Dutoronomi 13:10 - Ạḍinya Iigbia

¹⁰ Ịsighe sighiigh eroḅol nyọdi dị amugh, ịdi eḍighi bọ ọdi riikeleghi ghan inyina mọ ịbile Ọmoogh-we Ẹnaan phọ anyina, ọpo ịsighe bọ inyina ẹpe ade phọ Ijipt ạḍuanam esi ạdol ạrebene.

Dutoronomi 13:10 Iomraidhean Croise

2 Ạbudaam 11:18

Kụ oomo awe ạbuo ẹpe ade phọ ọghi oḍigh sịphe otu phọ aBaal ogbonyon renmeny ạrikia phọ rꞌigbudu phọ olhereghi, ọḅaram rạraar phọ ịpe ọkaaghi bọ oḅomoghi, okiririph bịdi, oghiigh Matan oyil ạrikia phọ aBaal sịphe esomanan ạrikia phọ. Kụ ạJehoyada ạma we dị kopogh ghan Otu Ịiḅereghi phọ.

2 Krọnikuls 24:21

AJoas ọdaam mọ ạḅophan we kụ omitenom ẹkaraph ezue Zẹkaraya, kụ esi ịto ọdaam mọ awe phọ oroḅol ikpo Zẹkaraya sịphe ogiga Otu Ịiḅereghi phọ.

Ẹḍua 20:2

“Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene.

Ẹḍua 32:27

Kụ ọdi ạḅeni bịdi mọ, “Ọmoogh-we Ẹnaan phọ Ịzirel ạḅem ịduon mọ, ‘Tọrobo oye ạsighe elhool ẹgham ọdi ạḅanam, kụ arelhe akitonom rugbogo phọ ẹḍua eḍighom mọ ẹphen kụ esi nyẹeri phọ, kụ ạze bumor ọdi rꞌạrighiri ọdi rꞌasiya ọdi.’”

Lịvitikos 20:2

mọ ạḅeni we phọ Ịzirel mọ, “Tọrobo oye mꞌọlo ịsiphe ẹmha phọ mꞌooruen lọ rꞌanyina erughan kụ ạsighe oniin ọony ọdi ạḅogh ạngo Mọlek, pọ ikiigh ghan oye phọ ọpo. Nyina aḍita ạbuo ookpomoghan phọ itoḅol nyọdi ikpo.

Lịvitikos 20:27

Kꞌạnir, kꞌolephiri dị aru uwaloor ịmiin mụghumo ọḅaghama, pọ itoḅol nyọdi ikpo dị amugh; ịḅaal ọdi edi ẹmhu ọdi.

Lịvitikos 24:23

AMozis rọghaaph ịphen phọ rọḅeni we phọ Ịzirel, kụ bịdi ọsighe oye iitunyian phọ omitenom sịphe arugbogo phọ oroḅol nyọdi ikpo oghiigh. Ịduon kụ ẹdi awe phọ Ịzirel ụdaph ni ologh phọ Ọmoogh-we phọ ạlogh bọ ạngo Mozis.

Dutoronomi 13:5

Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 17:5

pọ ịsighe oye phọ ọpo mꞌolephiri mꞌạnir phọ ạpioghom bọ sịpioghom mọ ịphen emitiom sịphe eḍighom ẹmha phọ, ẹsighe ikpo eroḅol nyọdi tụtu dị amugh.

Dutoronomi 17:7

Kụ awe phọ ạbuphe ọmiin bọ kụ ọgba bọ kụ ọphur ọsighe rạghaagh ạbidi ọsighe ikpo oroph oye phọ ọpo kokiigh bọ, kụ aḍita ạbueri phọ awe phọ ogbi ozuom oroḅol aani ikpo. Ịphen kụ keḍighi ịdi ạsipioghom kekunughian ogbo anyina.

Dutoronomi 21:21

Oomo awe ẹmha phọ ạbidi ọsighe ikpo oroḅol nyọdi oghiigh, ọbo ẹkaraph ẹghelegheel ekunughian sịphe ogbo phọ anyina, oomo awe phọ Ịzirel ọnaghan kụ oghiilaan.

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Josua 7:25

Kụ aJosua ạḅeni nyọdi mọ, “Uḍighi ika kụ nạ ạsighe ịiḅaghami dị ẹrol ịduon uruom iyoor? Ọmoogh-we phọ kạsighe nyịidipho ịiḅaghami aruom nyịna.” Kụ oomo awe phọ Ịzirel ọsighe ikpo oroḅol Akan oghiigh; bịdi ọḅile oroḅol ikpo eghunotu ọdi kụ oguom bịdi rꞌaruphua ạbidi nịan.