Dutoronomi 13:18 - Ạḍinya Iigbia

¹⁸ eru mạar dị nyina kẹnaghanan ghan ẹḍogh Ọmoogh-we Ẹnaan phọ anyina kụ eeko ghan oomo iilogh phọ ọdi ịpe mị ạlogh bọ rịngo inyina rodon kụ reḍighi ghan ịpe eseleman bọ, eru bọ ịne riḍien Ọmoogh-we Ẹnaan phọ anyina.

Dutoronomi 13:18 Iomraidhean Croise

Emiighom 22:17

mị maguanaan mọ mị kạngo nyịna ịbadi ẹemara dị kẹtol ịdipho ạraanaan phọ edi bọ kꞌạke phọ rꞌikpo ịisaar phọ edi bọ sịphe ọphiiny phọ. Ẹemara ẹemara ạna kọkpar ri opu ghan bụmulogh-ḍien ạbidi.

Ạsuor 119:6

Eḍighi mạar dị mị ạnaghanan oomo ịtooghi phọ ạna bịn ịmi kúseere dọl umugholoor.

Matiu 6:33

Kụ ịpur ghụn ẹwa ọmar phọ kꞌẸnaan rꞌịpe ọdi rạwa bọ mọ iḍighi ghan, bịn oomo phọ ạraraar phọ ịphen Ẹnaan kimuzeḍinaan ni inyina.

Matiu 7:21

“Oomo phọ ạbuphe rụmagh bọ ịmi mọ, ‘Ọmoogh-we, Ọmoogh-we,’ kụ kóḍigh ọmar phọ kꞌẸnaan. Bụphe oḍighi bọ ịpe Ọde phọ ạmi odi bọ kꞌạke phọ rạwa bọ kụ koḍigh.

Matiu 7:24

“Loor ịphen phọ, tọrobo oye lọ ạnaghan ikpo ọnhu phọ ạmi ịphen kụ ạtuugh aḍighi, mị kạmaaniom nyọdi oye olegheri-ịyaar dị aphighi otu ọdi ạnyu aḍighiigh.

Dutoronomi 12:25

Ị́baam ghan ịḅaal phọ, ọbo ịnighenom inyina rꞌạnmuny anyina, bụphe kọtol bọ dọl phọ anyina. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ.

Dutoronomi 12:28

Ịlogh elegh, ẹphamanam ịphen mị rịḅeni bọ inyina ọbo ịnighenom inyina rꞌạnmuny anyina bụphe kọtol bọ dọl phọ anyina kꞌagee-pọ. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ Ẹnaan phọ anyina.

Dutoronomi 12:32

“Tọrobo ịpe mị ạlogh bọ ologh ịngo inyina, ịpamanam ghan ịpe phọ kụ ẹdaph ghan eḍighinom. Ị́sighe ghan ịnon ẹḅaram, ḅịle kẹn ípiemi ghan.

Dutoronomi 13:17

Esi oomo ạraraar phọ ịpe mosu bọ ọkaraph ọnhu kopiemi bọ, kụ́miin rꞌeniin ịyaar ḍịghaagh anyina, ọbo Ọmoogh-we phọ kakiton esi ạghelhe phọ ọdi, iḍeenaan inyina ọnma ighirigiir. Ọdi kạmoogh ni igbiririph esi anyina, ịseph inyina, ạbughe ọophi ẹmaria phọ anyina, ịdipho dị aghunya bọ ạngo bụrude phọ anyina,

Dutoronomi 14:1

“Nyina ạnmuny Ọmoogh-we Ẹnaan phọ anyina. Mem lọ oye amugh, kégbua ghan rẹlem ịdipho ạbunon awe; kéekporonaan ghan rụmhu anyina rꞌiidum ariḍien anyina,

Dutoronomi 7:26

Kẹ́pam ghan ḅạphanya erighelom kꞌanyina, ọbo nyina kẹghigh ịyaar dị moruule. Ikel ḅạphanya, ẹmaghami ịyaar dị mẹphuph, ịyaar dị moruule.

Josua 7:26

Kụ bịdi okpolom egu ipoḍi asighiigh ạnyu ọdi, kụ edi ghan kꞌarodon. Loor ịphen phọ okol esi phọ mọ Eḍiiny Ịiḅaghami kꞌarodon. Kụ ọghagh ologhi phọ Ọmoogh-we phọ ạwologhu.