Dutoronomi 12:9 - Ạḍinya Iigbia

⁹ Kụ nyịidipho nyina kẹ̋ghi esi, esi ophooghian rꞌẹmoogh phọ ịpe Ọmoogh-we Ẹnaan phọ anyina raḍighi bọ ịlo ọngo anyina.

Dutoronomi 12:9 Iomraidhean Croise

1 Ạbudaam 8:56

“Ạḍiseph ẹrolonaan Ọmoogh-we phọ ạngo bọ ẹepho we phọ ọdi Ịzirel, ạdaph oomo ịpe ọdi aguanaan bọ. Rꞌeniin ekpo ísugha esi oomo igey phọ ịpe ọdi aguanaan bọ Mozis otelhedom mọ ọdi.

1 Krọnikuls 23:25

ADevid ạḅem ịduon: “Ọmoogh-we Ẹnaan phọ Ịzirel mạngo ẹepho we ọdi, kụ ọdi rꞌaloor kạtol ghan ẹpe Jeruselem kꞌagee-pọ.

Ạsuor 95:11

Kụ ẹghagh ologhi ạmi kụ mị aghunya mọ, ‘Nyina kéḍigh de phọ, sịphe mị mụngo bọ inyina ophooghian.’”

Jerimaya 31:2

Ẹpe ade ịisaar phọ mị ụnma ni ighirigiir weye phọ okpetenaan bọ ḍuugh. Mem mọ aweye phọ Ịzirel ọlom bọ ophooghian phọ,

Maika 2:10

Iḅerenu ẹḍua; ạdol ẹepho ílho mun sịen. Ịkaraph anyina mẹphue esi phọ ẹphen ẹḅogh ẹngo oogulemi.

Dutoronomi 12:8

“Kẹ́daph ghan oomo phọ ịphen yira roḍighi bọ sịen rodon kụ eḍighi, uwo ịlo ọdi aḍighi ghan ịlo eḍighi elhiom esi ọdi.

Dutoronomi 25:19

Kụ ẹteeny mem dị Ọmoogh-we Ẹnaan phọ anyina keḍighi ịdi nyina kekpetenaan bụmulogh-ḍien phọ anyina iko bọ inyina ekitonom, ịngo inyina ophooghian ẹpe ade phọ Ọmoogh-we Ẹnaan phọ anyina ịngo bọ inyina ọmoogh phọ, nyina kegbuurogh ni ẹsighe sịphe iloghi phọ anyina ọotughian ghan Ạmalek. Kébula ghan.

Dutoronomi 3:20

Ịloghonaan ḍịghaagh bumor anyina we Ịzirel tụtu bịdi osi ọsighe de phọ ạḍiphe Ọmoogh-we Ẹnaan phọ anyina rạngo bọ bịdi ẹpe ạga emeelom ạJodan, kụ tụtu Ọmoogh-we phọ mạngo bịdi ọgel ọrol rꞌẹepho ịduon ọdi maḍighi bọ sịen ịngo inyina.’

Dutoronomi 4:21

Ọmoogh-we phọ ạtuan rụmhu anyina kụ ụghagham ịmi ologhi, kụ aghunya ạḅem mọ mị kạ́ḅeeny Ọphiiny ạJodan apun ạki asi aani ẹpe aḍiiḅi ade phọ ạḍiphe Ọmoogh-we Ẹnaan phọ anyina rịngo bọ inyina mọ ịmoogh phọ.

Josua 11:23

Kụ aJosua ạsighe oomo ade phọ ạbidi, ạdaph oomo ịpe Ọmoogh-we phọ ạghaaph bọ ạḅeni Mozis. Kụ aJosua ạsighe de phọ adiemi we Ịzirel eḍighi ẹlo ạbidi; ọdaph bin mụo eghun rꞌeghun. Kụ ạraagham emuneen, ade phọ ẹpho esi ạraagham.