Dutoronomi 13:4 - Ạḍinya Iigbia

⁴ Ịdaph ghan Ọmoogh-we Ẹnaan phọ anyina kụ erelhe ghan. Ikueni nyọdi, eeko ghan iilogh phọ ọdi, ẹnaghanam ghan ẹḍogh phọ ọdi eeseeny ghan nyọdi, eḍighom nyọdi.

Dutoronomi 13:4 Iomraidhean Croise

2 Ạbudaam 23:3

Kụ ọdaam mọ ạmeera atuman ẹko kụ aghir ịyo risigh Ọmoogh-we phọ ọdaph ọdi rꞌooko ghan iilogh phọ ọdi rꞌịtooghi phọ ọdi, ọsighe oomo ologhi phọ ọdi rꞌuwaloor ọdi kụ oḍighinom ghan ikpo ọnhu ịyo phọ ọge bọ sịen ạḍinya iilogh phọ ạḍien. Kụ oomo awe phọ ọmeregha sịphe ịyo phọ.

2 Krọnikuls 34:31

Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ.

Jerimaya 7:23

Kụ ọlo mị ụto ni ạḅeni bịdi mọ ụnaghanan ghan ịmi, pịdi mị aḍighi Ẹnaan ạbidi ḅịle kẹn bịdi oḍighi weye ạmi. Ḅịle kẹn mị ụḅeni ni bịdi mọ bịdi ọtuugh ọrol pịdi ạraraar ẹnighenaan bịdi.

Maika 6:8

Eeye. Ọmoogh-we phọ mụḅeni ni iyira ịdi ẹnighe. Ịdi ọdi rạwa esi ayira ịduon: oḍighi ịlo ẹkpianaan, oḍeenaan ẹphomoghian oomo amem, rꞌosooromi aloor kụ ọrolan rꞌẸnaan ayira.

Elegh aLuk 1:6

Ịyal phọ ạbidi ụmoogh ni eeḅi ẹzo ghisigh Ẹnaan ooko ghan iilogh Ọmoogh-we phọ ọman.

Bụo aRom 6:13

Kémeera mun ẹḅogh rꞌeniin esi aloor anyina ẹngo mọ ịkaraph ẹsighe eḍighinom ịlo ị́nighe. Ịḅogh ghụn loor phọ anyina ẹngo Ẹnaan, ịdipho awe dị mosi ni kụ origheel. Rꞌesi aloor anyina kísugha ọngo Ẹnaan, ọbo ọdi ạsighe aḍighinom ịpe ẹnighe bọ!

1 Bụo ạKorint 6:17

Kụ ọlo ạḅophoghan Ọmoogh-we phọ, pọ uwaloor ạbidi kaḍighi nyoniin.

Dutoronomi 10:20

Ikueni Ọmoogh-we Ẹnaan phọ anyina. Ọdi kụ ọdi nyina keeseeny ghan. Iḍighom ghan nyọdi, eghunya ghan ḍien phọ ọdi,

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 6:13

Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

Bụo ạKolosi 1:10

ọbo nyina erue ẹrol dọl phọ ạḍiphe ẹkpianaan bọ Ọmoogh-we phọ, eḍighinom ghan ịpe ẹḅeeraan bọ nyọdi ẹmadan. Ịduon kụ ịdi tọrobo ogey oḍighi lọ nyina eḍighi, nyina kemuum iiḅi iimuma, ḅịle elegheriom mọ nyina ẹkar bọ elegheri Ẹnaan epoph rẹkiom ghisigh.

2 Jọn 1:6

Ooko ghan iilogh phọ ọdi kụ ẹphomoghian phọ ẹphen. Ọphon kụ ologh phọ, ịdipho nyina mẹnaghan bọ ni kꞌẹḅel emiighom mọ: mọ ịtolom ghan ẹphomoghian.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”