:8

Ịḅararian loor Ọmoogh-we phọ Ẹnaan phọ anyina bịn, ịdipho nyina reḍighi ghan bọ kꞌarodon.

Ogonanami Phọ 19:20

Usiph ni elhom ẹnam mọ rꞌoyil ọkpe phọ aḍighi yogh ghan bọ ịiḍaany ghisigh phọ ọdi ọlogh ikoli. (Ọdi ạsighe ịiḍaany phọ ịpe phọ kụ aakeleghiom bọ bụphe ọlogha yogh bọ elegh elhom ẹnam mọ rꞌạbuphe ooseeny bọ ịyaar ọotughianam ghan ọdi phọ.) Uroph ni elhom ẹnam mọ rꞌoyil ọkpe phọ imoom osumeeny ọodu ạnian phọ reemorom bọ sọlfa phọ.

Bụo Ịiruen 20:13

Nyịidipho imitiom reepheeny phọ ạbuen odi bọ Gibia ịngo iyoor, yoor ọze bịdi, ogbuurogh ịkaraph ọsighe ogbo Ịzirel.” Kụ eghun phọ ạBenjamin ọgunom ikpo ọnhu ạbueri phọ awe phọ Ịzirel.

1 Sạmuel 12:14

Oomo ạraraar kịnighenaan ni inyina eru mạar dị nyina ẹlogh ni eegu Ọmoogh-we phọ, ekumu nyọdi, ẹnaghanan nyọdi, ẹḅile eḍighi ghan ịto phọ ọdi; ḅịle kẹn, eru mạar dị nyina rꞌọdaam ẹmha phọ anyina ẹdaph ni nyọdi.