Dutoronomi 13:3 - Ạḍinya Iigbia

³ pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 13:3 Iomraidhean Croise

1 Ạbudaam 13:19

Kụ oyil ọlo aJuda phọ ạdaph okumoor oyil phọ ạghi asi otu, alhe eḍien phọ, ạphughol mụum.

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 66:10

Nạ muphogh ni iyoor ạmiin ạḅile ụuḅeghion iyoor, Ẹnaan; ịdipho ropoghom ghan bọ silva nịan, ịdipho kụ ẹdi nạ muphogh iyoor.

Ạsuor 81:7

Mem dị nyina ẹrol esi ịiḅaghami, nyina ịmagh ịmi kụ mị ịphel inyina. Sịphe igbo oghim mọ, mị ịnaghanan ni inyina. Mị ịdegh inyina aphogh sịphe okol ạmuum mọ aMeriba.

Ẹḍua 20:20

AMozis ạḅeni we phọ mọ, “Kékiilaan. Ẹnaan meru ọoḅeghion anyina ophogh ḅịle rꞌoḍighi ịdi nyina kẹnaghanan ghan nyọdi, ọbo nyina kẹpioghom ghan bọ.”

Azaya 8:20

Nyina kẹpagharanaan ni bịdi mọ, “Ịnaghanan ịphen Ọmoogh-we phọ rịtughemi bọ inyina. Kéler rụru ẹnaghanan riil arukuru rꞌạroḍogh ạbulo úlho — ịpe bịdi kịmiinaan bọ inyina ḍịghaagh kẹ́logh.”

Matiu 24:24

Ariil ọkpe rꞌạbudi kokola ḍien aMesaya komite ni oḍighi yogh igbogh areḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ.

Iiḍighi 17:11

Bụen kụ ụnighe ẹzo opu bụphe ạTesalonika. Ụnaghanan ni ọghaaph phọ Ẹnaan rꞌophooph ologhi, ọoḅeghion ghan rịikpigh Ạḍinya Iigbia phọ ophogh tọrobo aḍio ịlo ọmiin mọ ịpe ạPol rạkaaph bọ ịne ni.

1 Bụo ạKorint 11:19

(Iikia ílho, amadian kạtol li sịphe ogbo phọ anyina ọbo bụphe roḍighi bọ igey phọ oganana.)

2 Bụo ạKorint 8:8

Mị ụ́ḅem mọ íten ịphen phọ, mị rạwa ghan ọmiin aani ẹemor ẹphomoghian phọ anyina kụ mị rịḅeni bọ inyina ịdi ạbunon roogbulughian ịlo ọloghonaan ạḍighaagh phọ.

Bụo ạEfesos 4:14

Bịn yira kọ́tol mun ịdipho ịbam ạnmuny dị ạmuum oologh rakilom, ḅịle kẹn ookuugh ịtughemi kịrokiro aweye ikeḍi rꞌiikeleghian amabi rạpiphoghom.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

Dutoronomi 8:16

ọpo ịngo bọ inyina mạna ẹpe ẹdala phọ mọ ile (eḍien dị ạburude anyina úlegheri), isooromi bọ inyina, ịdeghogh bọ inyina aphogh rạwa oḍighi anyina igeny ruukuna phọ.

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

2 Bụo ạTesalonika 2:11

Ịduon kụ iḍighi kụ Ẹnaan kẹngo bọ bịdi ịikpo ọpioman dị keekeleghi bịdi mọ omeeraam ọkpe.

1 Jọn 2:19

Awe phọ ạbuen phọ rꞌayira ụ́karaghi ụḅoph oghuugh. Ịduon kụ iḍighi kụ bịdi ụgbatanaan bọ iyira. Mọ bịdi rꞌayira ụḅoph ni oghuugh, ọbo mụrolan ni iyira. Kụ bịdi ụgbatanaan pịdi ọkar ọmiin mọ rꞌoniin ọnyo ạbidi rꞌayira ụ́ḅoph oghuugh.

1 Jọn 4:1

Iiḅi asiya, kémeeraam mun oomo ạbulo rọḅem ghan mọ bụno ọmoogh Uwaloor Iigbia phọ. Ịmaar ghan ẹeḅeghion ruwaloor phọ ephogh mọ ịḍua ni esi Ẹnaan kụ eru, ịdi eḍighi bọ ịbadi ariil ọkpe momite sịen aḅirini phọ.

1 Jọn 4:4

Ịbam ạnmuny, nyina ạbuo kꞌẸnaan, kụ nyina mẹkpar epu riil ọkpe phọ loor esi dị Uwaloor phọ idianaan bọ inyina ạmoogh ni ịikpo apu uwaloor phọ odianaan bọ bụphe aḅirini phọ.

Ogonanami Phọ 13:14

Kụ ọdi ạsighe ni ịiḍaany phọ omeeraam bọ mọ ọdi aḍighi yogh amitiom ghisigh ẹḅel elhom ẹnam mọ aakeleghiom oomo awe phọ orugh bọ sịen ade phọ. Ẹnam mọ ẹphen phọ ịḅeni ni oomo awe aḅirini phọ mọ ọka ịyaar ọotughianam ghan elhom ẹnam mọ ẹpe elhool ẹgham mọ esoroghuom bọ kụ úmugh bọ.

Bụo Ịiruen 2:22

Mị kạsighe rạmha phọ ịpe kụ ạdeghom Ịzirel apogh mụghumo bịdi kọsighe sịphe kụ ogonaam siloor ạbidi kụ ọdaph reten phọ Ọmoogh-we phọ kụ otelhe ghan ịdipho ạburude phọ ạbidi, mụghumo kọ́daph.”

1 Sạmuel 26:19

Oboom ọdaam, nạghan ịphen mị kạḅem bọ. Eru mạar dị Ọmoogh-we phọ kụ ạsighe nyịna ruboroghom ịmi, pọ ọphighiron ẹkia ọngo ọdi kanme ni ologhi phọ ọdi; kụ ọlo eru mạar dị awe kụ oḍighi ịduon phọ, pọ itulughian Ọmoogh-we phọ ẹrolonaan bịdi loor esi dị bịdi muphorogh ịmi omitiom sịphe ade Ọmoogh-we phọ ọsighe ọkiom ekpisi dị mị kạaḅereghi ghan iiruen pọ ạrumugh bịn.