Dutoronomi 13:16 - Ạḍinya Iigbia

¹⁶ Kụ ekori ẹsighe oomo aruphua phọ ạbidi nyina ewum bọ eekpomoghi ekpol sịphe egbogh erugh ẹmha phọ, kụ ẹḅaram rꞌẹmha phọ eguom nịan, eḍighi ẹkia oguom ạnian ọngo Ọmoogh-we Ẹnaan phọ anyina, eḍighi ebum ẹrol sịphe kꞌagee-pọ, kọ́loghoḍi mun ruutu sịphe phọ.

Dutoronomi 13:16 Iomraidhean Croise

Ẹḍua 22:19

“Oye lọ ạrolan esi rꞌẹnam, ikiigh oye phọ ọpo.

Azaya 17:1

Ọmoogh-we phọ ạḅem mọ, “ẠDamaskos káḍighi mun ẹkpana ẹmha ạkiom ghisigh; ọdi kaḍighi eḅum amuphe.

Azaya 25:2

Nạ makiton igbogh ạramha aḍighi ịzeghe kụ apiemi riisi ẹkpar phọ ạbidi mem ẹgham. Arigiga ạbudaam ạbumulogh-ḍien phọ ayoor ọlogh bọ memeleghu kụ rọ́logh mun kꞌagee-pọ.

Jerimaya 49:2

Kụ amem retu ni dị mị kaḍighi ịdi awe ẹkpana ẹmha aRaba kọnaghan ọyugh elephiri, kụ keegulaan ni; kụ rạmha phọ etuman bọ ạnian kele oguulemi. Pọ kụ amem dị Ịzirel kọsighe de ạbidi ḍịghaagh ạbuphe ạar bọ de phọ bịdi.

Izikiel 26:14

Mị kasugheeny oopho asighiigh esi dị ạbukoniom ina kotere ghan ịzuguru ạbidi. Kótue mun ọḅile oselemi ẹmha phọ. Mị Ọmoogh-we dị ạmoogh oomo ịikpo mạḅem.”

Maika 1:6

Esi ịduon phọ, Ọmoogh-we phọ ạḅem mọ, “Mị katene Sameria eḅum asighiigh sịphe ạḍiyaghaghaany ade phọ, esi dị kọzuph ghan iizin ireeny amiim. Mị kaaku ịpherepe iikpe ẹmha phọ ologhi eḍiiny, kụ aguphogh amitiom ephighiom mọ.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Dutoronomi 7:26

Kẹ́pam ghan ḅạphanya erighelom kꞌanyina, ọbo nyina kẹghigh ịyaar dị moruule. Ikel ḅạphanya, ẹmaghami ịyaar dị mẹphuph, ịyaar dị moruule.

Josua 6:21

Kụ bịdi ophiemi ẹmha phọ oogulemi oomo aruphua ịsiphe ẹmha phọ, lephiri rꞌạnmariir, ugheel rꞌikumoor awe, sịnam rꞌiyool-ịga rꞌịnam adool; ọsighe ghan ẹdume elhool ẹgham mọ kụ ophiemiom bịdi.

Josua 6:24

Kụ ọsu nịan ẹmha phọ, ọḅaram oomo aruphua ịsiphe ẹmha phọ, omuton silva rꞌagol rꞌạraraar ịpe ọlhemom bọ enaba rꞌịlo arukuron. Bịdi ọsighe ịphen phọ ọghi ọlogh sịphe rooko ghan bọ rạraar sịphe otu phọ Ọmoogh-we phọ.

Josua 6:26

Kụ aJosua ạphur rụru mem mọ ạmuphe mọ, “Itulughian ẹrolonaan risigh Ọmoogh-we phọ tọrobo oye phọ ọpo kaḅetenu bọ ạḅile ạki ọlogh ẹmha phọ aJeriko. Ọkpana ọony ọdi kụ ọdi dị kạsighe apighiom, esoony ọony ọdi kụ ọdi dị kạsighe ạmeremiom ọnhu-aḍibuo oghoony ẹmha phọ.”

Josua 8:28

Kụ aJosua ạsu nịan Eai, kụ ạraraar phọ ịpe bịdi ịphueghi bọ ekpolan egu. Ẹsighe kꞌaḍio phọ ạḍiphe ẹteeny kꞌarodon, edi ghan ịdipho.