Dutoronomi 13:11 - Ạḍinya Iigbia

¹¹ Kụ oomo phọ anyina awe phọ Ịzirel ịnaghan, kẹ́pioghom mun ọdo phọ ịphen sịphe ogbo phọ anyina.

Dutoronomi 13:11 Iomraidhean Croise

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Asidogh 19:25

Ophoophe aloor ạkpe ni ọliom, pịdi awe dị ịyaar úlegheri ọmoogh ịyaar ọtuugha. Nạ alegheri mạar, nạ kạtuugha ni mem dị ooleminaan nyịna.

Asidogh 21:11

Mem lọ ọliom oye ophoophe aloor, ghạlamo oye lọ ịitughian ụ́moogh ạtuugha ni ịyaar. Oye olegheri ịyaar kalegheriom ịyaar esi ịlo ọḅeni nyọdi.

Lịvitikos 20:2

mọ ạḅeni we phọ Ịzirel mọ, “Tọrobo oye mꞌọlo ịsiphe ẹmha phọ mꞌooruen lọ rꞌanyina erughan kụ ạsighe oniin ọony ọdi ạḅogh ạngo Mọlek, pọ ikiigh ghan oye phọ ọpo. Nyina aḍita ạbuo ookpomoghan phọ itoḅol nyọdi ikpo.

Igbiighi 25:4

Kụ Ọmoogh-we phọ ạḅeni Mozis mọ, “Sịghe oomo ạbuo ạrumhu phọ Ịzirel asinogh bịdi egbodo ạmi, sịphe ogogo phọ, bịn mị kạ́mooghom mun ophin ologhi we phọ.”

Dutoronomi 13:12

“Mem mọ nyina erugh bọ sịphe ade phọ Ọmoogh-we Ẹnaan phọ anyina rịngo bọ inyina mọ itugh, eru mạar dị nyina ẹnaghan ịdi buniin ọdorodo ighiil awe mọḍua ịgbatanaan inyina, oporogh bụo ẹmha phọ ạbidi kụ rọḅem ghan mọ itu ọghi ooseeny ghan ịnon ạrumugh dị nyina ílegheri,

Dutoronomi 17:13

ọbo oomo aweye phọ ọnaghan oghiilaan ọwile iituma rꞌịgbagharan.

Dutoronomi 19:20

Bịn ạbueri phọ awe phọ kọnaghan bọ mọmoogh oghiilaan; bịn emiigh kꞌamem mọ ạmuphe kóḍighi ghan mun ọdo phọ ịkaraph phọ ịpe sịphe ogbo phọ anyina.

Dutoronomi 21:21

Oomo awe ẹmha phọ ạbidi ọsighe ikpo oroḅol nyọdi oghiigh, ọbo ẹkaraph ẹghelegheel ekunughian sịphe ogbo phọ anyina, oomo awe phọ Ịzirel ọnaghan kụ oghiilaan.

1 Timoti 5:20

Oomo ạbulo oḍighi ịkaraph ḅạam ghan esi ogbo, pịdi ạbueri phọ ọmoogh oghiilaan.

Josua 7:25

Kụ aJosua ạḅeni nyọdi mọ, “Uḍighi ika kụ nạ ạsighe ịiḅaghami dị ẹrol ịduon uruom iyoor? Ọmoogh-we phọ kạsighe nyịidipho ịiḅaghami aruom nyịna.” Kụ oomo awe phọ Ịzirel ọsighe ikpo oroḅol Akan oghiigh; bịdi ọḅile oroḅol ikpo eghunotu ọdi kụ oguom bịdi rꞌaruphua ạbidi nịan.