Dutoronomi 13:2 - Ạḍinya Iigbia

² eru mạar dị ạreḅeni phọ ọdi rꞌịiḍaany phọ ịpe ọdi ịḅeni bọ inyina kụ ẹtuugh ni ịdipho phọ kụ emite, kụ eru mạar dị ọdi ịḅeni inyina mọ itu ọoḅereghi ịnon ạrumugh dị nyina ílegheri, mọ okumu bịdi ooseeny ghan;

Dutoronomi 13:2 Iomraidhean Croise

1 Ạbudaam 13:3

Kụ ọdi amitiom eḍeenaan eniin phọ aḍio phọ kụ ạḅeni mọ, “Kogunyon ni enmeny ạrikia phọ kụ ọsighe ọoru phọ odi bọ sịphe ạnyu phọ ozuughi ạwai. Ịduon kụ nạ kalegheriom mọ mị ạkaraghi ni rạkaaphaan Ọmoogh-we phọ.”

Ẹḍua 22:19

“Oye lọ ạrolan esi rꞌẹnam, ikiigh oye phọ ọpo.

Ẹḍua 7:22

Kụ awe ịiḍaany phọ Ijipt ọsighe rụgba phọ ạbidi ọtuugh ịphen phọ oḍighi aani, kụ ẹkparami ologhi ọdaam eelhe phọ, ọ́naghanan Mozis rꞌEeron, ịdipho Ọmoogh-we phọ mạtuugh bọ ạḅem.

Jerimaya 23:32

Iler rụru ịphen mị Ọmoogh-we phọ rạḅem bọ! Mị akiriom ni riil phọ ạbuphe rọgba ghan bọ mạlha ọkpe phọ ạbidi. Bịdi obaga rọgba ghan mạlha ọkpe phọ ạbidi kookeleghiom weye phọ ạmi. Mị kụ bịdi útom mụghumo ọto ọngo ạbidi mọ ọghi, ḅịle kẹn bịdi úḍighi ọloghonaan ạḍighaagh esi awe phọ ạmi rꞌẹnum. Mị, Ọmoogh-we phọ, kụ mạḅem.”

Jerimaya 27:9

Kẹ́naghanan riil phọ anyina rꞌạtorobo oye lọ ạḅem mọ ọno katue ni ạmiin uḍien, mꞌesi ạramalha, mꞌesi ọmagh aruwaloor awe lọ momuughu, mꞌesi ịiḍaany. Oomo ạbidi ịḅeni inyina mọ késooromi siloor ẹngo ọdaam-eelhe phọ ạBabilon.

Jerimaya 28:9

Kụ ọlo oyil lọ ạmiin ịmiin ẹepho kotue ni olegheri mọ Ọmoogh-we phọ ni kụ ạkar arom oyil phọ ọpo mem dị ịmiin phọ ọdi memite.”

Zẹkaraya 10:2

Awe rọki ghan idike esi ịkaaghineen ạraraar ḅịle rꞌesi ạpiiph-pịiph, kụ ọlo ọphagharanaan dị bịdi rọmoogh ghan eḍighi ọkpe dị ụ́moogh ịyaar oḍighinom. Buniin rọgba ghan mạlha lọ oye ạmalha, kụ ọlo riikeleghi ghan ni inyina bịn; ịidereghi phọ bịdi rọngo ghan bọ ị́moogh ịyaar oḍighinom. Kụ iḍighi kụ awe phọ royeela ghan bọ mụdi iyool-ịga dị mephe. Bịdi odi esi ịiḅaghami ịdi eḍighi bọ bịdi ụ́moogh oḍiemiom.

Matiu 24:24

Ariil ọkpe rꞌạbudi kokola ḍien aMesaya komite ni oḍighi yogh igbogh areḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 18:20

Kụ oyil lọ aghol ḍien phọ ạmi kụ ạghaaphom ịlo mị kụ nyọdi ụ́ḅeni mọ ạghaaph; mꞌọlo aghol ḍien ịnon ạrumugh kụ ạghaaph, pọ oyil phọ ọpo phọ kamugh ni.’

Dutoronomi 18:22

Mem lọ oyil dị aghol ḍien Ọmoogh-we phọ kụ ạghaaph kụ eru mạar dị ịpe ọdi ạghaaph bọ ímite, ḅịle kẹn ítu ịne, pọ ịpe phọ Ọmoogh-we phọ kụ ọ́ghaaph, pọ oyil phọ ọpo phọ ạpu ni bịn ạghaaph aani. Kékiilaan nyọdi.